«Տանել չեմ կարողանում, երբ նայում են դեմքիդ ու ստում». Սամվել Թոփալյան

Exclusive

Past.am-ը շարունակում է փորձել բլից հարցերի միջոցով բացահայտել մեր սիրելիներին, որոնց ավելի շատ սովոր ենք հեռուստաէկրաններին տեսնել:

Այս անգամ մեր զրուցակիցը դերասան Սամվել Թոփալյանն է:

 

- Ձեր օրն սկսվում է...

- Սուրճով, հետո միանգամից՝ աշխատանքի:

- Ո՞վ կամ ի՞նչն է Ձեր ոգեշնչման աղբյուրը:

- Իմ շրջապատը, ընկերներս, ընտանիքս:

- Գեղեցիկը Ձեզ համար...

- Ամեն ինչ է:

- Ու՞մ եք դիմում, երբ հուսահատ եք:

- Ինքս իմ մեջ եմ փորձում լուծել այդ հարցը:

- Կյանքում երբեք չեք ների...

- Շատ բաներ:

- Ձեր ամենամեծ հիասթափությունը...

- Դեռ չեմ ունեցել:

- Մի բան, որի համար շատ եք ափսոսել...

- Հիմա չեմ մտաբերում:

- Ձեր կյանքի ամենառոմանտիկ հանդիպումը...

- Ես մի քիչ ռոմանտիկայից հեռու եմ ))

 

- Երբ բարկացած եք...

- Դա շատ վատ է:

- Ձեզ հասկանալու համար դիմացինը պետք է...

- Ուղղակի փորձի ճանաչել ինձ ու հասկանալ այնպիսին, ինչպիսին ես կամ:

- Եթե լինեիք ամենազոր...

- Շատ բաներ կուզեի փոխել, որոնք այսօր մեր շրջապատում կան:

- Հայրենիքը Ձեզ համար...

- Մի բառով չեմ կարող ասել, բայց մեծ բան է:

- Ամենաշատը երազում եք...

- Զավակներիս ապագան տեսնել լավ, լուսավոր:

- Երբեք չեք փորձի...

- Չգիտեմ:

- Աշխարհի լավագույն վայրը Ձեզ համար...

- Իմ տունը:

- Միշտ վախեցել եք...

- Կորուստներից:

- Մարդ, ով փոխել է Ձեզ...

- Չկա այդպիսի մարդ:

- Տանել չեք կարողանում, երբ...

- Նայում են դեմքիդ ու ստում:

- Մի բառով բնորոշեք ինքներդ Ձեզ:

- Խառը:

- Ձեր կյանքի ամենամեծ ձեռքբերումը...

- Ընտանիքս:

 

- Տարվա ո՞ր եղանակի հետ եք Ձեզ ասոցացնում:

- Չեմ ասոցացնում, բայց սիրում եմ գարունը:

- Իր, որ միշտ Ձեզ հետ է...

- Ցավոք սրտի, հեռախոս:

- Երջանկության Ձեր բանաձևը...

- Ազատ լինել:

- Ամենակարևորը կյանքում…

- Ազատությունն է:

- Վերջին անգամ ե՞րբ եք արտասվել:

- Չգիտեմ, անկեղծ ասած՝ արտասվելու, հուզվելու համար ինձ քիչ բան է պետք:

 

- Այս պահին կուզենայիք...

- Հիմա շատ ծխել եմ ուզում:

- Ձեր գերագույն նպատակն այս կյանքում...

- Տեսակս չփոխել:

- Ուրիշ ի՞նչ հարցի կցանկանայիք պատասխանել, որը չհնչեց:

- Չգիտեմ, ինձ թվում է՝ լիքը հարցեր տվեցիք:

- Եվ վերջում...

- Լավ լինենք բոլորս:

 

Մարիամ Նալբանդյան