Որտե՞ղ էին աշխատում հայտնի աստղերը մինչ հայտնի դառնալը (լուսանկարներ)
ԼԱՅՖ1․Նիկի Մինաժ, մատուցողուհի Red Lobster ռեստորանում
Հայտնի աստղ դառնալուց առաջ Նիկի Մինաժն աշխատել է որպես մատուցողուհի։ «Մի անգամ հաճախորդին դուրս շպրտեցի ռեստորանից, ապա միջնամատս վեր պարզած ցույց տվեցի նրան և հետ պահանջեցի գրիչս։ Իսկապես շատ խենթ էի այդ ժամանակ»,- նշել է երգչուհին։
2․ Թեյլոր Սվիֆթ, տոնածառերի վրա բնակվող միջատներ սպանող
Թեյլոր Սվիֆթը ծնվել ու մեծացել է Փենսիլվանիայում, իսկ նրա ծնողները եղևնիներ էին աճեցնում, որպեսզի Սուրբ ծննդին վաճառեն։ Քանի որ նա փոքր էր և չէր կարող կտրել եղևնիները, նրա հայրն առաջարկում էր գումարի դիմաց հատուկ սփրեյով սպանել եղևնու վրա ապրող միջատներին։
3․ Մայլի Սայրուս, համերգներից հետո ներքնազգեստ հավաքող
Մայլի Սայրուսն իր կարիերան սկսել է իր հոր՝ Բիլի Ռեյ Սայրուսի համերգներից հետո 10$-ի դիմաց այս ու այն կողմ շպրտված կրծկալները հավաքելով։ «Մի անգամ մի մեծ չափսերի կրծկալ էի գտել։ Անմիջապես վազեցի հայրիկիս մոտ ու ասացի «Հայրի՛կ, քո ամենամեծ երկրպագուհուն եմ գտել»»։
4․ Քանյե Ուեսթ, վաճառողի օգնական Gap խանութում
Քանյե Ուեսթը 15 տարեկան հասակում Gap խանութում աշխատում էր որպես վաճառողի օգնական։ Ավելի ուշ նա պատմել է, որ ատում էր իր գործը, քանի որ չէր հասցնում բավականաչափ աշխատել, որպեսզի աշխատողների համար սահմանված զեղչերից օգտվի։
Այսօր Քանյեն ունի իր սեփական բրենդային խանութը։
5․ Բիյոնսե, հավաքարար գեղեցկության սրահում
Աշխարհում այսքան հայտնի դառնալուց առաջ Բիյոնսեն աշխատում էր Հյուսթոնի գեղեցկության սրահներից մեկում։ Այնտեղ նա ավլում էր հաճախորդների կտրված մազերը։
6․ Ջոնի Դեփ, հեռախոսով գրիչ վաճառող
Որքան էլ անհավատալի է, բայց Ջոնի Դեփն իսկապես հեռախոսով զանգում էր անծանոթների և առաջարկում գրիչ գնել, որը դերասան դառնալու հարցում իրեն շատ է օգնել։
«Զանգում ու ասում էի․ «Ողջույն, ինչպե՞ս եք», ապա մի անուն էի հորինում, օրինակ՝ «Ձեզ հետ Էդվարդ Քարթերմինն է խոսում Կալիֆոռնիայից․․․»»։
7․ Մեգան Ֆոքս, բանանի հագուստով փողոցներում շրջող
Շքեղ դերասանուհի լինելուց շատ ժամանակ առաջ Մեգան Ֆոքսը թարմ մրգեր էր գովազդում։ Նա աշխատում էր Ֆլորիդայի՝ սմուզիներ վաճառող սրճարաններից մեկում և ամեն ուրբաթ ստիպված էր լինում բանանի շորեր հագնել և գովազդել սրճարանը։