Երիտասարդ պաշտոնյան մոտ 17 միլիոն դրամ է փոխառություն հանձնել
ՀԱՍԱՐԱԿՈՒԹՅՈՒՆՀՀ կառավարության աշխատակազմի անձնակազմի կառավարման վարչության պետ Նարե Դանիելյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ 2017 թ տարեկան հայտարարագիրը:
Դանիելյանը նախորդ տարի ունեցել է հանձնած փոխառություններ և՛ դրամի և՛ դոլարի տեսքով: Այսպես, նա հայտարարագրել է 4 հազար 500 ամերիկյան դոլար ու 14 միլիոն 303 հազար դրամ փոխառություններ:
Տարեկան եկամուտները տարավերջին կազմել են 23 հազար 500 եվրո ու 1 միլիոն 225 հազար դրամ, իսկ եկամուտները՝ 18 միլիոն 318 հազար դրամ ու ստացվել 11 միլիոն 629 հազար դրամ ստացված փոխառություններից՝ վարկերից, ու 6 միլիոն 688 հազար դրամ աշխատավարձից:
30-ամյա Նարե Դանիելյանի կենսագրությունից տեղեկանում ենք, որ նա ուսումն ավարտելուն պես արդեն իսկ զբաղեցրել է կարևոր պաշտոններ՝ 2009-2014 թթ եղել է Ազգային ժողովի նախագահի ռեֆերենտ, այնուհետև մեկ տարի՝ 2014-2015 թթ, վարչապետի օգնական, իսկ 2015 թ ապրիլից՝ կառավարության աշխատակազմի անձնակազմի կառավարման վարչության պետ:
ՔՐԻՍՏԻՆԱ ՏԵՐ-ՄԱԹԵՎՈՍՅԱՆ
past.am