Փոստանջյանի սեքսիզմը
ՎԵՐԼՈՒԾԱԿԱՆՅուր տարօրինակ պահվածքով շարունակում է հանդիսականներին զվարճացնել հայոց քաղաքական երկնակամարի գիսաստղը ՝ Զարուհի Փոստանջյանը։ Այն հարցին, թե ո՞րն է Ձեր առավելությունը Տարոն Մարգարյանի նկատմամբ, տիկին Փոստանջյանը համարում է իր կին լինելը։ Ահա այս պատասխանում է խտացած հայոց քաղաքական դաշտի ամբողջ ներկապնակը։ Իրեն հակառուս համարող, բայց արևմտյան ու հայկական արժեքների սահմանագծին դեգերող տիկին Փոստանջյանը, փաստորեն քաղաքական կատեգորիաներում դեռ առաջնորդվում է սեռային տարանջատմամբ։
Ըստ նրա տրամաբանության, Հայաստանում կին լինելը առավելություն է։ Հետևաբար, եթե նայենք ձևական տրամաբանության դիտանկյունից, ապա ըստ նրա ՝ տղամարդ լինելն էլ թերություն։ Եթե տիկին Փոստանջյանը նման վրիպում թույլ տար իր սիրելի Ստրասբուրգի հետնախորշերից մեկում կամ եվրոպական որևէ փաբում, էլ չեմ ասում հեռուստատեսությամբ կամ լուրջ հարթակում, ապա նա խաչ կքաշերի իր քաղաքական հետագա կարիերայի վրա։ Բայց սա հանդուրժող և ըմբռնումով մոտեցող Հայաստանն է։ Երբեմն ափսոսում եմ, որ Հայաստանում, Իսրայելի օրինակով «Տղամարդկանց իրավունքների պաշտպանության» կուսակցություն չի գործում։
Վահրամ Թոքմաջյան Armenia24.info