Հնդկաստանում ճոպանուղուց խուցն ընկել է, յոթ մարդ է զոհվել ՄԻՋԱԶԳԱՅԻՆ
Կաբարդինա- Բալկարիայում թեթեւաշարժիչ օդանավ է ընկել, օդաչուն... ՄԻՋԱԶԳԱՅԻՆ
Ցուլերին ձանձրույթ չի սպառնում. Հունիսի 25-ի աստղագուշակ ԼԱՅՖ
Սիրտը «սպանող» սովորություններ ԼԱՅՖ
Համբուրող, պարող ու սելֆի անող արձաններ. զվարճալի ֆոտոշարք ԼԱՅՖ
Երևան, 25.Հունիս,
00
:
00
:
00
Փոխարժեք
482.48
$
539.12
Հնդկաստանում ճոպանուղուց խուցն ընկել է, յոթ մարդ է զոհվել «Վիտամին ակումբում» խայտառակված Լիանա Զուրաբյանի ընտրյալը «Կիսաբաց լուսամուտների» վճարովի հանդիսատեսից է. ֆոտո 8 ախտանշան, որոնք վկայում են թրոմբների առկայության մասին Ռուբեն Գեւորգյանցի հետ Երեւանի հետ կապված շատ ծրագրեր ենք իրականացրել, կեսն էլ դեռ մնում է. Տարոն Մարգարյան (ֆոտո) 10 փաստ Ձեր ուշադրության կամ անուշադրության մասին Մակրոնը դիտարկում է Վերսալում խորհրդարան գումարելու հնարավորությունը 10 ֆանտաստիկ վարժություն, որոնք կարճ ժամանակում կուղղեն Ձեր կեցվածքը Աֆղանստանում ԻՊ-ից ազատագրել են Տորա-Բորա քարանձավային համալիրը Ինչպե՞ս աչքերին նայելով հասկանալ, թե ինչ են մտածում ձեր մասին Կառավարությունը պետք է նպաստավոր միջավայր ստեղծի՝ մասնավորի և համալսարանների արդյունավետ համագործակցության համար. Հովիկ Մուսայելյան Գեղեցկություն և կանացի հմայք. Տիկին «Տամառայի» նոր լուսանկարը (ֆոտո) Ողբերգական դեպք Ապարանում. բնակարանում հայտնաբերել են սանհանգույցի խողովակից կախված 29-ամյա բնակչուհու դին Ինչպես ազատվել ոտքերի տհաճ հոտից Վիտալի Մուտկո. Սա վերջին տարիների Ռուսաստանի լավագույն հավաքականն է Նռան 10 հատկություն, որոնց մասին գիտեն քչերը Ռուսաստանը տասնամյակներ շարունակ խաթարում է ԱՄՆ-ի ժողովրդավարությունը. ԿՀՎ-ի տնօրեն Կենդանակերպի նշաններ, որոնք բարդ ճակատագիր ունեն Բարսելոնան այլընտրանք է գտել Մարկո Վերատիին Բրիտանացի նախարարները ցանկանում են փոխել վարչապետին Քո սիրելի ծաղիկը կպատմի բնավորությանդ մասին

Օսկանյան–Դալլաքյան–Սարգսյան դաշինքի տեսլականը

Հայաստանյան քաղաքական դաշտը համալրվեց ևս մեկ դաշինքով։ Խորհրդարանական ընտրություններին դաշինքով հանդես գալու մասին հայտարարություն են տարածել Օսկանյանի, Դալլաքյանի և Արամ Գասպարի Սարգսյանի կուսակցությունները։ 

Հետաքրքիրն այն է, որ այս դաշինքի շուրջ խոսակցություններ կային, սակայն վերջնական հայտարարությունը տեղի ունեցավ Գագիկ Ծառուկյանի քաղաքականություն վերադառնալու հայտարարությունից անմիջապես հետո։ Պատահականություն է սա թե ոչ, դժվար է ասել։ Սակայն փաստը մնում է փաստ, որ Ծառուկյանի վերադարձից հետո այս դաշինքը հայտնվում է բավական երկիմաստ իրավիճակում։ Խնդիրն այն է, որ Օսկանյանի Համախմբում կուսակցությունը ձևավորվեց Ծառուկյանի քաղաքականությունից հեռանալուց հետո՝ հիմնականում նախկին ԲՀԿ–ականներից։ Բնականաբար վերջիններս Ազգային ժողովում էին հայտնվել ոչ թե անձնական գործունեության, այլ Ծառուկյանի վարկանիշի միջոցով և ընտրազանգված, որպես այդպիսին, չունեին։ 

Այս առումով պետք է նշել, որ Ծառուկյանի պասիվության պայմաններում գուցե և Համախմբումը կունենար որոշակի շանսեր և կարողանար իր կողմը գրավել Ծառուկյանի քաղաքականությունից դուրս գալուց հետո առկա չկողմնորոշված ընտրազանգվածին, սակայն ներկա պայմաններում նման հեռանկարներ չկան։ Ավելին, անգամ ներկայի ԲՀԿ–ն, եթե տեսականորեն չլինի Ծառուկյանի հայտարարած դաշինքի կազմում, ապա որպես կուսակցություն գործնականում կդադարի գոյություն ունենալ։ 

Այլ խնդիր է Վիկտոր Դալլաքյանի «Երրորդ հանրապետություն» կուսակցության դեպքում։ Վերջինիս գոյության մասին հայաստանյան հանրությունն իմացավ Դալլաքյանի հրաժարականից և հանրապետական կուսակցությունից դուրս գալու հայտնի իրադարձություններից հետո։ Հասկանալի է, որ գրեթե հնարավոր չէ խոսել հանրությանն անհայտ կուսակցության վարկանիշի կամ ընտրազանգվածի մասին։ Սակայն, ի տարբերություն իր կուսակցության, Դալլաքյանի անձը բավական հայտնի է։ Վերջինս, ժամանակին լինելով արմատական ընդդիմադիր, սուր քննադատության էր ենթարկում Սերժ Սարգսյանին՝ անգամ շրջանցելով քաղաքական թեմաները և Սերժ Սարգսյանին մեղադրելով մոլեխաղերի մեջ։ Ի դեպ ասվածի վերաբերյալ տեսանյութը հասանելի է յութուբ սոցիալական կայքում։ 

Սակայն սա չխանգարեց, որ հետագայում Դալլաքյանը դառնար Սերժ Սարգսյանի ներկայացուցիչը Ազգային ժողովում և Սերժ Սարգսյանի աշխատակազմի ղեկավարի տեղակալը, ինչից հետո Դալլաքյանն, այսպես ասած, ընդհատակ անցավ և անդամակցեց Հանրապետական կուսակցությանը, որտեղից դուրս եկավ պաշտոնից հրաժարվելուց հետո։ Պարզ է, որ Դալլաքյանի նման վարքագծի արդյունքում նախկին ընդդիմադիրի վարկանիշից շատ քիչ բան է մնացել ներկայում, ինչը բնականաբար չի բխում դաշինքի շահերից։ Ինչ վերաբերում է Դաշինքի հաջորդ՝ Դեմոկրատական կուսակցությանը, ապա պետք է ասել, որ Արամ Գասպարի Սարգսյանի կուսակցության մասին ընդհանրապես դժվար է ինչ–որ բան ասել, քանի որ վերջին տասնամյակում դժվար է գտնել այս կուսակցության որևէ ակտիվ գործողություն կամ ինքնուրույն դիրքորոշում։ 

Նման պայմաններում, թե ինչ քաղաքական կապիտալով է պատրաստվում դաշինքը մտնել քաղաքական բավական սուր պայքարի մեջ, դժվար է ասել։ Մյուս կողմից չի բացառվում նաև, որ այս դաշինքը հնարավոր միացողներով հանդերձ վերջնական արդյունքում հայտ ներկայացնի միանալ Ծառուկյանի կողմից ստեղծվելիք դաշինքին, ինչը սակայն արդեն Ծառուկյանի որոշելիքն է։

Վերջապես ցանկացած զարգացման պարագայում պետք է նշել, որ առաջիկայում սպասվում են բավական սուր զարգացումներ և էլ ավելի սուր նախընտրական քարոզարշավ, քանի որ գրեթե բոլոր քաղաքական ուժերն ունեն իրենց լրատվամիջոցների բանակները, որոնք և անխնա մեդիապատերազմ են մղելու միմյանց դեմ։


Աղասի Մարգարյան

loading...
website by Sargssyan