Ուտոպիստական հայացքներով չեմ ապրում. Հարություն Կարապողոսյան
ՀԱՍԱՐԱԿՈՒԹՅՈՒՆԳրեթե 20 օր է ինչ մեկնարկել է 2017 թվականի խորհրդարանական ընտրություններում առաջադրված ԱԺ պատգամավորների և 9 քաղաքական միավորումների քարոզարշավը։
Առաջին օրվանից սկսած իր ակտիվ արշավներով է առանձնանում ԱԺ պատգամավորի անկուսակցական թեկնածու Հարություն Կարապողոսյանը։
Այսօր քարոզարշավի շրջանակներում տեղի ունեցավ բակային հանդիպում թեկնածուի և Էրեբունի վարչական շրջանի հանրակացարաններ կոչվող տարածքում ապրող բնակիչների հետ։
«Ուտոպիստական հայացքներով չեմ ապրում, բայց շատ եմ ցանկանում, որ ինձ օգնեք, որ մի մոմ էլ ես վառեմ այս համատարած խավարում։ Քաջ գիտակցում եմ, որ հսկայական անելիքներ կան, բայց ամեն ինչ անելու եմ, որ փոխեմ այս հուսահատ մթնոլորտը։
Չեմ ցանկանում, որ մարդիկ վաճառեն իրենց բնակարանը, որ որդիները հայոց բանակ չզորակոչվեն։ Ցանկությունից զատ՝ խոստանում եմ, որ շատ բան փոխելու ենք միասին։
Ես մեկն եմ, որը իր կյանքի զգալի մասը հենց այս տարածքում աշխատելով է անցկացրել ու ենթադրում եմ, որ ճակատս բաց պիտի ակնկալեմ ձեր վստահությունը»,- իր ելույթում ասաց Աժ պատգամավորի անկուսակցական թեկնածու Հարություն Կարապողոսյանը։