Նոննա Գրիգորյանի 30-ամյակը Սեւանում եւ անսպասելի հանգիստը ԱՄՆ-ում
ԼԱՅՖBravo.am-ը գրում է.
Երեւանի կամերային թատրոնի դերասանուհի Նոննա Գրիգորյանն իր 30-ամյակը մտերիմների հետ նշել է Սեւանում։ Հոբելյարը BRAVO.am-ին պատմել է, որ ծննդյան օրը սկսվել է դստեր՝ Էլվիայի երգով.«Երբ ինձ համար երգում էր, ամուսինս տուն մտավ՝ իմ սիրելի ծաղիկների՝ սպիտակ վարդերի փնջով։ Ի դեպ, նա չի խախտում այդ ավանդույթը»։
Նոննան ու Վահագնը նախապես ծրագրել էին մեծ խնջույք կազմակերպել, սակայն մտափոխվել են.«Մտածեցինք, որ մեր կյանքում խնջույքները շատ են, մենք իրար ենք կարոտում։ Եվ այս տարեդարձիս ամուսինս կարողացել էր հետաձգել բոլոր գործերը, եւ քանի որ Սեւանա լիճը երկուսս էլ սիրում ենք, որոշեցինք օրն անցկացնել այնտեղ: Պատկերացրեք, որ կյանքիս ամենահրաշալի տարեդարձն էր»։
Սեւանում զույգին են միացել պարուհի Իռեն Ուլիխանովան ու դերասան Վահագն Գրիգորյանը, այնուհետեւ Ռիչարդ Մադլենյանը, Կամերայինի դերասաններ Հասմիկ Դանիելյանն ու Վահե Զիրոյանը.«Նրանք զանգել էին շնորհավորելու եւ իմանալով, որ դրսում ենք, միացան մեզ եւ էլ ավելի հաճելի ու գունեղ դարձրին իմ օրը»։