Հրազենային վնասվածք ստացած զինվորը բուժումը կշարունակի Գերմա... ՀԱՍԱՐԱԿՈՒԹՅՈՒՆ
Ուշադրություն հղիներին. ի՞նչ անել ամռան շոգը հաղթահարելու հա... ԼԱՅՖ
Դեմքի խնամքը քնելուց առաջ ԼԱՅՖ
Լրագրողների մասնագիտական գործունեությունը խոչընդոտելու բոլոր... ՀԱՍԱՐԱԿՈՒԹՅՈՒՆ
Հակաքաղցկեղային հզոր միջոց ԼԱՅՖ
Երևան, 23.Հունիս,
00
:
00
:
00
Փոխարժեք
482.48
$
539.12
Եթե իրենց թվում է, որ Աթանեսյանն ու Սողոմոնյանը կհրաժարվեն իրենց բողոքներից, չարաչար սխալվում են. Լուսինե Սահակյան Ջեյ Լոն ցուցադրել է գեղեցիկ կազմվածքը Քաղաքաշինության պետական կոմիտեն հայտարարում է «Տարվա նախագիծ և կառույց-2017» մրցույթ-ցուցահանդես 5 բան, որ պետք է չանել քնելուց առաջ Նախագահը ցավակցական հեռագիր է հղել Ռուբեն Գևորգյանցի մահվան կապակցությամբ 6 մոդայիկ սանրվածք, որոնք քեզ կվերածեն իսկական թագուհու (ֆոտոշարք) «Բարսելոնայի» փոխնախագահ. Իշխանություններն ամեն ինչ անում են, որ Ռոնալդուն չհայտնվի ամբաստանյալի աթոռին ԵՄ-ն մտադիր է Լոնդոնից տեղափոխել իր գործակալությունները Նրան, ում կսիրեմ, կլինի իմը, միակը, անկրկնելին, կատարյալը՝ իր բոլոր թերություններով հանդերձ. Հակոբ Հակոբյան Բրիտանացուն, որը Լոնդոնի մզկիթի մոտ մուսուլմանների բազմության մեջ էր մխրճվել, մեղադրանք է առաջադրվել Որքա՞ն դոլար են գնել եւ վաճառել հայաստանյան բանկերը The Weeknd-ը Սելենա Գոմեսի նոր ֆոտոսեսիայից լուսանկար է հրապարակել Արտահանվել է շուրջ 36 000 տոննա պտուղ-բանջարեղեն. գյուղնախարարությունում քննարկվել են ընթացիկ հարցեր Աներևակայելի պատկերներ, որոնք բացվում են «Թռչող հոլանդացու» օդաչուական խցիկից ՍԱՊԾ-ում քննարկվել է նոր սպանդանոցներ ստեղծելու հնարավորությունը Ճապոնացիները պատրաստում են աշխարհում ամենահամեղ աղանդերը. լուսանկարներ Հայաստանի էներգետիկայի ոլորտում 8 մլրդ դոլար ներդրումներ կատարելու առաջարկություն չի արվել. պարզաբանում Ռուբեն Գևորգյանցի հոգեհանգստի արարողությունը տեղի կունենա Կոնդի Սուրբ Հովհաննես եկեղեցում Ծնողներ ունենալու պարագայում մանկատուն ընկնող երեխաների խնամքը կիրականացվի նաև խնամատար ընտանիքներում Ինչպես էր VARDA-ն 18 տարեկանում փորձում կրկնօրինակել Սինդի Քրոուֆորդին (ֆոտո)

«Բրավո, Վիրտուոզ». այսպես է կոչվում ֆիլմը, որը Հայաստանում էկրաններ է բարձրանալու մարտի 2-ին

«Բրավո, Վիրտուոզ». այսպես է կոչվում ֆիլմը, որը մարտի երկուսին մեծ էկրաններ կբարձրանա Հայաստանի կինոթատրոններում:

Սամվել Թադևոսյանի և Մարիա Ախմեդիանովայի գլխավոր դերակատարմամբ ֆիլմի ռեժիսորն է ֆրանսաբնակ  Լևոն Մինասյանը, բեմադրող օպերատորն է ամերիկաբնակ Մկրտիչ Մալխասյանը, սաունդթրեքի հեղինակը Տիգրան Համասյանն է, իսկ ֆիլմի պրոդյուսերներն են՝ ֆրանսահայ Ռոբեր Գեդիկյանը և Հրաչ Քեշիշյանը:

Ֆիլմի ստեղծման պատմության ու այլ հետաքրքիր մանրամասների մասին BlogNews.am-ը զրուցել է ֆիլմի համապրոդյուսեր, HK productions ընկերության հիմնադիր, կինոռեժիսոր Հրաչ Քեշիշյանի հետ.

