Եթե Հյուսիսային Կորեային չկանգնեցնեն՝ այն կստեղծի միջուկային հրթիռ, որն ունակ է հարվածել ԱՄՆ-ին
ՄԻՋԱԶԳԱՅԻՆԵթե Հյուսիսային Կորեային չկագնեցնեն՝ ապա նա կստանա միջուկային հրթիռ, որն ունակ է հարված հասցնել ԱՄՆ-ի վրա։ Այս մասին հայտնել է ԱՄՆ ռազմական հետախուզության գործակալության տնօրեն, գեներալ -լեյտենանտ Վինսենթ Սթյուարթը՝ Սենատում լսումների ժամանակ, փոխանցում է Reuters-ը։
Սենատորները պնդում էին, որ Սթյուարթը ու Ազգային հետախուզության գործակալության ղեկավար Դեն Քոութսը գնահատեին Հյուսիսային Կորեայի հնարավորությունները միջմայրցամաքային բալիստիկ հրթիռ մշակելու հարցում, որն ունակ է հասնել ԱՄՆ- ի տարածք։ Երկուսն էլ հրաժարվել են գնահատականներ տալ, պատճառաբանելով, որ դրանով իսկ կգաղտնազերծեն Փհենյանի հնարավորությունների մասին ԱՄՆ-ի ունեցած տեղեկությունները։ Սակայն Սթյուարթը նշել է, որ ռիսկն աճում է․ «Եթե ամեն ինչ թողենք այնպես ինչպես կա, ապա ԿԺԴՀ վարչակարգին ի վերջո կհաջողվի ստեղծել միջուկային հրթիռ, որը սպառնալիք է ներկայացնում ԱՄՆ-ի համար»,- ասել է նա։ Ընդ որում նա նշել է, որ դեռ անհնար է կանխատեսել, թե հատկապես երբ է դա հնարավոր դառնալու, սակայն Փհենյանը այդ ուղու վրա է։