Ես ուղղակի ապշած էի. Արմեն Շավերդյանը՝ ծննդյան օրը կնոջ տպավորիչ դաջվածքի ու անակնկալների մասին
ԼԱՅՖԵրեկ՝ մարտի 19-ին, «The Beautified Project» ռոք-խմբի կիթառահար, երգիչ եւ երգահան Արմեն Շավերդյանը եւ երկրվորյակ եղբայրը՝ Արլեն Շավերդյանը, նշել են ծննդյան 30-ամյակը: Իսկ այսօր Life.panorama.am-ի հետ զրույցում Արմենը պատմել է ծննդյան օրվա մանրամասների, կնոջ մատուցած անմոռանալի անակնկալների եւ «The Beautified Project» ռոք-խմբի ու իր առաջիկա ծրագրերի մասին:
«Իմ ու եղբորս ծննդյան 30-ամյակն ուղղակի հոյակապ անցավ, ինչի համար շնորհակալ եմ բոլորից, ովքեր մեր կողքին էին: Մեր օրն ուղղակի տոն դարձրին ծնողներս, մեր կանայք, նրանց եւ մեր հարզատներն ու ընկերները, իսկ գլխավորը՝ եղբորս փոքրիկը, ով մեզ հետ փչեց տորթի մոմերը: Իսկապես հրաշալի օր ենք ունեցել, որը դեռ երկար կհիշեք»,- ուրախությամբ պատմեց Արմենն ու նշեց, որ ծննդյան օրը կինը՝ պարուհի Միլենա Ոսկանյանը, անակնկալների տարափ է կազմակերպել.
«Կինս անակնկալների մեծ սիրահար է, նա ջանք չէր խնայել, որպեսզի ինձ անմոռանալի պահեր պարգեւի: Նախ նա մի քանի օր առաջ ասաց, որ ինձ կնվիրի պրոֆեսիոնալ ականջակալներ, որոնք ես շատ էի ուզում գնել: Բացի դրանից ես գուշակում էի, որ նա եւս մեկ բան է պատրաստում, բայց ոչ մի կերպ գլխի չէի ընկնում, թե ինչ. մարտի 18-ին նա ինչ-որ տեղ էր գնացել ու զանգերիս պատասխանելով՝ ասում էր, որ նվերիս վրա է աշխատում, արդեն երեկոյան, երբ եկավ տուն, ինձ ցույց տվեց ամենատպավորիչ նվերս՝ նա իր մեջքին դաջվածք էր արել՝ այն նվիրելով ինձ: «You Will Forever Be My Always»՝ ահա այս գրությամբ, որը թարգմանաբար նշանակում է «Դու հավերժ կլինես իմ ընդմիշտը», եւ լոտուս ծաղիկը, որը մաքրության խորհրդանիշն է, նա, իր մեջքին դաջելով, կրկին սիրո խոստովանություն արեց ինձ: Ես ուղղակի ապշած էի, դա չափից ավելի հաճելի նվեր էր: Ի դեպ՝ դաջվածքն իրականացրել էր Լիդիա Գրիգորյանը: Այս նվերից հետո ես իսկապես կարծեցի, որ անակնկալներն ավարտված են, բայց Միլենը չէր սահմանափակվել դրանցով: Ռեստորանում մի պահ լույսերն անջատվեցին եւ մեր սիրո խորհրդանիշ երգը սկսեց հնչել, աչքերս բացելուց հետո հանկարծ տեսա, որ պարահրապարակի կենտրոնում տելեսկոպ է դրված: Հավատացեք՝ շատ էի տպավորված, որովհետեւ ես կրկին ուզում էի գնել այն ու անընդհատ ձգձգվում էր: Իհարկե, ողջ գիշեր, չնայած ցրտին, երկար կանգնելով՝ չկարողացա սատուրնը տեսնել, բայց հույսով եմ դա հետո կստացվի ինձ մոտ, քանի որ այդ դաշտը բավականին խորն եմ ուսումնասիրում»,- ոգեւորված պատմեց երգիչը:
Շարունակությունն՝ այստեղ