Հայ հայտնիներ, ովքեր ավտովթարի են ենթարկվել
ԼԱՅՖ
Հայտնիները նույնպես հասարակ մահկանացուներ են, եւ նրանց հետ էլ են դժբախտ պատահարներ լինում։ Բարեբախտաբար՝ լավ ավարտով։
Լուիզա Ղամբարյան
Լուիզա Ղամբարյանը, թերեւս, ամենաշատ վթարի ենթարկած հայտնիներից է։ Բարեբախտաբար, դերասանուհին երբեւէ լուրջ վնասվածքներ չի ստացել։ Վերջին ավտովթարը նրա մասնակցությամբ եղել է հունվարի 18-ին։
«Դժվարանում եմ ասել՝ ով էր մեղավոր, երկրորդ գծով էի գալիս, տաքսի մեքենան հետեւն էր, թարթիչը միացնելով, նայելով հայելու մեջ, շրջադարձ եմ փորձել կատարել, բախվեցինք»,-մեկնաբանել էրպատահարը նա։
Անի Երանյան
Անի Երանյանի մասնակցությամբ խոշոր ավտովթարի մասին դեռ շատ կխոսեն։ Նա հուլիսի 18-ին իր վարած «Հունդայի» մակնիշի մեքենայով վթարի էր ենթարկվել Գեղարքունիքի մարզի Ճամբարակից դեպի Սեւանի մայրուղի տանող ճանապարհին: Դերասանուհին վնասվածքներով տեղափոխվել էր Սեւանի բժշկական կենտրոն: Հիվանդանոց էին տեղափոխվել նաեւ նրա մեքենայի ուղեւորները։ Ավտովթարի հետեւանքով տուժել էր նաեւ Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատավոր Գագիկ Պողոսյանը եւ նրա կինը։
Սեպուհ Ապիկյան
Դերասանը վթարի էր ենթարկվել իր դստեր հետ եւ բավականին լուրջ վնասվածքներ ստացել։ Դեպքը տեղի էր ունեցել 2014 թվականի մայիսի 23-ին, ժամը 22:30-ի սահմանում։ Նրա վարած ոտոցիկլետը բախվել էր ВАЗ 2107 մակնիշի մեքենային։
Ջուս
Թեեւ երգչոհին մեքենա չունի, սակայն չի կարողացել խուսափել վթարից։ 2014-ի նոյեմբերին երգչուհին տաքսի մեքենայով մասնակից է եղել ավտովթարի։ «Դեմի մեքենան կտրուկ կանգնեց, խփեցինք դեմի մեքենային, իսկ հետեւի երկու մեքենաները խփեցին մեր մեքենային, գլուխս հարվածեցի հետեւի նստարանին, մի 10 րոպե գլուխս պտտվեց, հիմա վիզս ահավոր ցավում է: Բժշկի չեմ դիմի, եթե ցնցում տարած լինեի, սրտխառնոց կլիներ»,- ասել էր երգչուհին։
Սամվել Գրիգորյան
Սամվել Գրիգորյանի մասնակցությամբ ավտովթարը տեղի է ունեցել 2014 թվականի հուլիսին։ Դերասանը բախվել էր մեկ այլ մեքենայի, սակայն, բարեբախտաբար, կողմերից եւ ոչ մեկը չէր տուժել։
Լիլու
2014-ի հունվարին վթարի էր ենթարկվել երգչուհի Լիլուն։ Նրա վարած Nissan մակնիշի մեքենան եւ Առինջ գյուղի մի բնակչի՝ BMW մակնիշի մեքենան բախվել էին իրար: «Թեթեւակի վթար է տեղի ունեցել եւ ոչ ոք չի տուժել... Ինձ մոտ ամեն ինչ շատ լավ է։ Նման դեպք կարող է յուրաքանչյուրիս հետ պատահել»,-մեկնաբանել էր նա պատահարը։
Եվա Ռիվաս
Մեկ տարի առաջ տաքսիով վթարի է ենթարկվել նաեւ Եվա Ռիվասը։ «Երեկ ավտովթարի եմ ենթարկվել: Տեսքս ահավոր է, բայց ավելի լավ է, քան ինքնազգացողությունս: Դեմքիս այնքան կապտուկներ կան, կարծես ինձ ծեծել են: Տրամադրությունս սարսափելի է: Այլեւս այդ տաքսին չենք պատվիրի»,-գրել էր երգչուհին։
Շուշան Պետրոսյան
2013-ի դեկտեմբերին տաքիսով երթեւեկելիս վթարի է ենթարկվել երգչուհի, ԱԺ պատգամավոր Շուշան Պետրոսյանը։ Գրիգոր Լուսավորիչ- Իտալիայի փողոցների խաչմերուկում՝ Ֆրանսիայի դեսպանատան հարեւանությամբ, բախվել են Toyota եւ Reno մակնիշի ավտոմեքենաները: Վերջինիս ուղեւորն էլ հենց եղել է երգչուհին, ով լուրջ վնասվածքներով տեղափոխվել էր հիվանդանոց։
Գրիշա Աղախանյան
Գրիշա Աղախանյանի մասնակցությամբ տարեսկզբին վթար էր եղել։ Հունվարի 8-ին, ժամը 19.10-ի սահմաններում, Մաշտոց-Թումանյան փողոցներին խաչմերուկում միմյանց էին բախվել «Նիսսան», «Ֆոլքսվագեն» եւ «Շեվրոլետ» մակնիշի մեքենաները: «Շեվրոլետ» մակնիշի մեքենան վարել է Գրիշա Աղախանյանը։ «Նորմալ է, ոչ մեկիս բան չի եղել, մեքենաս է վնասվել, պետք է սարքվի, դեռ չեն սարքել, ժամանակավորապես առանց մեքենայի եմ»,- ասել էր դերասանը:
