Ինչպե՞ս կառավարել զայրույթը
ԼԱՅՖԶայրույթը կառավարելը դյուրին խնդիր չէ: Համաձայնեք, որ ոչ բոլորն են կարող զսպել զգացմունքները:
«Զայրացած մարդը վտանգավոր է»: Շատ հաճախ մենք լսում ենք այս արտահայտությունը եւ, իհարկե, համաձայնում: Բայց ինչ-որ ժամանակ մոռանում ենք այդ ճշմարտության մասին եւ ինքներս ենք նման վիճակում հայտնվում: Հարկավոր է կարողանալ ճիշտ կառավարել զայրույթը: Միայն այդ դեպքում կկարողանաք խուսափել անտեղի ու հապճեպ հետեւություններից եւ գործողություններից:
Զայրույթը մարդու հոգեբանական, անհավասարակշիռ իրավիճակ է: Այդ պատճառով խորհուրդ եմ տալիս նախ հեռանալ «թեժ կետից»:
Փորձեք այդ պահին մտածել ինչ-որ հաճելի ու լավ բանի մասին: Եթե չի ստացվում, որեւէ գործով զբաղվեք: Կարեւոր չէ, թե ինչ, գլխավորը որեւէ կերպ շեղվելն է:
Հիշեք, որ ոչ մեկը (այդ թվում՝ դուք) կատարյալ չէ: Եվ հնարավոր է, որ ձեր գործողությունները նույնպես ինչ-որ մեկին զայրացնում են:
Փորձեք հասկանալ այն մարդուն, ով ձեզ բարկացրել է: Գուցե կարողանաք նրա արարքներին արդարացում գտնել:
Սկսեք նկարել: Ձգտեք նկարի միջոցով թոթափել բացասականը: Թղթին փոխանցեք այն ամենը, ինչ զգում եք:
Խոսեք որեւէ մեկի հետ, պատմեք իրավիճակը: Երբեմն կողմնակի անձինք իրավիճակն ավելի լավ են տեսնում, քան ինքներդ»: