Ի՞նչ հետազոտություններ պետք է անցնի տղամարդը ամուսնությունից... ԼԱՅՖ
Առանց ներքնաշորի քնելն օգտակա՞ր է ԼԱՅՖ
Ինչո՞ւ են կանայք ձմռանը տղամարդկանցից ագրեսիվ դառնում ԼԱՅՖ
Ինչպե՞ս են սոցկայքերն ազդում Ձեր վարքագծի վրա ԼԱՅՖ
Պատրաստ ենք Ղարաբաղի հարցում օգտակար լինել եղբայր հայ ժողովր... ՀԱՍԱՐԱԿՈՒԹՅՈՒՆ
Երևան, 20.Փետրվար,
00
:
00
:
00
Փոխարժեք
486.38
$
520.18
Երբ և ինչու է տղամարդու կյանքում սիրուհի հայտնվում Ի՞նչ հետազոտություններ պետք է անցնի տղամարդը ամուսնությունից առաջ Առավոտյան սուրճը՝ նիհարելու միջոց Յոթ նվեր, որոնք ձեր տղամարդը հաստատ կցանկանա Սեռերի պատերազմ. ինչո՞ւ են տղաները կորցնում աղջիկների հանդեպ հետաքրքությունը Ինչու են հայուհիներն ամուսնանում օտարերկրացիների հետ Առանց ներքնաշորի քնելն օգտակա՞ր է Մխիթարյանի գոլային փոխանցումը նպաստեց «Մանչեսթեր Յունայթեդի» հաղթանակին (տեսանյութ) Ինչո՞ւ են կանայք ձմռանը տղամարդկանցից ագրեսիվ դառնում Մելբուռնի տեխնո փառատոնի ժամանակ 30 մարդ թմրանյութերի գերդոզավորում է ստացել Ինչպես են զվարճանում արաբական շեյխերը. (տեսանյութ) Հռիփսիմե Հակոբյանը՝ պլաստիկ վիրահատություններից առաջ և հիմա 7 խորհուրդ երիտասարդ մայրիկներին Ինչպե՞ս են սոցկայքերն ազդում Ձեր վարքագծի վրա Խոշոր վթար Երեւանում. Toyota-ով նախ բախվել է արգելապատնեշին, ապա սյանը. կան վիրավորներ (ֆոտո) Մարդկանց մանիպուլիացիայի ենթարկելու 10 միջոց Սիրո ձգողականության հինգ կանոն Պատրաստ ենք Ղարաբաղի հարցում օգտակար լինել եղբայր հայ ժողովրդին. բուլղարացի պատգամավոր «Բլեքբերն Ռովերս» – «Մանչեսթեր Յունայթեդ». մեկնարկային հավանական կազմեր ՊՐԵՄԻԵՐԱ. Սիրուշո - «Դեր Զոր» (տեսանյութ)

Խորտակվող նավը

Հանուն անկեղծության պետք է ասել, որ ապրիլյան բախտորոշ իրադարձություններից առաջ, նման սրությամբ զարգացումներ Հայաստանում ոչ ոք չէր սպասում: Թվում էր, թե Հանրապետականը բավականին կուռ կառույց է, որը քանդել այդքան էլ հեշտ չէ: Բայց արի ու տես, որ տեղի է ունենում ճիշտ հակառակ գործընթացը, որի կիզակետում առանցքային դեմքեր են:

Երբ ասում ենք ՀՀԿ, նախ և առաջ պատկերացնում ենք Սերժ Սարգսյանին և նրա մերձավոր թիմը: Վարչապետի փոփոխությունից և նոր կառավարության ձևավորումից հետո, ՀՀԿ-ից փաստացի հեռացավ Սեյրան Օհանյանը, որն ավելի ուշ իրավականորեն ձևակերպեց իր հեռացումը, հայտնվելով ոչ իշխանական դաշտում: Նա ՀՀԿ վերջին դեմքը չէր: Ավելին, երկար տարիներ լինելով ՊՆ նախարար, փաստացի տիրապետում է Հայաստանի կարևորագույն ոլորտի ամենաէական գաղտնիքներին: Նա երկար ժամանակ աշխատում էր Սարգսյանի հետ ուս-ուսի և այս անձնավորության կորուստը կարող է զգալի լինել թիմի համար: Երկրորդ նշանավոր դեմքն այս շարքում Իշխան Զաքարյանն էր: Նրա միջոցով Սարգսյանն ուներ բազմաթիվ մեծ վերահսկողական լծակներ ոչ միայն պետական սեկտորի այլ նաև տնտեսական խոշոր գործավարների նկատմամբ: Նրա հեռացումը հակառակ ճամբար, որտեղ ավելի շատ հավաքվում են տնտեսապես կենսունակ ուժերը, կարող է շատ ավելի վտանգավոր լինել Սարգսյանի համար, քան Օհանյանի հեռացումն էր: Իսկ այս շարքի ամենախոշոր հարվածը նա թերևս ստացավ Հովիկ Աբրահամյանից: Աբրահամյանը նախ չի հերքում, որ դուրս է գալիս ՀՀԿ-ից և ավելին, հայտարարում է, որ մնալու է քաղաքականության մեջ: Սա արդեն էլ ավելի է լրջացնում գործընթացներն այս փուլում:

Աբրահամյանի հայտնվելը ցանկացած թիմում, դա կլինի Ծառուկյանի, թե Օհանյանի, լրջագույն հարված կարող է լինել Սարգսյանի համար: Աբրահամյանը չէր էլ թաքցնում, որ վարչապետի աթոռից զրկվելն իր համար հիմնավորված չէ: Իսկ եթե նայենք այս նոր կառավարության գործունեությանը, ապա կարող ենք փաստել, որ նրա պնդումները մերկապարանոց չեն: Նոր վարչապետը, անձնական փիառից զատ, դեռ ոչնչով աչքի չի ընկել: Քանի որ խոսք գնաց նոր վարչապետի մասին, ապա կարող ենք ասել, որ ներկուսակցական խաղերում, ինչպես նաև ձայներ ապահովելու գործընթացում, նա չի կարող կատարել այն դերակատարումը, ինչն ուներ Հովիկ Աբրահամյանը: Այս ամենին զուգահեռ, չեն դադարում խոսակցություններն այն մասին, որ իշխանամերձ որոշ օլիգարխներ, կարող են համալրել ոչ իշխանական ճամբարներից որևէ մեկը: Սրա ազդակներից մեկը կարող ենք համարել նաև, բոլորովին վերջերս ՊԵԿ ստուգումները ՍԱՍ գրուպին պատկանող սուպերմարկետներում:

Այսպիսով, ի՞նչ է ստացվում: Սերժ Սարգսյանը, իր համար կարևորագույն փուլում, կորցնում է թիմի առանցքային խաղացողներից միանգամից երեքին: Շարքը դեռ կշարունակվի մինչև ապրիլ: Սրանից զատ, նրա շախմատային պարտիաները կարծես արդեն չեն արդարացվում ոչ արտաքին ասպեկտում, ոչ ներքին խնդիրներում: Հասկանալի է նաև, որ ՀՀԿ-ն միաձույլ կառույց չէ: Այնտեղ գաղափարական ընկերներ շատ քիչ կան և հավաքվածներն իրականում ավելի շատ ունեն անձնային, տնտեսական, քաղաքական շահեր: Ուստի, յուրաքանչյուր դրվագ, որը կթուլացնի ՀՀԿ-ն թեկուզ մեկ տոկոսով, կբերի նոր արտահոսքերի: Սա գիտակցում է նաև Սարգսյանը: Սակայն չի կարողանում կանխել այս ամենը, որովհետև ռեսուրս չի մնացել ոչ միայն ՀՀԿ-ում, այլ նաև Հայաստանում ընդհանրապես: Ի սկզբանե կարող ենք բացառել բաժանված Հայաստանի վերաբաժանումը: Այս ամենի խորացման հետևանքում, կարող է Հայաստանում լինել իշխանափոխություն: Սակայն այն այս փուլում հնարավոր չէ արմատական ընդդիմության կողմից, քանի որ այն թույլ է: Այդ իշխանափոխությունն ավելի շատ հնարավոր է ոչ իշխանական դաշտի կողմից: Ասել կուզե` բուրժուադեմոկրատական հեղափոխություն` դեմոկրատիայի բաղադրիչի բացակայությամբ:

Վահրամ Թոքմաջյան

loading...
Loading...
website by Sargssyan