Արմեն Սարգսյանի պտույտը հայկական ալիքներով
ՎԵՐԼՈՒԾԱԿԱՆԱրդեն քանի օր է հայաստանյան հեռուստաընկերությունները ցույց են տալիս նախագահի հավանական թեկնածու Արմեն Սարգսյանի համակուրսեցիներին, համադասարանցիներին, ամբիոնի ու բաժնի վարիչներին, ատենախոսության ղեկավարներին ու ընդդիմախոսներին, հարևաններին, բարեկամներին, համագյուղացիներին: Այս տեմպերով հերթը կարող է հասնել Արմեն Սարգսյանի ծագմանը ու ասենք որևէ հեռուստաընկերություն ստիպված լինի գործուղման ուղարկել լրագորղական խումբ Արևմտյան Հայաստան կամ մեկ այլ տեղ:
Սովետական ագիտպրոպի ավանդույթներին համաձայն պաշտոնական քարոզչամեքենան փոխանակ Արմեն Սարգսյանի հետ մեկ հարցազրույց կազմակերպելը, փորձում է նրա մասին դրական կարծիքներ ստանալ այլ մարդկանցից: Ընդ որում այդ կարծիքները կարող են ազնիվ ու իրական լինել, բայց դրանք որևէ կապ չունեն Արմեն Սարգսյանի քաղաքական դերակատարման հետ:
Այդ դերակատարման հարցը չի քննարկվում, փոխարենը քննարկվում է ամեն ինչ: Տպավորություն է ստեղծվում, թե Արմեն Սարգսյանին այս տեմպերով կարող է ուղարկեն Եվրատեսիլ ՝ Հայաստանը ներկայացնելու:
Սարգիս Մեսրոպյան