ՀՀ վարչապետի ակնկալած 850 միլիոն դոլարի ներդրումային ծրագրերը կատարվել են
ՔԱՂԱՔԱԿԱՆԱԺ-ում պատգամավորներ-կառավարություն հարց ու պատասխանի ժամանակ Հայաստանի վարչապետ Կարեն Կարապետյանը պատասխանելով «Ելք» խմբակցության պատգամավոր Էդմոն Մարուքյանի հարցին, թե այս ընթացքում որքան ներդրում է իրականացվել, վարչապետն ընդգծեց, որ տվյալներն արդեն ամփոփել են և նշեց, որ 856 դոլարի ներդրում Հայաստանում կատարվել է, որից 580 միլիոն դոլարը մասնավոր սեկտորից է:
«Բացի այդ, մենք արդեն ամփոփել ենք տարածքային կառավարման նախարարության տվյալները մարզերում արված ներդրումների վերաբերյալ: Մարզերում 190 միլիարդ դրամի ներդրում է կատարվել, որը դուրս է այդ 856 միլիոն դոլարի ներդրումներից»,- նշեց վարչապետը:
Անդրադառնալով պատգամավորի դիտարկմանը, թե Հայաստանը հիմնականում ՌԴ-ից է ներդրումներ ակնկալում, իսկ ՌԴ-ն հայտնվել է ԱՄՆ-ի պատժամիջոցների տակ՝ վարչապետն ընդգծեց, որ միայն Ռուսաստանից չեն ներդրումներ ակնկալում:
ՀՀ վարչապետը տեղեկացրեց նաև, որ 2017թ. Հայաստանից արտահանումն աճել է 43.3 տոկոսով, որից 19 տոկոսը ԵԱՏՄ երկրներ, մնացածը՝ այլ երկրներ:
55.8 տոկոսով էլ աճել է ներմուծումը, որից 19 տոկոսը ԵԱՏՄ երկրներից, մնացյալն՝ այլ երկրներից: