Արցախում արևային էներգիայի ոլորտի հնարավորությունների շուրջ ուսումնասիրություններ է իրականացվում
ՀԱՍԱՐԱԿՈՒԹՅՈՒՆԱրցախը արևային էներգիայի ոլորտը զարգացնելու լուրջ պոտենցիալ ունի: Եվ Արցախի վարչապետի հանձնարարական ով արդեն Արցախի Հանրապետության էկոնոմիկայի նախարարությունը արևային էներգիայի ոլորտի հնարավորությունների ուսումնասիրություններ էիր անցկացնում: Արցախի Հանրապետության էկոնոմիկայի նախարարի տեղակալ Տիգրան Գաբրիելյանը տեղեկացնում է. «Վարչապետը հստակ հանձնարարական է տվել՝սահմանել ժամանակացույց: Վեցամսյա ժամկետում պետք է մեր մասնագետներն ուսումնասիրեն արևային էներգիայի ոլորտի հնարավորությունները: Այսօր այդ փուլում ենք, ուսումնասիրություններն ավարտելուց հետո կներկայացնենք կոնկրետ առաջարկներ արևային էներգիայի ոլորտը զարգացնելու համար»:
Էկոնոմիկայի նախարարի տեղակալը հայտնում է, որ ուսումնասիրությունների արդյունքում պարզ կդառնա, թե որ հատվածներում կարելի է արևային կայաններ տեղադրել և արդեն ոլորտով հետաքրքրվող ներդրողներ կան. «Ոլորտով հետաքրքրվող ներդրողներին կոնկրետ հաշվարկներ պետք է ներկայացվեն: Հետևաբար ուսումնասիրություններն ավարտելուց հետո Արցախի կառավարությունը թիրախավորված կաշխատի ներդրողների հետ: Նախարարությունն առաջնային է համարում նաև արևային էներգիայի կարևորության հետ կապված բնակչության հետ աշխատանքը: Այդ ուղղությամբ տեղեկատվական բնույթի աշխատանքներ տարվում են, ու դրանք շարունակվում են: Վարչապետը հանձնարարել է նաև Քաղաքաշինության նախարարությանն ուսումնասիրել նորակառույց շենքերի տանիքներին արևային էներգիա ստանալու համար նախատեսված սարքավորումները տեղադրելու հնարավորությունները»,-հայտնում է Տ. Գաբրիելյանը:
Բազմակողմանի ուսումնասիրությունների արդյունքները կամփոփվեն սեպտեմբեր կամհոկտեմբեր ամիսներին: