Հայաստանում ժողովրդական ապստամբություն կսկսվի, եթե կառավարությունը լսի ՎիվաՍել–ՄՏՍ–ին. «Փաստ»
ՀԱՍԱՐԱԿՈՒԹՅՈՒՆ«Փաստ» օրաթերթը գրում է.
Հայաստանում իսկական ժողովրդական ապստամբություն կսկսվի, եթե ՎիվաՍել–ՄՏՍ–ի ղեկավարությունը Հայաստանի իշխանություններին կարողանա համոզել իր վաղեմի ծրագրերից մեկն իրագործելու հարցում: Արդեն մի քանի տարի է ՎիվաՍելը փորձեր է անում մեր կառավարությանը համոզել, որպեսզի ողջ Հայաստանի տարածքում արգելվի ինտերնետ հեռախոսակապի աշխատանքը (Viber, Skype և այլն):
Առաջին հայացքից սա աբսուրդ է թվում: 21–րդ դարում մարդուն զրկել այլընտրանքային ինտերնետ հեռախոսակապից: Նրանք սա անում են ծածուկ, թաքուն: Սակայն կառավարությունը, դեռևս Հովիկ Աբրահամյանի ժամանակ նրանց հասկացրեց, որ դա անհնար է:
ՎիաՍել–ՄՏՍ–ը հսկայական կորուստներ է ունենում ժողովրդի` ինտերնետ կապով խոսելու պատճառով: Ավելի ճիշտ` հսկայական օգուտներ կունենա, եթե մարդիկ ինտերնետ–կապի փոխարեն օգտվեն ՎիվաՍելի ծառայությունից:
Հայաստանի ժողովրդի կեսն արտերկրում է աշխատում, և մշտապես ինտերնետային հեռախոսակապով է շփվում հայաստանցիների հետ, պատկերացնո՞ւմ եք, ինչ կլինի, եթե այդ կապը վերացնեն:
Իսկական ապստամբություն կսկսվի: Որովհետև ՎիվաՍելի հեռախոսակապը անհամեմատ թանկ արժե: Սակայն ՎիվաՍելը համառ է, և «Փաստի» տվյալներով, «շունչը պահած» սպասում է, թե երբ է ձևավորվելու նոր կառավարությունը, որպեսզի ինտերնետ կապն արգելելու նոր առաջարկով դիմի իշխանություններին:
Շարունակությունը` «Փաստ» օրաթերթի այսօրվա համարում: