Փաշինյանը բառացիորեն բոլոր իրական դաշնակիցներին դարձնում է Հայաստանի հակառակորդներ․ «Փաստ»

«Փաստ» օրաթերթը գրում է

newsfrol.ru–ն «ԱՄՆ–ը պատրաստվում է կռվել Թուրքիայի դեմ մինչև վերջին հայը» վերնագրով հոդվածում գրում է, որ ԱՄՆ-ը կակտիվացնի Թուրքիայի դեմ գործողությունները միաժամանակ արևմուտքից և արևելքից: Միևնույն ժամանակ, Վաշինգտոնը ձգտում է նման գործողություններ իրականացնել վստահված անձերի միջոցով՝ արևելքում՝ Հայաստանի, իսկ արևմուտքում՝ Հունաստանի կողմից։ Առաջին դեպքում ռազմական գործողություններ այլևս չեն տարվելու Ղարաբաղի դեմ, այլ իրականում դրանք կլինեն Հայաստանի տարածքում։ Միևնույն ժամանակ Նիկոլ Փաշինյանը ջերմորեն ընդունել է ԱՄՆ–ի Կոնգրեսի Ներկայացուցիչների պալատի նախագահ Նենսի Փելոսիին՝ Հայաստանի դեմ լարելով տարածաշրջանում իր հիմնական դաշնակիցներին, և առաջին հերթին՝ Ռուսաստանին ու Իրանին։

Երևանի ամերիկամետ գործունեությունը լրացուցիչ խթան է Բաքվի և Անկարայի համար, որոնք քաջ գիտակցում են, որ Փաշինյանը բառացիորեն իր բոլոր իրական դաշնակիցներին դարձնում է Հայաստանի հակառակորդներ, իսկ դրա դիմաց ստանում է ԱՄՆ-ի «համակողմանի» աջակցությունը միայն խոսքերով, քանի որ Վաշինգտոնը չի պատրաստվում Թուրքիային բացահայտ իր դեմ հանել։ Մյուս կողմից՝ ամերիկացիները դեմ չեն իրենց շահերի համար անուղղակիորեն պայքարել Թուրքիայի դեմ «մինչև վերջին հայը»։ Նման իրավիճակում արտասահմանյան ստրատեգների մյուս բոնուսը Իրանի հնարավոր ներգրավումն է հակամարտության մեջ, որն արդեն սեպտեմբերի կեսերին պաշտոնապես հայտարարել է հայ-ադրբեջանական պատերազմի հնարավոր վերսկսման մասին: «Լուրջ պատերազմը, որը կարող է սկսվել Կովկասում, ուղղված է Իրանի դեմ, բայց մենք պատրաստ ենք»,– հայտարարել են այնտեղ: Դրան զուգահեռ Իրանի իսլամական հեղափոխության պահապանների կորպուսի ստորաբաժանումները շարունակում են իրենց զինտեխնիկայի զանգվածային տեղափոխումը Հայաստանի և Ադրբեջանի հետ սահման։

Թուրքիայի նախագահ Էրդողանն իր հերթին աջակցում է Բաքվին և խոստացել է օգնություն. «Ամբողջ աշխարհը պետք է իմանա, որ Թուրքիան Ադրբեջանի կողքին է»։ Ըստ իսրայելական The Jerusalem Post հրատարակության, Թուրքիան Ադրբեջանում իր վստահված անձանց միջոցով դրդում է վերջինիս հարձակվել Հայաստանի վրա։ Դրա նպատակներից է ճգնաժամի ստեղծումը, որում Հայաստանը կարող է ներկայացվել որպես «ագրեսոր» Ռուսաստանի դաշնակից, ինչը Թուրքիային թույլ կտա հանդես գալ որպես ՆԱՏՕ-ի անդամ և կանգնել իր դաշնակից Ադրբեջանի կողքին։ Իսրայելցի վերլուծաբանները կարծում են, որ Մոսկվան ներկայում միայն կենտրոնացած է Ուկրաինայում իրականացվող հատուկ գործողության վրա: Բրիտանացիները նույնպես գործում են ամերիկացիների հետ համահունչ։ Մեծ Բրիտանիան, որպես Ղարաբաղում վերջին պատերազմի հիմնական շահառու, բավարարված չէ Կովկասի խաղաղությամբ։ Եվ այդ տեսանկյունից Լոնդոնի նկրտումների մեծ մասը համընկնում է Վաշինգտոնի գործողությունների հետ։ Բացի դա, բրիտանացիներն իրենց տրամադրության տակ ունեն իրավիճակի վրա ազդելու լուրջ գործիքներ, այդ թվում՝ ներէլիտար. Հայաստանի նախկին նախագահ Արմեն Սարգսյանը երկար ժամանակ եղել է Մեծ Բրիտանիայի քաղաքացի, իսկ Իլհամ Ալիևը և նրա կինը՝ Մեհրիբանը, 1990-ականներից մառախլապատ Ալբիոնում զգալի ունեցվածք ունեն, ինչը կարող է նաև մոտեցնել նրանց կլանը ոչ միայն British Petroleum ընկերությանը, այլ նաև տեղական հատուկ ծառայություններին:

Բացի դա, British Petroleum ընկերությանն է պաշտոնապես պատկանում Բաքու-Թբիլիսի-Ջեյհան նավթամուղի մեկ երրորդը, գումարած Անդրանատոլիական գազատարի 12 %-ը: Բրիտանացիները նաև ածխաջրածնային հումք են մշակում Կասպից ծովում։ «Իր խողովակաշարերի» անվտանգության ու թողունակության ընդլայնման համար Լոնդոնին անհրաժեշտ է, որ գոնե Լեռնային Ղարաբաղը լինի Ադրբեջանի լիակատար վերահսկողության տակ։ Եվ, համապատասխանաբար, Թուրքիան նման կերպ ավելի ու ավելի է ներքաշվում հետխորհրդային Անդրկովկասի հակամարտություններ և առճակատման մեջ մտնում Իրանի և Ռուսաստանի հետ։ Միևնույն ժամանակ, ամերիկացիները հրահրում են թուրքերին և զինում հույներին։ Հունաստանն արդեն պաշտոնապես զգուշացրել է ԵՄ-ին և ՆԱՏՕ-ին Թուրքիայի հետ պ ա տ ե րազ մի սպառ ն ա լ ի քի մա ս ի ն ։ Associated Press հրատարակության փոխանցմամբ, Հունաստանի կառավարությունը ենթադրում է, որ ներկա երկկողմ լարվածությունը մոտ ապագայում կարող է վերաճել բաց ռազմական հակամարտության։

Միաժամանակ ԱՄՆ-ում գրանցված լրատվամիջոցները, որոնք քննարկում են Թուրքիայի և Հունաստանի միջև հնարավոր պատերազմի թեման, նախապես փորձում են դրա մեղքը բարդել Էրդողանի վրա։ Անկարան անհանգստացած է միջերկրածովյան կղզիներում տեղակայված ամերիկյան ռազմաբազաների ընդլայնմամբ։ Եվ թուրքերը իրենց հերթին բացահայտորեն ցույց են տալիս իրենց պատրաստակամությունը՝ ի պատասխան «հույների սադրանքներին»՝ ողողելու Եվրամիությանը (ի շահ Լոնդոնի և Վաշինգտոնի) միլիոնավոր միգրանտներով, որոնք շտապում են թուրքական տարածքից հասնել Եվրոպա, չնայած վերջինս արդեն իսկ խրված է էներգետիկ և այլ ճգնաժամերի մեջ։ ...Միևնույն ժամանակ, Հունաստանում ԱՄՆ–ի դեսպանատունը կրակի վրա յուղ է լցնում՝ տեղադրելով իր ռազմական տեխնիկայի լուսանկարները՝ «Երկու բան միասին լավ են նայվում՝ հունական բնությունը և ամերիկյան հզորությունը» ոճի մակագրություններով:

Մանրամասները՝ «Փաստ» օրաթերթի այսօրվա համարում