Փորձել են բերման ենթարկել ՀԺ-ի լրագրողին, բայց ճանապարհի կես... ՀԱՍԱՐԱԿՈՒԹՅՈՒՆ
Նիկոյանը նոր մեքենա է գնել՝ «LEXUS GX 460» մակնիշի ՀԱՍԱՐԱԿՈՒԹՅՈՒՆ
Հակոբյանը խնդիր չունի՝ տարեկան 200 միլիոնի եկամուտ ունի ՀԱՍԱՐԱԿՈՒԹՅՈՒՆ
10 հազար դոլար՝ Ալիկ Սարգսյանին ՀԱՍԱՐԱԿՈՒԹՅՈՒՆ
Մուշեղ Սաղաթելյան. «Եթե դու ցանկանում ես քո հակառակորդին հաղ... ՔԱՂԱՔԱԿԱՆ
Երևան, 20.Ապրիլ,
00
:
00
:
00
Փոխարժեք
478.65
$
560.79
Գումար, հարսնացուի զգեստ, ծրագրավորման դասընթաց. ինչ են խոստանում ոստիկաններին ժողովրդի կողմն անցնելու համար Ամո Շարոյան. «Մեր ապագան մշուշոտ չի» Ուսանողությանը կառավարելի դարձնելու ծրագիրը ձախողվում է. ուսխորհուրդներն ու բումերանգի էֆեկտը Փորձել են բերման ենթարկել ՀԺ-ի լրագրողին, բայց ճանապարհի կեսից փոշմանել են Արամ Ա կաթողիկոսը Մայր Աթոռում է. նա կհանդիպի ՀՀ նախագահի և վարչապետի հետ Նիկոյանը նոր մեքենա է գնել՝ «LEXUS GX 460» մակնիշի Հակոբյանը խնդիր չունի՝ տարեկան 200 միլիոնի եկամուտ ունի Ազատ Արշակյան. «Կազմակերպիչները սպիտակներով են խաղում, իսկ իշխանությունը պատասխանողն է» 10 հազար դոլար՝ Ալիկ Սարգսյանին Մուշեղ Սաղաթելյան. «Եթե դու ցանկանում ես քո հակառակորդին հաղթել, պետք է ոչ թե ուժ կիրառես, այլ բարություն անես» Արսինե Խանջյանը Գերմանիայից ուղերձ է հղել ցուցարարներին Գյումրիում ապօրինաբար պահվող արջի քոթոթը տեղափոխվել է կենդանաբանական այգի Երևանում էին արցախցի պատանի երաժիշտները ՄԻԵԴ ուղարկված դիմումների հերթական տեղատարափն է լինելու «Պետք է ներողություն խնդրենք, որ այս ժառանգությունն ենք թողել երիտասարդներին». Անահիտ Բախշյան Քաղաքապետ Տարոն Մարգարյանը հանդիպել է ՀՀ-ում դիվանագիտական առաքելությունն ավարտող ՌԴ արտակարգ և լիազոր դեսպանի հետ Կարապետ Ռուբինյանը` ոստիկանության սադրանքների և Նիկոլ Փաշինյանի քայլերի մասին Ստրասբուրգում տեղի է ունեցել Եվրանեսթ խորհրդարանական վեհաժողովի բյուրոյի նիստը Հանրահավաք. օր 7-րդ Յուրաքանչյուր հինգշաբթի մայրաքաղաքի վարչական շրջաններում կազմակերպվում են բնակիչների ընդունելություններ

«Ծիսական ավտորիտարիզմը» հակադրվում է պուտինյան սանձարձակություններին

«Փաստ» օրաթերթի հյուրն է հրապարակախոս Արա Նեդոլյանը

 

Պարոն Նեդոլյան, ռեալ համարո՞ւմ եք, որ ԵՄ–Հայաստան համաձայնագիրը կարող է լինել կամուրջ արևմուտքի և Ռուսաստանի միջև:

– Ուշադրություն դարձնենք այն հանգամանքին, որ կամրջի մասին տեսությունը իրոք որ շրջանառության մեջ գցեց ռուսական կողմը, մասնավորապես՝ հրապարակախոս–պաշտոնյա Մարկեդոնովը:

Կարելի է ենթադրել, որ Ռուսաստանն ինքն իրեն այդպես բացատրեց կատարվածը, գտավ դրա մեջ մխիթարանք: Իսկ իրականում, իմ կարծիքով, կատարվածը Ռուսաստանի հետ կապ չունի, համաձայնագիրը վկայում է ընդամենը, որ Հայաստանը ձգտում է մնալ մեծ աշխարհի, կամ քաղաքակիրթ աշխարհի գրկում, բայց ստիպված է, ցավոք, այս կամ այն ձևով, խորամանկությամբ դիմակայել Ռուսաստանի իշխանությունների՝ Հայաստանը մեկուսացնելու ձգտմանը:

 

Իսկ Ռուսաստանն իրականում շահագրգռվա՞ծ է դրանով: Եվ գուցե այն, ինչ վերջերս կատարվեց նրանց լրատվամիջոցներով, ընդամենը շոո՞ւ էր, որը միտում ուներ փրկել մեծապետական ինքնասիրությունն արտաքին հայացքներից:

– Կարծում եմ այն, ինչը և՛ վերջերս, և՛ պուտինյան իշխանության ողջ ընթացքում կատարվում է ռուսական ԶԼՄ–ներում, ռուսական հետկայսրական համատարած այլատյացության շարքային դրսևորում է: Այս անգամ պարզապես ինֆորմացիոն առիթ տվեց Հայաստանը, և այն կոտրվեց Հայաստանի գլխին:

Ռուսական մամուլ, կայքեր կարդացողի համար նորություն չէ, որ երբ այնտեղ ցանկացած առիթով հիշատակվում են ցանկացած երկիր, ժողովուրդ, այդ թվում՝ Ռուսաստանի կազմում գտնվողները, ապա դրան հետևում է (քոմենթներում) ատելության կամ արհամարհանքի փոթորիկ: Այնպես որ, կարծում եմ, ոչ մի նոր բան էլ տեղի չունեցավ. Հայաստանը պարզապես տվեց ինֆորմացիոն առիթ, աչքի երևաց:

 

Իսկ արժեքային այն համակարգերը, որոնք գոյություն ունեն այս երկու հասարակություններում՝ Ռուսաստանի և Եվրամիության երկրների, համատեղելի՞ են, որպեսզի կամուրջը կայանա:

– Արժեքները համատեղելի են ժողովուրդների, հասարակությունների համար: Դրանք բնական են և հիմնականում՝ անվիճելի այդ տեսակետից:

Այլ բան, որ ռուսական իշխանությունները տարիներ շարունակ փորձում են հնարել տարբերվող, «յուրովի» ինչ–ինչ արժեքներ: Սակայն այդ փորձերը ծիծաղից բացի ոչինչ չեն առաջացնում հենց անգամ ռուս «հայրենասերների» շրջանակներում, ընկալվում են իբրև կեղծիք ու խաբկանք:

Իր գոյության վաղ տարիներին «այլ» արժեքներ փորձում էր սահմանել նաև Խորհրդային Միությունը: Բայց երբ այդ փորձը տապալվեց, առանձնահատուկ արժեքների դարը վերջացավ: Այսօր Ռուսաստանը, ինչպես և Հայաստանը, ժողովրդավարական, ազատական եվրոպական հասարակություններ են: Ինչը և ամրագրված է Եվրոպայի հետ կնքված բազմաթիվ պայմանագրերով ու համաձայնություններով: Մնացածը՝ առեղծվածային «յուրովին», կարող են որակվել իբրև իշխանությունը զավթած խմբերի ու անձանց ոտնձգություններ՝ հենց սեփական իրական հանրային արժեքների դեմ:

 

Մեր իշխանավորների իրական ցանկությունը երկրում ինչ–որ բան փոխելու, ավելի ճիշտ՝ ժողովրդավարությունը խորացնելու վերաբերյալ, որտե՞ղ կարող է սկսվել և որտե՞ղ ավարտվել:

– Մեր իշխանությունների ցանկությունները, կարծում եմ, սպառիչ նկարագրվում են «ծիսական ավտորիտարիզմ» եզրույթով: Դա այն է, երբ իբրև ծես իրականացվում են ընտրություններ, տեղի է ունենում իշխանական թևերի բաժանում, հայտարարվում են հանրային և անձնական ազատությունների, արտաքին աշխարհի հետ հարաբերությունների մասին, սակայն այդ ամենը կրում է ծիսական, ոչ իրական բնույթ:

Սկզբնական շրջանում նույնը նաև Ռուսաստանում էր: Սակայն վերջին մի յոթ–տասը տարիների ընթացքում պարոն Պուտինը չի համաձայնում պահել նույնիսկ բարիդրացիական ծիսակարգը: Չափազանց անկարգ է դարձել նույնիսկ օլիգարխիկ հասարակության չափանիշներով, վնասում է բիզնեսին, յուրայիններին, մի խոսքով՝ համը հանում է: Հայաստանի իշխանությունը Եվրամիության հետ կնքած Համապարփակ և ընդլայնված գործընկերության համաձայնագրի միջոցով ցանկանում է ունենալ որոշակի, հարաբերական ու թույլ, բայց պաշտպանիչ վահան պուտինյան սանձարձակությունների դեմ: Քանզի նրանք, ի տարբերություն Պուտինի, շարունակում են գնահատել արտաքին պարկեշտությունը, ծեսը:

Սա՝ իշխանությունների տեսակետից: Իսկ հասարակության համար այդ պայմանագիրը կարող է դառնալ սեփական, իրական արժեքների ու շահերի արտաբերման ու պաշտպանության մի հռչակագիր: Կամ՝ նույնիսկ մեխանիզմ: Քանի որ ներդաշնակ է, ինչպես ասացի, հանրային իրական արժեքներին:

 

Գոհար Սարդարյան

 

website by Sargssyan