Փորձել են բերման ենթարկել ՀԺ-ի լրագրողին, բայց ճանապարհի կես... ՀԱՍԱՐԱԿՈՒԹՅՈՒՆ
Նիկոյանը նոր մեքենա է գնել՝ «LEXUS GX 460» մակնիշի ՀԱՍԱՐԱԿՈՒԹՅՈՒՆ
Հակոբյանը խնդիր չունի՝ տարեկան 200 միլիոնի եկամուտ ունի ՀԱՍԱՐԱԿՈՒԹՅՈՒՆ
10 հազար դոլար՝ Ալիկ Սարգսյանին ՀԱՍԱՐԱԿՈՒԹՅՈՒՆ
Մուշեղ Սաղաթելյան. «Եթե դու ցանկանում ես քո հակառակորդին հաղ... ՔԱՂԱՔԱԿԱՆ
Երևան, 21.Ապրիլ,
00
:
00
:
00
Փոխարժեք
478.65
$
560.79
Երկու Արամ Մանուկյան՝ Նալբանդյան փողոցում Անհրաժեշտ քաղաքական բանաձևերն ու այլ իրականության մեջ գտնվող իշխանությունը Արամ Սարգսյան. «1996 թվականից իշխանությունները միշտ էլ սադրանքի են դիմում և հաջողության հասնում» Ամենացածրը կրթության և գիտության ոլորտի աշխատակիցների աշխատավարձերն են Գումար, հարսնացուի զգեստ, ծրագրավորման դասընթաց. ինչ են խոստանում ոստիկաններին ժողովրդի կողմն անցնելու համար Ամո Շարոյան. «Մեր ապագան մշուշոտ չի» Ուսանողությանը կառավարելի դարձնելու ծրագիրը ձախողվում է. ուսխորհուրդներն ու բումերանգի էֆեկտը Փորձել են բերման ենթարկել ՀԺ-ի լրագրողին, բայց ճանապարհի կեսից փոշմանել են Արամ Ա կաթողիկոսը Մայր Աթոռում է. նա կհանդիպի ՀՀ նախագահի և վարչապետի հետ Նիկոյանը նոր մեքենա է գնել՝ «LEXUS GX 460» մակնիշի Հակոբյանը խնդիր չունի՝ տարեկան 200 միլիոնի եկամուտ ունի Ազատ Արշակյան. «Կազմակերպիչները սպիտակներով են խաղում, իսկ իշխանությունը պատասխանողն է» 10 հազար դոլար՝ Ալիկ Սարգսյանին Մուշեղ Սաղաթելյան. «Եթե դու ցանկանում ես քո հակառակորդին հաղթել, պետք է ոչ թե ուժ կիրառես, այլ բարություն անես» Արսինե Խանջյանը Գերմանիայից ուղերձ է հղել ցուցարարներին Գյումրիում ապօրինաբար պահվող արջի քոթոթը տեղափոխվել է կենդանաբանական այգի Երևանում էին արցախցի պատանի երաժիշտները ՄԻԵԴ ուղարկված դիմումների հերթական տեղատարափն է լինելու «Պետք է ներողություն խնդրենք, որ այս ժառանգությունն ենք թողել երիտասարդներին». Անահիտ Բախշյան Քաղաքապետ Տարոն Մարգարյանը հանդիպել է ՀՀ-ում դիվանագիտական առաքելությունն ավարտող ՌԴ արտակարգ և լիազոր դեսպանի հետ

Տարել են բաժին ձեռնաշղթաները հանելու, սակայն կեսից փոշմանել են ու բերման ենթարկել

Երկու օր առաջ ոստիկանները Հյուսիսային պողոտայից բերման ենթարկեցին SOS հաղորդաշարի ռեժիսոր, «Ասպարեզ» ակումբի նախագահ Լևոն Բարսեղյանի որդուն՝ Հայկ Բարսեղյանին: Բարսեղյանը հասցրել էր կոնֆլիկտի ընթացքում ֆեյսբուքյան իր էջում ուղիղ եթերով տեսանկարահանել ոստիկանության գործողությունները: Ոստիկանները նրան բերման էին ենթարկել հասարակական վայրում սառը զենք կրելու կասկածանքով: Սակայն հետաքրքիր է, որ ի սկզբանե բաժին գնալու պատճառը լրիվ այլ է եղել: Ոստիկանները նրան տանում էին բաժին՝ ձեռնաշղթաները հանելու համար: Սակայն ամեն ինչ հերթով...

Այդ օրը Հայկն իր ընկերոջ հետ սրճարանում նստած էր, երբ պատուհանից նկատեց, որ 5-6 ոստիկան մի երիտասարդի են շրջապատել: Տպավորություն էր, թե կոնֆլիկտ կա: Հայկի դուրս գալու ու նրանց մոտենալու պատճատը՝ անցորդների անտարբերությունն էր: Ըստ նրա՝ տասնյակ մարդիկ անցնում էին, տեսնում, որ ինչ-որ բան այն չէ, բայց միևնույն է՝ անտարբեր անցնում էին առանց արձագանքելու:

Հայկը որոշեց նրանց փոխարեն անձամբ լինել երիտասարդի կողքին՝ անկախ նրանից, թե այդ պարագայում ով է մեղավորը: Պարզապես որոշեց գնալ ու նրա կողքին կանգնել, որ ոստիկանները տեսնեն անծանոթ մարդ կա ու ավելի զգաստանան:

«Գնացի, նստեցի իրենց հակառակ, աստճանի վրա՝ հասկացնելու, որ իրենց հետևող կա և, որ իրենք օրենքի տառին համապատասխան իրենց պահեն: Ոստիկանը կոպիտ կերպով հարցրեց՝ ով ես, ինչի ես եկել այստեղ: Իսկ ես հորդորեցի նախևառաջ ներկայանալ և հետո՝ ավելի հարգալից խոսել: Այնուհետև հասկանալով, որ հնարավոր է կոնֆլիկտ լինի, ֆեյսբուքով ուղիղ միացում կատարեցի: Նրանք ինձ մոտ դանակ նկատեցին ու խոսակցությունն ավելի լարվեց: Իմ ձեռքերին ձեռնաշղթաներ հագցրեցին, բավական ուժեղ փակեցին, որից հետո անցան անձնական վիրավորանքների»,- պատմեց երիտասարդը:

Ոստիկանների զայրույթի առաջին պատճառն ըստ նրա նրանց՝ իրենց կողքին հայտնվելն էր, իսկ ապա նաև՝ դանակ տեսնելը: Նա, իհարկե, բացատրեց, որ դա սառը զենք չէ, այլ՝ իր աշխատանքային գործիքը, ինչպես օրինակ՝ մյուսների համար հեռախոսը:

Անձնական վիրավորանքներից հետո, ոստիկաններից մեկն իրեն կողքի է քաշել, խնդրել ջնջել տեսանյութը ու ներողություն խնդրել: Եվ սրան, ինչպես Հայկն է ասում՝ հետևեց ամենածիծաղելին. ոստիկանները Հյուսիսային պողոտայում 30-40 րոպե շարունակ փորձում էին ձեռնաշղթաները հանել, սակայն ապարդյուն: Ի վերջո ոստիկանները առաջարկեցին գնալ բաժին ու այնտեղ հատուկ գործիքով կտրել:

Հայկը համաձայնվեց, բայց ճանապարհին հարցեց՝ ի վերջո ինքը բերման է ենթարկվում, թե գնում են ձեռնաշղթաները հանելու: Ինչին ի պատասխան իրեն ասացին, որ նա բերման է ենթարկվում սառը զենք կրելու կասկածանքով:

«Ես էլ ասացի, որ այդ դեպքում դուք պատասխան եք տալու օրենքի առաջ: Թե՛ ճանապարհին և թե՛ բաժնում ինձ նորմալ են վերաբերվել: Ես հրաժարվել եմ դանակ տալ, խուզարկությամբ խլել են, վերցրել են փորձաքննության՝ խոստանալով 10 օրվա ընթացքում հետ վերադարձնել: Հիմա մնաց 8 օր: Ես համբերատար կսպասեմ իմ դանակին: Երբ եկավ, անպայման կհրապարակեմ ու կոչ կանեմ, որ ամբողջ հայ ժողովուրդը իր մոտ կրի դանակ, ոչ թե ինքնապաշտպանության, այլ՝ առօրյա օգտագործման համար ու իր օրվա կարիքները հոգալու համար»,- պատմեց նա:

Հայկի խոսքով՝ սառը զենքը բավական հազվագյուտ առարկա է և ամեն տեղ հնարավոր չէ գտնել: Ասում է՝ հիմա եթե դուք սովորական խոհանոցի դանակը տանեք սրելու, ձեզ դրա համար պե՞տք է բռնեն: Ըստ նրա՝ գոյություն ունեն տարբեր ստանդարտներ, որոնք հստակեցնում են, թե ինչ է սառը զենքը, և այդ հստակեցումը ունի 10-14 պարամետր՝ սկսած հաստությունից, երկարությունից, շեղբի խտությունից և այլն: Եթե այդ պարամետրերից որևէ մեկը չի համապատասխանում ստանդարտին, առարկան չի կարող կոչվել սառը զենք:

«Իմ դանակի շեղբը 85 մմ է, իսկ գոստի մեջ գրված է, որ 90 մմ-ից կարճ ցանկացած առարկա չի կարող համարվել սառը զենք»,- նկատեց նա:

Դիտարկմանը, թե իրեն բերման ենթարկելու հետ կապված, ինչ-որ բողոք պատրաստվում է ներկայացնել, երիտասարդը պատասխանեց ոչ՝ հավելելով, թե ոստիկանները գիտակցել են իրենց սխալը, ներողություն խնդրել, և նա անիմաստ է գտնում նրանց վնաս տալը: Համոզված է, որ նրանք նկատողություն կստանան: «Ամենակարևորը՝ երիտասարդը գնաց: Իմ պահանջն է՝ օրենքի սահմաններում գործեն, քաղաքացուն հարգեն, մարդավարի խոսեն: Արածիս համար չեմ փոշմանել: Ես բարկանում եմ այն բոլոր մարդկանց վրա, ովքեր և՛ ինձ ձեռնաշղթաներով, և՛ ոստիկանների անհարգալից վարքը իմ ու այդ տղայի նկատմամբ տեսնելով, անտարբեր անցնում էին:

Ուզում եմ հասարակությունը հասկանա, որ չի կարելի անտարբեր լինել, որովհետև վաղը, մյուս օրը իրենց տուն կմտնեն մի հիմար հարցով, իրենց գլխին կսարքեն: Իսկ իրենց աչքի առաջ, Հյուսիսային պողոտայով որքա՞ն մարդ է անցում, ոչ ոք չի ցանկանում միջամտել, ասել ոստիկանին՝ կոռեկտ պահիր քեզ, էս ի՞նչ ես անում»:

 

ՔՐԻՍՏԻՆԱ ՏԵՐ- ՄԱԹԵՎՈՍՅԱՆ
past.am

website by Sargssyan