 

«Ֆիլմը HK productions և Agat Films ընկերությունների համատեղ արտադրանքն է, որի շուրջ համագործակցությունը սկսվել է դեռևս 2012թ., երբ ֆիլմի ռեժիսոր Լևոն Մինասյանը ներկայացրեց սցենարը և ասաց, որ շատ հնարավոր է, որ Ռոբեր Գեդիկյանի ընկերությունը՝ Agat Films-ը, հետաքրքրված լինի այս սցենարով: Սցենարը շատ հետաքրքիր էր, շատ գայթակղիչ, և HK production-ը տվեց համագործակցության իր համաձայնությունը: Որոշ ժամանակ անց հայտնի դարձավ, որ համագործակցության համաձայնություն է տվել նաև Agat films-ը: Հանդիպեցինք պարոն Գեդիկյանի հետ Երևանում ու պայմանավորվեցինք, որ սկսում ենք ֆիլմի նկարահանման ընթացքը: Փոքր աջակցությամբ մեզ միացավ այսօր արդեն լուծարված Ազգային կինոկենտրոնը: Բելգիացի մեր գործընկերներն էլ շուտով միացան մեզ, և 2014թ․ սեպտեմբերին մենք սկսեցինք նկարահանումները, որոնք ամբողջությամբ իրականացվեցին Հայաստանում ու բացառապես հայաստանյան ստեղծագործական ու տեխնիկական թիմերի ներուժով՝ բացառությամբ մի քանի հնչյունային ռեժիսորների, ովքեր Ֆրանսիայից էին եկել»:

2015թ. արտադրված ֆիլմն այս ընթացքում շրջագայել է տարբեր ցուցադրություններով ու կինոփառատոններով, և ահա ժամանակն է, որ այն էկրան բարձրանա Հայաստանում: Ֆիլմը դեռևս չի ցուցադրվել Ֆրանսիայում, որովհետև, ըստ պայմանավորվածության, այն առաջինը մեծ էկրան պիտի բարձրանա ֆիլմն արտադրող երկրում՝ Հայաստանում: Նշենք, որ ֆիլմի հովանավորներն են՝ Ֆրանսիայում՝ Orange studio օսկարակիր կինոարտադրող ընկերությունը, իսկ Հայաստանում՝ UCOM! ընկերությունը: Ահա այս բոլոր համագործակցությունների արդյունքում էլ ֆիլմը դարձավ իրականություն:

 

Թե ժանրային ինչ ուղղվածություն ունի ֆիլմը, մեր զրուցակիցն այսպես պատասխանեց. «Ըստ սցենարի՝ ֆիլմը Black comedy (սև հումոր) ժանրի մեջ է, և մենք փորձել ենք պահպանել այս ժանրի կանոնները: Բայց իմ կարծիքով՝ ֆիլմը շատ ավելի խորը ասելիք ունի, իսկ այդ պարագայում ժանրերը շատ արագ խառնվում են իրար: Այն և՛ Black comedy է, և՛ կրիմինալ, և՛ սիրային պատմություն ու նաև ակտիվ մարտաֆիլմի տեսարաններով ֆիլմ է և, որ ամենակարևորն է, սա սոցիալական դրամա է, որտեղ բախվում են հասարակության տարբեր շերտերն ու երևույթները, իսկ թե ով կհաղթի, ֆիլմը ցույց կտա»:

Դերասանների ընտրությունը ֆիլմի ռեժիսորն է իրականացրել: Ու քանի որ Լևոն Գեդիկյանը նաև ֆիլմի սցենարի հեղինակն է, բնականաբար, իր տեսլականն ի սկզբանե է ունեցել: Կարծում եմ, որ շատ լավ կազմ է հավաքվել: Գլխավոր դերերում են Սամվել Թադևոսյանն ու Մարիա Ախմեդիանովան: Մարիան Մոսկվայից է:

«Ֆիլմն ունի հիանալի երաժշտություն, որը ստեղծել են երկու հրաշալի հայ կոմպոզիտորներ: Տիգրան Համասյանը ստեղծել է ֆիլմի ողջ աուրան ու երաժշտական թեման՝ սաունդթրեքը, իսկ Միշել Պետրոսյանը ստեղծել է ֆիլմի  սյուժեի առանցքում ընկած սիմֆոնիկ նվագախմբի կողմից կատարվող դասական երաժշտությունը, որը ֆիլմի մեջ հնչող ու աշխատող երաժշտությունն է»:

Զրույցի վերջում Հրաչ Քեշիշյանի հետ խոսեցինք նաև առաջիկա ստեղծագործական պլանների մասին. «Ընդամենը մի քանի օր առաջ ենք ավարտել հայ-իտալական մեր համագործակցությունը: Նաև «Պան Արմենիան մեդիա գրուպում» փորձում ենք անել 20 մասից բաղկացած մի ֆիլմ, որը ոչ թե անմիջականորեն կապված է Արցախյան պատերազմի հետ, այլ շոշափում է այդ թեման ու այն ամենը, ինչը վերաբերում է հայ իրականությանը՝ 1992-2016թթ. ընկած ժամանակահատվածում: Կարծում եմ՝ ֆիլմաշարն արդեն ապրիլի կեսերին պատրաստ կլինի»:

loading...
website by Sargssyan