Փաստաբաններին խուզարկելով խախտվում է և՛ նրա,և՛ պաշտպանյալի իրավունքները, խուզարկելն անթույլատրելի է. Լուսինե Սահակյան
ՀԱՍԱՐԱԿՈՒԹՅՈՒՆՎերաքննիչ քրեական դատարանում, որտեղ նախատեսված է եղել քննել «Հիմնադիր խորհրդարանի» անդամ, մեկ տարվա ազատազրկման դատապարտված Արմեն Միքայելյանի պաշտպանների բողոքը, կարգադրիչները փորձել են խուզարկել պաշտպանների պայուսակները: Պաշտպանները հրաժարվել են, ինչի հետևանքով էլ դատական նիստը հետաձգվել է:
Այս մասին Tert.am-ի հետ զրույցում ասաց Արմեն Միքայելյանի պաշտպաններից Լուսինե Սահակյանը:
«Ինձ համար անհասկանալի է այն, ինչ տեղի ունեցավ Վերաքննիչ դատարանում, որովհետև չէի սպասում, որ Վերաքննիչում կարող են ոտնահարվել փաստաբանի իրավունքները: Ակնհայտ էր, որ խուզարկելու իրավունք չունեն, և ակնհայտ էր, որ մեր բացակայությամբ չէր կարող նիստը շարունակվել, որովհետև մեր պաշտպանյալը չէր տալու իր համաձայնությունը նիստը մեր բացակայությամբ շարունակելու համար»,-ասաց Սահակյանը:
Հարցին, թե ի՞նչ է ենթադրում դատարանի կողմից պաշտպանների ներկայությունն ապահովելու նպատակով նիստի հետաձգումը, այն դեպքում, երբ պաշտպանները դատարանում էին, Լուսինե Սահակյանն ասաց. «Դա էլ է անհասկանալի է: Այսինքն` եթե այդ խնդիրը լուծում պետք է ստանա հաջորդ նիստին, ապա կարող էր միանգամից այսօր բոլոր միջոցներն ապահովվեր, և մեզ թողնեին նիստերի դահլիճ: Նիստը հետաձգելով ի՞նչ փոփոխության են հանգելու, դա անհասկանալի էր: Խուզարկել, միևնույն է, թույլ չենք տալու, կարող են զննել համապատասխան սարքերով, որ ունեն»:
Հարցին, թե ինչ հետևանքներ են ունենում պաշտպանյալի համար նման իրավիճակները, Լուսինե Սահակյանն ասաց. «Արդարացում ենք խնդրել դատարանից, այսինքն` եթե օրինական դատական ակտ լինի, ապա մեր պաշտպանյալը դատարանի դահլիճից պետք է ազատ արձակվի: Մեկ ամիս հետաձգելով՝ մեր պաշտպանյալին ևս մեկ ամիս ապօրինի զրկեցին ազատությունից. սա խոսում է այն մասին, որ մեր պաշտպանյալը ևս մեկ ամիս ապօրինի պիտի մնա անազատության մեջ»:
Սահակյանն ասաց, որ բացի դրանից պաշտպանական իրավունքի խախտում ևս կա, որովհետև, հնարավոր է՝ պաշտպանները շտապ միջնորդություն ունեին ներկայացնելու, որի մեկ ամիս ուշ կատարումն իրավունքի խախտում է:
Փաստաբանի խոսքով՝ խուզարկությունները կապված են քաղաքական գործերի հետ, սակայն ՀՀ պատմության մեջ շատ են եղել քաղաքական դատավարություններ, բայց պաշտպանները նման խնդիրների չեն բախվել. «Որովհետև պալատը այդ տարիներին խիստ է եղել, փաստաբանների դերն էլ՝ բարձր: Հիմա Փաստաբանների պալատը թուլացել է, և այդ խախտումները հասել են փաստաբաններին