Դավիթը շատ ուրախացավ. Աննա Դովլաթյանի գեղեցիկ անակնկալը` սիրելիին (ֆոտո)
ԼԱՅՖNEWS.am STYLE-ը գրում է.
Երգչուհի-դերասանուհի Աննա Դովլաթյանն ու նրա ընտրյալը` մոդել եւ դերասան Դավիթ Աղաջանյանը, հայկական շոու-բիզնեսի ամենագեղեցիկ զույգերից են համարվում: Նրանք երբեք չեն փորձում թաքցնել իրենց սերն ու սոցիալական ցանցերում, պարբերաբար, լուսանկարներ են հրապարակում` ներկայացնելով իրենց սիրո գեղեցիկ ակնթարթները:
Այսպես օրինակ` Աննան Facebook-ի իր էջում տեղադրել է Դավիթի դիմանկարը` տեղեկացնելով, որ հենց ինքն է նկարի հեղինակը.
«Սիրելիներս, ես նկարչուհի չեմ, բայց ներդրել եմ ամբողջ ուժերս: Գուշակեք` ով է»,-գրել է դերասանուհին:
NEWS.am STYLE-ը զրուցել է Աննայի հետ` պարզելու, թե ինչպես է Դավիթն արձագանքել այդ գեղեցիկ անակնկալին.
«Դավիթը երեկ տեսավ այս նկարը եւ շատ ուրախացավ»,- նշեց դերասանուհին` հավելելով, որ սիրելին եւս անմասն չի մնացել անակնկալներից, սակայն դերասանուհին նախընտրեց չբարձրաձայնել դրանց մասին:
Ի դեպ, բացի երգելուց եւ ֆիլմերում նկարահանվելուց` Աննան նաեւ ունի դիմահարդարի մասնագիտություն: Բազմատաղանդ գեղեցկուհուց հետաքրքվեցինք` արդյոք վաղո՞ւց է զբաղվում նկարչությամբ:
«Նկարել շատ եմ սիրում, ինքս ինձ համար եմ նկարում: Նախկինում հաճախ նկարում էի մուլտֆիլմերի հերոսների: Փոքր տարիքից եմ սիրել նկարել, ինչպես երեւի յուրաանչյուր երեխա»,-հավելեց դերասանուհին:
Սյունե Առաքելյան