Շարմազանովը՝ Արմեն Սարգսյանի վերջնական որոշման, Հրայր Թովմասյանի մասին հրապարակումների և կառավարության փակ ռեժիմի մասին
ՔԱՂԱՔԱԿԱՆ«Իսրայելի նման ժողովրդավարական երկրում կառավարության նիստերը ոչ միայն դռնփակ են, այլև այնտեղ չի թույլատրվում բացի կառավարության անդամներից որևէ մեկին մասնակցել այդ նիստերին, սակայն մեր կառավարության նիստերին մասնակցում են նաև ոչ կառավարության անդամներ»,- այսօրվա ՀՀԿ ԳՄ նիստից հետո լրագրողներին ասաց կուսակցության խոսնակ Էդուարդ Շարմազանովը:
Past.am-ի փոխանցմամբ՝ Էդուարդ Շարմազանովն նաև ընդգծեց, որ սա արվում է, որպեսզի կառավարության որևէ անդամ կաշկանդված չլինի ավելի բաց քննարկումների: Ըստ նրա՝ թաքուն բան պահելու նպատակ չկա: «Խոսքի ազատության սահմանափակման մասին լուրերը չափազանցված են և չեն համապատասխանում իրականությանը»,- նշեց նա:
Անդրադառնալով Կովկասի մահմեդականների վարչության նախագահ Ալլահշուքյուր Փաշազադեի այն կոչին, թե բոլոր մահմեդականները պետք է միավորվեն արցախյան հիմնախնդրի լուծման համար՝ ԱԺ փոխնախագահն անթույլատրելի համարեց խնդրին կրոնական երանգ հաղորդելու փորձերը։
Շարմազանովն արձագանքեց նաև կադրային հարցերին: Հրայր Թովմասյանի՝ Սահմանադրական դատարանում պաշտոն ստանալուն վերաբերող հարցին ՀՀԿ խոսնակն այսպես պատասխանեց. «Հրայր Թովմասյանը Պետաիրավական և մարդու իրավունքների մշտական հանձնաժողովի նախագահն է, մենք ՍԴ-ի հետ կապված որևէ հարց չենք քննարկել»: Շարմազանովը հայտնեց, որ չեն քննարկել նաև ապագա կառավարության հետ կապված հարցեր: