ՄԱԿ-ի անվտանգության խորհուրդը կոչ է արել Երուսաղեմում արտահերթ նիստ հրավիրել
МЕЖДУНАРОДНОЕՄԱԿ-ի անվտանգության խորհուրդը Երուսաղեմում արտահերթ նիստ հրավիրելու կոչ է արել, այս մասին հայտնում է բրիտանական Reuters գործակալությունը:
Ավելի վաղ խորհրդի՝ Շվեդիայի ներկայացուցիչ Կառլ Սքաուն սոցցանցերում հայտնել էր, որ մի շարք երկրներ կոչ են արել անվտանգության խորհրդին արտահերթ նիստ գումարել Երուսաղեմում տիրող իրավիճակի հետ կապված:
Նշենք, որ քաղաքում իրադրությունը շարունակում է մնալ լարված: Իսրայելի իշխանությունների կողմից սահմանած անվտանգության նոր նորմերը դարձել էին տեղի մահմեդական համայնքի դժգոհության պատճառ: Բողոքի ակցիաների ընթացքում մահացել էր երեք պաղեստինցի, վիրավորվել տասնյակ մարդիկ:
Ավելի վաղ երեք իսրայելցի արաբ գրոհայինների հարձակման հետևանքով մահացել էին երկու իսրայելցի ոստիկաններ, ինչն էլ դարձել է իշխանությունների կողմից անվտանգության նորմերը խստացնելու դրդապատճառ: