«Ես բարդ մարդ չեմ, ինձ հասկանալու համար ջանք պետք չէ գործադրել». Անուշիկ Ալավերդյան

Exclusive

 

Past.am-ի բլից հարցերին պատասխանում է երգչուհի Անուշիկ Ալավերդյանը:

 

- Ձեր օրն սկսվում է...

- Օրս միշտ նույն ձև է սկսվում: Արթնանում եմ փոքրիկիս ձայնից, ով, աչքերը բացելուն պես, «մամա» է կանչում

- Ո՞վ կամ ի՞նչն է Ձեր ոգեշնչման աղբյուրը:

- Ստեղծագործունեության մեջ միայն մեկ բան կա՝ այն արտիստները, ովքեր երաժշտության մեջ նորն ու որակյալն են մատուցում:

- Գեղեցիկը Ձեզ համար...

- Բնությունն է:

- Ու՞մ եք դիմում, երբ հուսահատ եք:

- Միայն ամուսնուս:

- Կյանքում երբեք չեք ների...

- Երբեք չեմ ասում երբեք:

- Ձեր ամենամեծ հիասթափությունը...

- Տարիներ առաջ էր՝ կապված ընկերներիս հետ:

- Մի բան, որի համար շատ եք ափսոսել...

- Տատիկիս եմ շատ կարոտել: Իր հետ կապված՝ այսօր ցանկացած լավ բան, որ չի տեսնում, օրինակ՝ իր ծոռներին:

- Ձեր կյանքի ամենառոմանտիկ հանդիպումը...

- Ամուսնուս հետ մեր յուրաքանչյուն հանդիպումը, երբ նոր էինք շփվում:

- Երբ բարկացած եք...

- Լաց եմ լինում, որ հանգստանամ:

- Ձեզ հասկանալու համար դիմացինը պետք է...

- Ես բարդ մարդ չեմ, ինձ հասկանալու համար ջանք պետք չէ գործադրել:

- Ընտանի կենդանի ունե՞ք:

- Այո, շուն: Միշտ եմ ունեցել:

- Եթե լինեիք ամենազոր...

- Հիվանդ մարդ չէր լինի, խաղաղություն կլիներ:

- Հայրենիքը Ձեզ համար...

- Տունս է:

- Ձեր կյանքի ամենամեծ ձեռքբերումը...

- Ամուսինս ու փոքրիկս:

- Ամենաշատը երազում եք...

- Որ իմ սիրելի մարդիկ միշտ առողջ լինեն ու ապրենք խաղաղության մեջ:

- Երբեք չեք փորձի...

- Երբեք չեմ ասում երբեք ))

- Աշխարհի լավագույն վայրը Ձեզ համար...

- Երբ որ շրջագայեմ ամբողջ աշխարհով մեկ, այդ ժամանակ կասեմ ))

- Միշտ վախեցել եք...

- Մթությունից, առնետներից, անդուր միջատներից:

- Մարդ, ով փոխել է Ձեզ...

- Աղջիկս:

- Տանել չեք կարողանում, երբ...

- Երկար ժամանակ աղմուկ է:

- Մի բառով բնորոշեք ինքներդ Ձեզ:

- Խաղաղություն:

- Տարվա ո՞ր եղանակի հետ եք Ձեզ ասոցացնում:

- Գարնան:

- Իր, որ միշտ Ձեզ հետ է...

- Հեռախոսս:

- Երջանկության՝ Ձեր բանաձևը...

- Սիրող ամուսին, սիրուց ծնված փոքրիկներ, սիրված աշխատանք ու էլ բան պետք չէ ))

- Առանց ինչի՞ չեք կարող ապրել:

- Առանց ընտանիքիս ու երաժշտության:

- Ամենակարևորը՝ կյանքում…

- Առողջությունն ու հաջողակ լինելն է:

- Վերջին անգամ ե՞րբ եք արտասվել:

- Երբ բարկանում եմ ու նյարդայնանում (դա հաճախ է լինում):

- Այս պահին կուզենայիք...

- Ծովափին պառկած լինեի ))

- Ձեր գերագույն նպատակն այս կյանքում...

- Քաղել յուրաքանչյուր լավ բան այս կյանքից:

- Ուրիշ ի՞նչ հարցի կցանկանայիք պատասխանել, որը չհնչեց:

- Այսքանը բավարար էր:

- Եվ վերջում...

- Շնորհակալություն ))

 

Մարիամ Նալբանդյան