Ինչպես են հագնվում հայ աղջիկներն ամռանը. Tert.amLife (Photo)
ԼԱՅՖTert.amLife-ը գրում է.
2017–ը գունեղ է տարբեր ոճերի, գույների և աքսեսուարների համադրություններով։ Ամառը հնարավորություն է տալիս գունային վառ համադրություններ անել և տրամադրություն ստեղծող հագուստով ներկայանալ։
Չի կարելի մոռանալ նաև աքսեսուրաների մասին, որոնք լրացնում են կերպարը։ Կանանց զգեստապահարանի գլխավոր բաղադրիչներից է պայուսակը։ Այս տարի նորաձև են փոքր ու մեծ դասական, ինչպես նաև տոպրակ–պայուսակները։ Իրենց դիրքերը չեն զիջում նաև ուսապարկերը։ Հայ երիտասարդության շրջանում նկատելի է, որ շատերը նախընտրում են ուսապարկեր, որոնք կարելի է համադրել տարբեր ոճի հագուստների հետ։
Սրածայր, թափանցիկ, ցածր կրունկներով կոշիկներն այս տարվա գլխավոր թրենդներն են։ Նորաձևության աշխարհի ամենահեղինակավոր դեմքերն իրենց նախապատվությունը տալիս են բարձրակրունկ կամ առանց կրունկների սուր ծայրով կոշիկներին։ Դեռ 2011-ին դիզայներներն առաջարկեցին թափանցիկ կրունկներ, բայց դրանք մեծ մասսայականություն չունեցան։ Այս տարի նույնպես այն մեծ արձագանք դեռ չունի։
2017–ին նորաձև են բնական գույները` կապույտն իր բոլոր երանգներով, դասական կարմիրը, դարչնագույնը, մուգ կանաչը, գինեգույնը, մոխրագույնն ու մանուշակագույնը։
Tert.am Life–ը ֆոտոշարք է իրականացրել Երևանի կենտրոնում և ներկայացնում է, թե ինչպես են նախընտրում հագնվել հայ երիտասարդ աղջիկներն ամռանը։
Ամբողջական հոդվածը կարող եք կարդալ այստեղ