Լավրովն ու Թիլերսոնը քննարկել են Մոսկվայի ու Վաշինգտոնի հարաբերությունները
ՄԻՋԱԶԳԱՅԻՆՌուսաստանի ԱԳ նախարար Սերգեյ Լավրովն ու ԱՄՆ պետքարտուղար Ռեքս Թիլերսոնը հեռախոսազրույցի ընթացքում քննարկել են Մոսկվայի ու Վաշինգտոնի հարաբերությունները, իրավիճակը Սիրիայում։
ՌԴ ԱԳՆ մամուլի ծառայությւոնը փոխանցում է, որ երկկողմանի երկխոսության հեռանկարները քննարկելիս՝ Լավրովը նշել է «Ռուսաստանի վրա հերթական անգամ պատժամիջոցային ճնշումներ գործադրելու անիմաստությունը։ Նման գործողությունները վտանգում են ռուս- ամերիկյան հարաբերությունների ամբողջ համալիրը, որոնք առանց այդ էլ բարդ ժամանակաշրջանում են»։
Նշվել է, որ այդ պայմաններում ռուսական կողմը ստիպված է եղել չեղարկել հունիսի 23-ին ծրագրված փոխարտգործնախարարների հանդիպումը, որի ընթացքում պետք է քննարկվեին ռուս- ամերիկյան հարաբերություններում կուտակված խնդիրները։ Լավրովը շեշտել է, որ Մոսկվայում սպասում են Վաշինգտոնին ավելի վաղ փոխանցված ռուսական առաջարկների պատասխանին՝ այդ հարաբերությունների կարգավորման մասին։
Անդրադառնալով միջազգային օրակարգին՝ Լավրովը հաստատել է ԱՄՆ ղեկավարած կոալիցիայի հայտնի գործողությունների գնահատականը, որոնք խախտում են Սիրիայի ինքնիշխանությունը, դժվարացնում ահաբեկիչներին ճնշելը ու սիրիական ճգնաժամի կարգավորումը։ Մոսկվան Վաշինգտոնին կոչ է արել խստորեն պահանել մինչ այդ ձեռք բերված պայմանավորվածությունները՝ սիրիական կարգավորման տարբեր հարցերի շուրջ