Ցանկանում ենք հաղթել բոլոր խաղերում, կապ չունի թե մրցակիցը «... ՍՊՈՐՏ
Աֆղանստանում առնվազն 16 զինվորականներ են զոհվել թալիբների հա... ՄԻՋԱԶԳԱՅԻՆ
Ամեն ինչ վակուումային փաթեթավորման մթերքների մասին ԼԱՅՖ
Չափից շատ թեյի օգտագուրծումը առաջացնում է ոսկորների հիվանդու... ԼԱՅՖ
Հայաստանի կառավարությունը վավերացրեց ՀՀ և ՌԴ միացյալ զորախմբ... ՔԱՂԱՔԱԿԱՆ
Երևան, 20.Հուլիս,
00
:
00
:
00
Փոխարժեք
478.46
$
552.81
Ահա որտեղ և ինչպիսի պայմաններում է ապրում դերասան Գրիգոր Դանիելյանը իր կնոջ` երգչուհի Հռիփսիմե Ելինյանի հետ Ցանկանում ենք հաղթել բոլոր խաղերում, կապ չունի թե մրցակիցը «Սիթի»-ին է, «Ռեալ»-ը թե «Բարսելոնա»-ն. Հենրիխ Մխիթարյան Մոլդովայի արտգործնախարարը հայ-մոլդովական կապերի ընդլայնման հույս է հայտնել Հագուստի գեղեցիկ և նորաձև համադրություններ (լուսանկարներ) Կարեն Կարապետյանը Պետգույքի կառավարման վարչությունից ակնկալում է գումարների ինտենսիվ մուտք Շուշաննա Թովմասյանը, Բեն Ավետիսյանը, Հարություն Մովսիսյանը, Սարգիս Գրիգորյանը եւ այլք՝ նոր սերիալում Despacito երգն արգելվել է Մալազիայի պետական հեռուստառադիոյի եթերում Վարազդատ Կարապետյանը նշանակվել է Տարածքային կառավարման և զարգացման փոխնախարար Գուշակություն Նոստրադամուսի շրջանակի միջոցով. տվեք հարցը և ստացեք պատասխանը Արաբական երկրները հայտնել են Կատարին ներկայացվող պահանջների ցուցակը Հայատյաց գործիչ Դողու Փերինչեքը կառաջադրի թեկնածությունը Թուրքիայի նախագահական ընտրություններում Սիլվա Հակոբյան. «Սիրուշոյի հետ չենք թշնամացել... » Իրանի ԱԳՆ–ն ԱՄՆ–ն Մերձավոր Արևելքի անվտանգության իրական սպառնալիք Է համարել Միխայիլ Գալուստյանի ընտանեկան հանգիստը դելֆինների հետ Կառավարությունը հստակեցնում է խոշոր խաղատներին գործելու թույլտվության կարգը Գազարի հյութի օգտակարության մասին Ասա ինչ ծաղիկ ես սիրում, ասեմ՝ ով ես դու Հայաստանում արևային համակարգային կայանների կառուցման նկատմամբ հետաքրքրությունն ավելանում է «Զվարթնոց»-ի բացօթյա կինոսրահում կներկայացվի «Տխուր փողոցի լուսաբացը» ֆիլմը 5 տարբերակ վարսերն առանց որևէ գործիքի գանգրացնելու համար

Վարչապետի տխրությունն ու մեր ազգային իռացիոնալիզմը

Տխուր էր մեր վարչապետը, երբ խորհրդարանում ներկայացնում էր կառավարության գործունեության հնգամյա ծրագիրը:
 
Ինչո՞ւ էր տխուր նա:
 
Այսօր արդեն տխուր լինելու այդ փաստը մտել է մեր քաղաքական դաշտ, ու դրա հիման վրա կառուցվելու են քաղաքական օրինաչափությունների տեսություններ, արվելու են քաղաքական կանխատեսումներ: Մի խոսքով, մեր երկրում այսօր տխուր լինելն ու քաղաքականությունը մեկ հարթության վրա են:
 
Երբ Կարեն Կարապետյանը եկավ Հայաստան ու ստանձնեց վարչապետի պաշտոնը, շատ կարծիքներ շրջանառվեցին. ինչո՞ւ եկավ. ո՞րն էր նպատակը: Նպատակն իրե՞նն էր, թե մեկ այլ ուժի: Անգամ` ուժի՞ էր նպատակը, թե ուժային կենտրոնի: Կամ` ինքն իր կամքո՞վ եկավ, թե եկավ, որովհետև չէր կարող չգալ:
 
Այնուամենայնիվ, եթե ցինիկ հայացքով նայենք իրողություններին, ապա Կարեն Կարապետյանը կատարեց իր առջև դրված խնդիրը: Թիվ մեկ պրագմատիկ խնդիրը: Նա օգնեց, որպեսզի Հանրապետական կուսակցությունը կրկին Հայաստանում մնա միահեծան իշխանություն:
 
Սա հարցի տրիվիալ կողմն է, երևացողը, ակնբախը: Երբ աչքդ գցում ես մակերեսին ու նայում ես իրողություններին ընդհանուր հայացքով:
 
Բայց մենք հայ ենք, մի քիչ էմոցիոնալ ենք: Մի քիչ էլ իռացիոնալ ենք մեր պատկերացումների մեջ: Գուցե իռացիոնալ ենք դարձել, որովհետև 1915–ին ցեղասպանություն ենք տեսել ու այն չե՞նք հաղթահարել մեր մեջ: Գուցե մեր երգերը մի քիչ շա՞տ են լալկան, ու մեզ դո՞ւր է գալիս, որ դրանք լալկան են: Ու մեր հայացքը միշտ եղել է դրսի կողմը, մտածել ենք, որ ինչ–որ մեկի համար մենք շատ թանկ ենք, որ ինչ–որ ուժեր մտածում են մեզ փրկելու մասին, որովհետև գիտեն, որ մեր հանդեպ անարդար է վարվում կյանքը և այլն, և այլն:
 
Այսպիսի բաներ լիքն են մեր ժողովրդի պատմության մեջ: Եվ շատ կտեսնես անհատների, ովքեր տարիներ շարունակ իրենց կյանքը մաշել են անգամ եվրոպական տերությունների ղեկավարների ընդունելությունների սրահներում:
 
Դե ա՛յս ենք. ի՞նչ կարող ենք անել:
 
Ու սրանից հետևում է նաև, որ մեր պատկերացումները մենք չենք ձևավորում միայն սթափ հայացք գցելով այս կամ այն երևույթի վրա: Ու հաճախ և ավելի՛ հաճախ մեր 2+2–ը չորս չի անում. ստանում ենք մեկ այլ թիվ:
Եվ սկիզբ ենք տալիս լեգենդների ու առասպելների ծնունդին: Մեր երազանքներն ու փրկության մեր պատկերացրած ճանապարհները պրոյեկտում ենք մեր ուզած ձևով, մեր ուզած մարդկանց ու մեր ուզած երևույթների վրա:
 
Ու ասում ենք, որ կա՛ն, ի վերջո պե՛տք է որ լինեն հայրենասեր ու հայրենանվեր մարդիկ, ովքեր հանուն հայրենիքի ա՛յս կանեն, ա՛յն կանեն, պատրաստ կլինեն անգամ կառափնարան բարձրանալ: Ու, աչքներս ջուր կտրած, սպասում ենք այսպիսի մարդկանց գալուն:
Չգիտեմ` եկա՞վ այդ մարդը, թե չէ: Կամ որ եկավ, եկողն իրո՞ք այդ մարդն էր, թե այդ մարդը չէր: Միայն մի բան կասեմ՝ Աստված չանի դառնանք Գոդոյին սպասողներ:
 
Հ. Գ. Հրապարակվեցին այն նկարները, որոնք Ազգային ժողովի նիստին նստած, իր համար գրել–գծել–խզմզել էր վարչապետ Կարեն Կարապետյանը:
Ես հոգեբան չեմ. իրենք կարող են որոշել, թե որ գիծն ո՞ւր է տանում և ինչ է ասում մարդու մասին:
 
Ինձ ընկալելի ասելիք էին պարունակում նրա երկու գրառում–նկարները: Նախ` խաչը: Թևերը սևացրած, ծանրացրած, ընդգծած: Դա գուցե իր խա՞չն է, որ կրում է ու տանում է: Կամ կրկին տանելո՞ւ է այն. չգիտեմ: Հուսանք:
Համենայն դեպս այս պատկերից կարելի է եզրակացնել, որ մեր վարչապետի համար հեշտ չի եղել, նրա խաչը եղել է ծանր ու ընդգծված` իր ծանրությամբ:
Իսկ հետո… Շա՛տ է պարզունակ հնչում, բայց մեր վարչապետի ձեռքը հետևյալ նախադասությունն էր գրել` Հրաժարականի դիմում:
 
Կրկնում եմ, այս երկու պատկերների մեջ տրամաբանություն գտնելու փորձը այնքան պարզունակ կարող է թվալ, որ թույլ չես տալիս այն տեսնելու տալ: Եվ ընդունես, որ մարդու ենթագիտակցությունն այսքան հստակ, պարզ երևան կգա ու կմեկնի նրա անելիքները:
 
Սակայն մեր ազգային իռացիոնալիզմն էլ կարող է ինչ–որ մի կետում ռացիոնալիզմի դռներ բացել: Որովհետև, ինչպես հատկապես հիմա շատ է խոսվում այդ մասին, մտքերն իրականություն դառնալու հատկություններ ունեն, սպասումները նաև կարող են առարկայանալ: Ու այստեղ է, որ հաղթանակն ինքն է իրեն քեզ պարտադրում ու դու գնում ես կանխորոշված ուղղությամբ:
Երբ տեղ ես հասնում, զգում ես արդեն, որ խաչիդ ծանրությունն էլ այդքան մեծ չի եղել: Ու ձեռքդ դուրս է բերել հենց ներսիդ վախերը, երբ պարապ նստած տառեր ու պատկերներ ես նկարել:
 
Համենայն դեպս, այս տարբերակն է խոսում մեր ազգային նկարագրի տրամաբանությամբ ու հարազատ է այդ նկարագրին:
Տեսնենք: Ժողովուրդը դեռ հույսեր է կապում նրա հետ:
 
 
Գոհար Սարդարյան
 
loading...
website by Sargssyan