Ի՞նչ հետազոտություններ պետք է անցնի տղամարդը ամուսնությունից... ԼԱՅՖ
Առանց ներքնաշորի քնելն օգտակա՞ր է ԼԱՅՖ
Ինչո՞ւ են կանայք ձմռանը տղամարդկանցից ագրեսիվ դառնում ԼԱՅՖ
Ինչպե՞ս են սոցկայքերն ազդում Ձեր վարքագծի վրա ԼԱՅՖ
Պատրաստ ենք Ղարաբաղի հարցում օգտակար լինել եղբայր հայ ժողովր... ՀԱՍԱՐԱԿՈՒԹՅՈՒՆ
Երևան, 20.Փետրվար,
00
:
00
:
00
Փոխարժեք
486.38
$
520.18
Երբ և ինչու է տղամարդու կյանքում սիրուհի հայտնվում Ի՞նչ հետազոտություններ պետք է անցնի տղամարդը ամուսնությունից առաջ Առավոտյան սուրճը՝ նիհարելու միջոց Յոթ նվեր, որոնք ձեր տղամարդը հաստատ կցանկանա Սեռերի պատերազմ. ինչո՞ւ են տղաները կորցնում աղջիկների հանդեպ հետաքրքությունը Ինչու են հայուհիներն ամուսնանում օտարերկրացիների հետ Առանց ներքնաշորի քնելն օգտակա՞ր է Մխիթարյանի գոլային փոխանցումը նպաստեց «Մանչեսթեր Յունայթեդի» հաղթանակին (տեսանյութ) Ինչո՞ւ են կանայք ձմռանը տղամարդկանցից ագրեսիվ դառնում Մելբուռնի տեխնո փառատոնի ժամանակ 30 մարդ թմրանյութերի գերդոզավորում է ստացել Ինչպես են զվարճանում արաբական շեյխերը. (տեսանյութ) Հռիփսիմե Հակոբյանը՝ պլաստիկ վիրահատություններից առաջ և հիմա 7 խորհուրդ երիտասարդ մայրիկներին Ինչպե՞ս են սոցկայքերն ազդում Ձեր վարքագծի վրա Խոշոր վթար Երեւանում. Toyota-ով նախ բախվել է արգելապատնեշին, ապա սյանը. կան վիրավորներ (ֆոտո) Մարդկանց մանիպուլիացիայի ենթարկելու 10 միջոց Սիրո ձգողականության հինգ կանոն Պատրաստ ենք Ղարաբաղի հարցում օգտակար լինել եղբայր հայ ժողովրդին. բուլղարացի պատգամավոր «Բլեքբերն Ռովերս» – «Մանչեսթեր Յունայթեդ». մեկնարկային հավանական կազմեր ՊՐԵՄԻԵՐԱ. Սիրուշո - «Դեր Զոր» (տեսանյութ)

Բերաններդ փակեք ու խոսքներիդ չափը ճանաչեք, լրագրողներ...

Մեր հյուրն է Խոսքի ազատության պաշտպանության կոմիտեի նախագահ Աշոտ Մելիքյանը.

– Պարոն Մելիքյան, աշխատանքից ազատվեց լրագրող Պետրոս Ղազարյանը: Պատճառը գիտենք` դերասան Սերգեյ Դանիելյանին հրավիրեց հարցազրույցի: Ինչպե՞ս եք մեկնաբանում այս փաստը: 

– Նախ ասեմ, որ Պետրոսը գրել էր, թե ինքն արձակուրդում է, երբ ազատվի աշխատանքից, այդ մասին կտեղեկացնի: Ես դա կարդացել եմ: Պարզապես լրատվամիջոցներում արդեն այս հարցը լուծված են համարում, նույնիսկ գրում են այն մասին, որ նրան փոխարինող ևս գտել են: 

Եվ եթե դա այդպես է, իրոք վերջին այդ հաղորդման համար Պետրոս Ղազարյանին ազատել են աշխատանքից, ապա այն կարելի է միանշանակ բնութագրել որպես ազատ խոսքի ոտնահարում: Որովհետև այն գռեհկաբանությունը, որը կար հաղորդման մեջ, երկրորդական է: Կարևորը քաղաքական սատիրան էր, որ հաղորդումը պարունակում էր: Եվ ասեմ, որ այն հիմնականում տեղին էր:

Ես կարծում եմ, որ այստեղ լրագրողի մեղքը շատ քիչ էր: Նա պարզապես հնարավորություն էր ընձեռել, որ քաղաքական այդ երգիծանքն արտահայտվի:

– Փաստորեն այս հաղորդման մեջ ԶԼՄ–ների մասին օրենքը չի խախտվում. Բռնության կոչ չկա, պոռնոգրաֆիա չկա, հայհոյանք չկա:

– Անշուշտ: Հաղորդման մեջ օրենքը չի խախտվում: Ուղղակի որոշակի գռեհիկ շեշտադրումներ կան, որը, ինչպես ասացի, լրագրողի գործունեության հետ կապված չէ: Հաղորդման հերոսը, որպես նոր ստեղծվելիք քաղաքական կուսակցության ներկայացուցիչ, այդպես է մատուցում իր ասելիքը:
 Մեծ հաշվով դա կարող է քննարկման ենթարկվել լրագրողական էթիկայի տեսանկյունից, խոսվել նման հաղորդման նպատակահարմարության մասին: Բայց օրենքի խախտում` ես չեմ տեսնում: Այնպես որ, լրագրողին այդպիսի խիստ պատասխանատվության ենթարկել դրա համար, ճիշտ չէ:

– Սա զգուշացում կլինի՞ նաև մյուս լրագրողներին, որ իմացե՛ք, ձեր չափը ճանաչե՛ք… Հանկարծ չգծված սահմանը չանցնե՛ք:

– Հարցն այդ ենթատեքստը ևս կարող է ունենալ:

– Համենայն դեպս, բացասական առումով մուլտիպլիկատիվ էֆեկտ կլինի՞:

– Իհարկե, կարող է լինել: Սովորաբար այն քայլերը, որ ձեռնարկվում են խոսքի ազատության դեմ, որպես կանոն ունենում են հեռահար նպատակներ: Բայց այս դեպքը, իհարկե, շատ արտառոց դեպք էր: Նաև` ուշադրություն գրավող: Նույնիսկ գոնե այդ հանգամանքը պետք է հաշվի առնեին ու լրագրողին աշխատանքից չազատեին:

– Սա կապվա՞ծ է առաջիկա ընտրությունների հետ:

– Ուղիղ կապել դժվար թե կարելի է: Բայց այն իմաստով, որ այս նոր ստեղծվելիք քաղաքական կուսակցությունը նպատակ է հետապնդում մասնակցել ընտրություններին, ապա կարելի է ասել կապված է:

– Իսկ հնարավո՞ր է, որ լրագրողական հանրությունը փորձի մի բան անել. իր խոսքն ասի, հակազդի այդ որոշմանը:

– Ցավոք, լրագրողական հանրությունը շատ պառակտված է, բաժանված է տարբեր քաղաքական և տնտեսական ճամբարների: Եվ որպես կանոն, չի համախմբվում: Հազվադեպ է լինում, որ կարողանում են համախմբվելու փորձ անել: Նման փորձ եղավ, օրինակ, հուլիսյան իրադարձությունների ժամանակ` կապված Սարի թաղի դեպքերի հետ: Բայց այդ նախաձեռնությունն էլ արագորեն մարեց:

Գոհար Սարդարյան

loading...
Loading...
website by Sargssyan