Ղեկավարությունը կորոշի` ով որտեղ լինի, հաստատ սխալ բան չեն անի. Սեյրան Սարոյան
ՔԱՂԱՔԱԿԱՆԷ՜, տո իրանց ինչ գործն ա՝ կմնա, չի մնա: Ջուր ա, պղտորում են: Tert.am-ի հետ զրույցում ասաց ԱԺ ՀՀԿ խմբակցության պատգամավոր Սեյրան Սարոյանը՝ անդրադառնալով «ԵԼՔ» խմբակցության պատգամավոր Արամ Զ. Սարգսյանի հայտարարությանը, թե քիչ հավանական է, որ 2018թ.-ից հետո Կարեն Կարապետյանը շարունակի պաշտոնավարել որպես վարչապետ:
«Խի պիտի չմնա՞: Մարդը աշխատում ա, թող աշխատի… Սաղին դարդ ու ցավ ա եղել: Մուտին են անում էլի…»,- ասաց նա:
Սեյրան Սարոյանը զարմացավ մտավախություններից, թե 2018թ.-ից հետո վարչապետ կարող է դառնալ նախագահ Սերժ Սարգսյանը:
«Է՞լ ինչ կա վախենալու որ… Սերժ Սարգսյանը 100 տարի ա նախագահ ա, չեք վախում, հիմա եղավ վարչապետ՝ վախեցա՞ք: Այ մարդ, ղեկավարությունը կորոշի, թե ով որտեղ լինի, հաստատ սխալ բան չեն անի, ժամանակը կգա՝ ամեն ինչ էլ կտենանք: Նորմալ էթում ա սաղ: Մի ընկեք էդ մուտիլովչիկների հետևից, դրանք ջուր են պղտորում»,- նկատեց Սեյրան Սարոյանը: