Երևան, 20.Ապրիլ.2024,
00
:
00
1 $ = 0 ֏, 1 = 0 ֏, 1 = 0 ֏
ՀՐԱՏԱՊ


Վարդան Ոսկանյան. «Հայ-իրանական հարաբերությունները պոկվել են մեռյալ կետից»

ՔԱՂԱՔԱԿԱՆ



                                 
Երեկ ՀՀ-ում Իրանի Իսլամական Հանրապետության արտակարգ և լիազոր դեսպան Սեյեդ Քազեմ Սաջադին հայտարարեց, որ Իրանը պատրաստ է հարմար գներով գազ վաճառել Հայաստանին: Նա ընդգծեց նաև, որ հարցը քննարկվում է, և հուսով է, որ այդ առումով առաջընթաց կլինի:

«Որքանով տեղյակ եմ՝ որոշակի բանակցություններ են ընթանում այս ոլորտում և ակնհայտ է, որ իրանական կողմը պատրաստ է ՀՀ-ին գազ տրամադրել: Այլ խնդիր է, թե արդյո՞ք այդ գազի արժեքը ձեռնտու կլինի հայկական կողմի համար: Այդուհանդերձ կարծում եմ, որ ՀՀ-Իրան գործակցությունն ընդլայնելու հնարավորություն կա թե՛ գազ՝ էլեկտրաէներգիայի դիմաց գործարքի շրջանակներում, թե՛ այդ շրջանակներից դուրս: Մեկ այլ կարևոր ուղղություն էլ կա, որը թուրքմենական կողմի ներգրավումն է այս գազային գործարքներին: Եվ այս համատեքստում ևս  Իրանը հնարավորություններ ունի ապահովելու դեպի Հայաստան գազի փոխադրումները:

Եվ ընդհանրապես, Իրանը եռակողմ կամ քառակողմ ձևաչափով գործակցություն հաստատելու հնարավորություն ունի՝ մի կողմից Թուրքմենստանի, մյուս կողմից՝ Հայաստանի և Վրաստանի միջև»,- Past.am-ի հետ զրույցում, անդրադառնալով դեսպանի հայտարարությանը, նման տեսակետ հայտնեց իրանագետ Վարդան Ոսկանյանը:

Դիտարկմանը, թե իրանական գազ մատակարարելու հնարավորության մասին խոսելիս ամեն անգամ զուգահեռ ընդգծվում է նաև «Գազպրոմի» հանգամանքը, իրանագետը նկատեց. «Արդեն նշեցի, որ Հայաստանի և Իրանի միջև այդ ոլորտում բանակցային գործընթաց կա և բնական է, որ ռուսական կողմը ՀՀ-ի գազի շուկայում լայնորեն ներկայացված է: Այս առումով ռուսական կողմի շահերը հաշվի չառնելն այնքան էլ խելամիտ քայլ չէր լինի: Բայց Հայաստան-Իրան հարաբերությունները զարգանում են ոչ թե ի հեճուկս Հայաստան-Ռուսաստան հարաբերությունների, այլև փոխլրացնում են Հայաստան-Ռուսաստան հարաբերությունները: Եվ ընդհակառակը, հայ-ռուսական հարաբերությունները փոխլրացնում են Հայաստան-Իրան գործակցության դաշտը: Այս իմաստով կարծում եմ, որ այստեղ շահերի բախում չկա: Եվ շատ հետաքրքիր կլիներ, որ ռուսական կողմն էլ մասնակցային մոտեցում ցուցաբերեր՝ ինչ-որ առումներով ձևավորելով Հայաստան-Իրան-Ռուսաստան եռակողմ գործակցության դաշտ:  Ակնհայտ է, որ անկախ ամենից, իրանական գազը վաղ թե ուշ դուրս է գալու Իրանի հյուսիսային սահմաններից՝ դեպի Եվրոպա ուղղվելու համար: Հետաքրքիր կլիներ, որ ռուսական կողմն էլ այս գործարքներին մասնակից դառնար»:
 
Իսկ թե ինչպիսի՞ն  է ՌԴ-ի կեցվածքն այս հարցում, նա նշեց. «Անկեղծ ասած՝ չեմ կարող ասել, միգուցե իրենք կմեկնաբանեն իրենց դիրքորոշումներն այս խնդրի վերաբերյալ: Այնուամենայնիվ, առողջ տրամաբանությունը հուշում է, որ ռուսական կողմի մասնակցությունն այս խնդիրներին  ձեռնտու կլիներ թե՛ մեր, թե՛ իրանցիների և թե՛ ՌԴ-ի համար»:

Դեսպանը նաև շեշտեց, որ Հայաստանը պետք է աշխուժանա էներգետիկ ոլորտում: Հարցին, թե  արդյո՞ք ակնարկը Հայաստանից հստակ քայլեր սպասելու ակնկալիք չէ, իրանագետը պատասխանեց. «Տեսե՛ք, մի կարևոր հանգամանք կա: Իրանական դիվանագիտությունը որոշակի ուղերձների փոխանցում է ենթադրում: Կարծում եմ՝ այդ ուղերձները դեսպանը փոխանցել է: Մեր կողմից այդ ուղերձները պետք է վերլուծվեն և մեր ունեցած հնարավորությունների շրջանակում Իրանի հետ հարաբերությունները զարգացվեն: Ուղերձը դրական է, միանշանակ է ու ակնհայտ: Այս իմաստով Հայաստան-Իրան հարաբերություններում էներգետիկ ոլորտը չափազանց կարևոր է, այն դինամիկ զարգացող ոլորտներից մեկն է: Ուղերձ փոխանցվեց, և շատ հետաքրքիր կլիներ, որ իրանական կողմն էլ նշված ոլորտում Հայաստանում համապատասխան ներդրումներ իրականացնելու նախաձեռնություններով հանդես գար: Կարծում եմ՝ հայկական կողմից այդ նախաձեռնությունները կողջունվեն, որը լուրջ նպաստ կլինի հայ-իրանական տնտեսական հարաբերությունների զարգացման համար»:

Վարդան Ոսկանյանի խոսքով՝ ակնհայտ է, որ հայ-իրանական հարաբերությունների տնտեսական հատվածում զգալի աշխուժություն կա. «Բազմաթիվ հանդիպումներ, փոխայցելություններ, բազմաթիվ ծրագրերի շուրջ պայմանավորվածություններ, որոշ դեպքերում նախնական, որոշ դեպքերում էլ՝ վերջնական: Կարծում եմ՝ այդ աշխուժությունն առաջիկայում արդյունքներ կտա: Ակնհայտ է, որ հայ-իրանական հարաբերությունները պոկվել են նախկին մեռյալ կետից: Եվ այս հարցում պետք է գնահատել թե՛ հայկական, թե՛ իրանական կողմի ջանքերը»:

Աննա Բադալյան

Ռուսական հենակետերը Տավուշից դուրս կբերվեն. Փաշինյան Փաշինյանը խոստովանում է իր ձախողումը ԱՄՆ Ներկայացուցիչների պալատը պատրաստվում է հաստատել Ուկրաինային շուրջ 61 մլրդ դոլարի ռազմական օգնության փաթեթը․ BBC Ինչպես խաբել տավուշցիներին. համառոտ ձեռնարկ՝ Նիկոլ Փաշինյանից Անհետ կորած 56-ամյա տղամարդը հայտնաբերվել է Ջրվեժի ձորում. մարմինը եղել է հոշոտված (լուսանկար) Արևային մարտկոցներ կամ դիզելային գեներատորներ. ինչպե՞ս ապահովել էլեկտրաէներգիա, եթե ցանցի հաճախակի անջատումներ են լինումՊելմենի. ռուսակա՞ն, չինակա՞ն, մոնղոլակա՞ն, թե՞... գերմանական ուտեստ. «Փաստ»Երեկվա փաստաթուղթը ծնվեց նենգաբար, այն պահին, երբ գնում էին հանրային քննարկումներ, ձևակերպվում են առաջարկներ, որոնք ՀՀ-ի դիրքերը կուժեղացնեին․ Վահե Հովհաննիսյան ՊԱՏՄՈՒԹՅԱՆ ԱՅՍ ՕՐԸ (20 ԱՊՐԻԼԻ). Առաջին էլեկտրոնային մանրադիտակը, առաջին հաջողված արյան փոխներարկումը, մաքուր ռադիումի ստացումը. «Փաստ»Հաջողություն գործունեության մեջ․ ինչ է սպասում կենդանակերպի այս նշաններին Ի՞նչն է անհանգստացնում Ֆրանսիային. Ադրբեջանը ոտնձգություն է կատարում Հայաստանի տարածքային ամբողջականության դեմ. «Փաստ»Բռնցքամարտի ԵԱ-ի մրցումային հերթական օրը Հայաստանն ունի 4 ներկայացուցիչ Հրատապ. Լարված իրավիճակ Կիրանց, Բաղանիս և Ոսկեպար գյուղերում Գուտերեշը կոչ է արել Հայաստանին ու Ադրբեջանին շարունակել սահմանազատումը և լուծել բոլոր երկկողմ խնդիրները Առանձին շրջաններում սպասվում է կարճատև անձրև և ամպրոպ Ինչո՞ւ են ռուս խաղաղապահները հեռանում Լեռնային Ղարաբաղից. «Փաստ»Նյու Յորքի դատարանի դիմաց երիտասարդն ինքնահրկիզվել է (տեսանյութ) Ողջունում ենք Ալմա-Աթայի հռչակագրի շուրջ Երևանի և Բաքվի համաձայնության մասին հայտարարությունը․ Բլինկեն Արմավիրի մարզում որդին դանակահարել ու սպանել է հորը «Շատ թանկ է կորուստը, համակերպվելն՝ անհնար, պարզապես ապրում ենք, մինչև...». սերժանտ, ջոկի հրամանատար Տիգրան Գալստյանն անմահացել է հոկտեմբերի 31-ին «Մարտունի 2»-ում. «Փաստ»Երևանի դպրոցներից մեկում 14-ամյա երեխան օդաճնշիչ ատրճանակով կրակել է 15-ամյա երեխաների վրա Ի՞նչ փոխարժեք է սահմանվել այսօր Փաշինյանի իշխանության օրոք ոստիկանական մեքենայից ձերբակալվածի են բռնության ենթարկում. Ավետիք ՉալաբյանԱշխատանքային փորձի շեմը կնվազեցվի. կադաստրի կոմիտեն օրենսդրական փոփոխություններ է առաջարկում. «Փաստ»Ջուր չի լինի «Փրկենք՝ վաղվա համար» համահայկական հեռուստամարաթոն Ադրբեջանը շարունակում է իր հանցագործությունները. «Փաստ»Փաշինյանի «երկրորդ հայտնությունը» ոսկեպարցիներին ու ոչ միայն. մե՛կ՝ «վախ ծախելով», մե՛կ էլ՝ «կոնֆետի նկար». «Փաստ»«Հուսանք, որ վերջապես, թեկուզ ուշացումով, կստեղծվի վճռական դիմադրության ճակատ». «Փաստ»Շրջված ծառ, տանիքի պոկված թիթեղ, Երևանում քամին վնասներ է հասցրել Ճանապարհը փակած տավուշեցիները լուսաբացին 5-ին դադարեցրել են ակցիան. մանրամասներ Հրաշալի օր է. ապրիլի 20-ի աստղագուշակԿոռուպցիա կա, կոռուպցիա... և այնպես կա, որ նույնիսկ Արևմուտքն է բարձրաձայնում. «Փաստ»Հանդիպում ես մարդու, ով նույնպես հոգնել է խաղից… Անահիտ Սիմոնյանը նոր սիրելի՞ ունի Ինչ քպականներն ասել են, արել են տրամագծորեն հակառակը. ևս 20 օրինակ. «Փաստ»Սամվել Վարդանյանի հետ կապված պատմությունը՝ «լակմուսի թուղթ» հանրային տրամադրությունների առումով. «Փաստ»Հանձնման հերթական արարը. ոսկեպարցիներին այլ բան է ասում, իսկ իրականում այլ բան պայմանավորվում. «Փաստ»Պատրաստեք 100 դրամանոցները. մայիսի 1-ից հասարակական տրանսպորտի վարորդներն այլևս գումար չեն մանրելու. «Փաստ»Մոսկվացու սպանության համար կասկածվող ադրբեջանցուն և նրա երկու եղբայրներին տարել են Մոսկվա Տավուշում ճանապարհը փակած ակցիայի մասնակիցները պահանջում են հանդիպում մարզպետի հետ Կուրսկի շրջանում հայտարարվել է անօդաչու թռչող սարքերի հարձակումների վտանգի մասին«Դուք սովոր եք ստրուկի կարգավիճակով ապրելուն, դուք չեք սիրում երկիրը»․ հավաք՝ Ազատության հրապարակում (տեսանյութ) ՀՀ դեսպանն իր հավատարմագրերի պատճենն է հանձնել Սուրբ Աթոռի պետական քարտուղարության ընդհանուր հարցերով փոխանորդինԻ՞նչ եղանակ սպասել առաջիկա օրերին 24 ժամ ջուր չի լինելուՀՀ դեսպանն իր հավատարմագրերի պատճենն է հանձնել Սուրբ Աթոռի պետական քարտուղարության ընդհանուր հարցերով փոխանորդինԻնչ իրավիճակ է այս պահին Տավուշում (տեսանյութ) Արտակարգ իրավիճակ՝ Դավթաշենում. խմելու ջուրը 4-րդ օրն է՝ անխնա հոսում է ու ողողում թաղամասըԼարված իրավիճակ. Ոսկեպարի ու Բաղանիսի բնակիչները փակել են ճանապարհը ՔՊ դեպուտատները, իրար հերթ չտալով, շարունակում են կազմակերպված ձևով համոզել, որ թշնամուն հող հանձնելը «ձեռնտու է» Հայաստանին․ Արտակ Զաքարյան