Պետք է վերջ դնել դեպի Երուսաղեմի Տաճարի լեռ մուսուլմանների այցելությունների սահմանափակումներին. Էրդողան
ՄԻՋԱԶԳԱՅԻՆԹուրքիան միջազգային հանրությանը կոչ է անում միջոցներ ձեռք առնել Երուսաղեմի Տաճարի լեռ մուսուլմանների հասանելիությունը սահմանափակող արգելքների դեմ:
ТАСС գործակալության փոխանցմամբ` այս մասին ասվում է թուրք նախագահ Ռեջեփ Թայիփ Էրդողանի պաշտոնական կայքում հրապարակված հայտարարության մեջ: «Որպես Իսլամական համագործակցության կազմակերպության նախագահ կոչ եմ անում միջազգային հանրությանը քայլեր ձեռնարկել Տաճարի լեռան վրա պաշտամունքի ազատության սահմանափակումներին հնարավորինս շուտ վերջ դնելու համար», - ասել է Էրդողանը:
Նա նաև նշել է, որ «հարգանքի դրսևորումը պատմական և սրբազան Երուսաղեմի ու Տաճարի լեռան նկատմամբ իրավաբանական պարտավորվածություն է»:
Տաճարի լեռան մոտ հուլիսի ընթացքում մի շարք բախումներ են տեղի ունեցել արաբների և ոստիկանների միջև, ինչի հետևանքով զոհեր են գրանցվել: Հուլիսի 14-ին տեղի ունեցած հարձակումից հետո Իսրայելը փակել է մուտքը դեպի Տաճարի լեռան մզկիթ, իսկ հավատացյալներին չեն թողել ներս մտնել: