«Չէի ցանկանա լինել ամենազոր». Գոռ Սուջյան
ՀԱՐՑԱԶՐՈՒՅՑExclusive
Past.am-ի բլից հարցերին պատասխանում է սիրված երգիչ Գոռ Սուջյանը:
- Ձեր օրն սկսվում է...
- Առավոտյան ժամը 9-ին:
- Ո՞վ կամ ի՞նչն է Ձեր ոգեշնչման աղբյուրը:
- Կոնկրետ մի բան չկա, գրեթե ամեն ինչը:
- Գեղեցիկը Ձեզ համար...
- Ամեն ինչն է:
- Ու՞մ եք դիմում, երբ հուսահատ եք:
- Հիմնականում Աստծուն:
- Կյանքում երբեք չեք ների...
- Այդպես չի լինի, որ չներեմ:
- Ձեր ամենամեծ հիասթափությունը...
- Այնպիսի մեծ հիասթափություն չեմ ունեցել, որ հիշեմ:
- Մի բան, որի համար շատ եք ափսոսել...
- Չկա այդպիսի բան:
- Ձեր կյանքի ամենառոմանտիկ հանդիպումը...
- Կնոջս հետ է եղել:
- Երբ բարկացած եք...
- Բարկանում եմ ուղղակի:
- Ձեզ հասկանալու համար դիմացինը պետք է...
- Ընդամենը շփվի ինձ հետ:
- Ընտանի կենդանի ունե՞ք:
- Ոչ:
- Եթե լինեիք ամենազոր...
- Չէի ցանկանա լինել ամենազոր:
- Հայրենիքը Ձեզ համար...
- Տունն է իմ:
- Ձեր կյանքի ամենամեծ ձեռքբերումը...
- Երեխաս:
- Ամենաշատը երազում եք...
- Շատ եմ երազում, այնքան շատ, որ ամենաշատը չեմ կարող առանձնացնել:
- Երբեք չեք փորձի...
- Եկեք անցնենք այս հարցը, որովհետև դժվարանում եմ պատասխանել:
- Աշխարհի լավագույն վայրը Ձեզ համար...
- Այնտեղ, որտեղ իմ սիրելի մարդիկ են:
- Միշտ վախեցել եք...
- Ժամանակին վախեցել եմ, հիմա՝ ոչ:
- Մարդ, ով փոխել է Ձեզ...
- Մարդ չի փոխել ինձ, միայն Աստված:
- Տանել չեք կարողանում, երբ...
- Ստում են:
- Մի բառով բնորոշեք ինքներդ Ձեզ:
- Ուղղակի Գոռ:
- Իր, որ միշտ Ձեզ հետ է...
- Ցավոք, հեռախոսս:
- Երջանկության՝ Ձեր բանաձևը...
- Պարզապես երջանիկ լինել:
- Առանց ինչի՞ չեք կարող ապրել:
- Սիրելու:
- Ամենակարևորը՝ կյանքում…
- Սիրել:
- Վերջին անգամ ե՞րբ եք արտասվել:
- Վերջերս:
- Այս պահին կուզենայիք...
- Այս հարցերը վերջանային: ))
- Ձեր գերագույն նպատակն այս կյանքում...
- Թողնել, ոչ թե վերցնել:
- Ուրիշ ի՞նչ հարցի կցանկանայիք պատասխանել, որը չհնչեց:
- Չեմ կարող ասել:
- Եվ վերջում...
- Շնորհակալություն:
Մարիամ Նալբանդյան