Բրիտանիան ցնցված Է Մանչեսթրի «բարբարոսական ակտից». Եղիսաբեթ Բ
ՀԱՍԱՐԱԿՈՒԹՅՈՒՆՄեծ Բրիտանիայի Եղիսաբեթ Բ թագուհին հայտարարել Է, որ բրիտանական ազգը ցնցված Է Մանչեսթրում կատարված «բարբարոսական ակտի» հետեւանքով բազմաթիվ զոհերից, եւ ցավակցություն Է հայտնել զոհվածների հարազատներին եւ երկրի քաղաքացիներին, տեղեկացնում Է «Արմենպրես»-ը: «Ամբողջ ազգը ցնցահար վիճակում Է անցած գիշեր Մանչեսթրում այդքան մարդկանց՝ չափահասների եւ երեխաների մահվան եւ վիրավորվելու պատճառով, որոնք համերգ Էին գնացել»,- ասված Է մամուլի համար նրա հայտարարության մեջ: Թագուհին «խորը ցավակցություն» Է հայտնում բոլոր նրանց, ովքեր տուժել են ողբերգության հետեւանքով, ում մերձավորները զոհվել են կամ վիրավորվել: Եղիսաբեթ Բ-ն շնորհակալություն Է հայտնել Մանչեսթրի բնակիչներին, որոնք համերաշխություն են հանդես բերել տուժածների, ոստիկանների, բժիշկների եւ փրկարարների հետ:«Ես իմ հիացմունքն եմ հայտնում Մանչեսթրի բոլոր բնակիչներին, որոնք մարդկայնությամբ եւ զորակցությամբ արձագանքեցին այդ բարբարոսական ակտին»,- հայտարարել Է նա: Նախօրյակին քաղաքի բնակիչներն արյուն Էին առաջարկում տուժածներին, տաքսիստները մարդկանց անվճար տեղափոխում Էին տները, հաղորդել Է ՌԻԱ Նովոստին: