Մուշեղ Սաղաթելյան. «Եթե դու ցանկանում ես քո հակառակորդին հաղ... ՔԱՂԱՔԱԿԱՆ
Գալուստ Սահակյանի կինը 23 միլիոն դրամ շահաբաժին է հայտարարագրել ՀԱՍԱՐԱԿՈՒԹՅՈՒՆ
Գավառում հողմակայան կկառուցվի ՀԱՍԱՐԱԿՈՒԹՅՈՒՆ
Կարեն Կարապետյանի հայտարարագրած ունեցվածքը ՀԱՍԱՐԱԿՈՒԹՅՈՒՆ
Կարկտաբեր ամպերը մշակող, կարկուտն անձրև դարձնող համակարգ է ն... ՏՆՏԵՍՈՒԹՅՈՒՆ
Երևան, 20.Ապրիլ,
00
:
00
:
00
Փոխարժեք
478.65
$
560.79
Մուշեղ Սաղաթելյան. «Եթե դու ցանկանում ես քո հակառակորդին հաղթել, պետք է ոչ թե ուժ կիրառես, այլ բարություն անես» Արսինե Խանջյանը Գերմանիայից ուղերձ է հղել ցուցարարներին Գյումրիում ապօրինաբար պահվող արջի քոթոթը տեղափոխվել է կենդանաբանական այգի Երևանում էին արցախցի պատանի երաժիշտները ՄԻԵԴ ուղարկված դիմումների հերթական տեղատարափն է լինելու «Պետք է ներողություն խնդրենք, որ այս ժառանգությունն ենք թողել երիտասարդներին». Անահիտ Բախշյան Քաղաքապետ Տարոն Մարգարյանը հանդիպել է ՀՀ-ում դիվանագիտական առաքելությունն ավարտող ՌԴ արտակարգ և լիազոր դեսպանի հետ Կարապետ Ռուբինյանը` ոստիկանության սադրանքների և Նիկոլ Փաշինյանի քայլերի մասին Ստրասբուրգում տեղի է ունեցել Եվրանեսթ խորհրդարանական վեհաժողովի բյուրոյի նիստը Հանրահավաք. օր 7-րդ Յուրաքանչյուր հինգշաբթի մայրաքաղաքի վարչական շրջաններում կազմակերպվում են բնակիչների ընդունելություններ Իսպանիայի հայկական համայնքի ներկայացուցիչները որևէ դրոշ չեն կարել և ցուցարարաներին չեն ուղարկել. Մայիլյան «Ազգը հանրային գիտակցության լրջագույն փուլի մեջ է» Ապրիլի 19-ին անցկացվող հավաքի և երթի մասին իրազեկում չի ներկայացվել Փոփոխություններ «Դեղերի մասին» օրենքում. առաքման, դեղապահովման հարցեր ԵԱՀԿ-ում քննվում է Ադրբեջանում նախագահական ընտրությունների հարցը Ի՞նչ ծախսերից կազատվեն նախկին ոստիկանները Դատական նիստը կրկին հետաձգվեց. Ամբաստանյալ Մարինա Պողոսյանը չէր ներկայացել Դատական նիստը կրկին հետաձգվեց. Ամբաստանյալ Մարինա Պողոսյանը չէր ներկայացել Գալուստ Սահակյանի կինը 23 միլիոն դրամ շահաբաժին է հայտարարագրել

«Սևցուցակային» քաղաքականության շարունակությունը կամ վհատության դրսևորում՝ Ադրբեջանից

Ադրբեջանի գլխավոր դատախազությունը քրեական գործ է հարուցել հայաստանյան մի շարք ընկերությունների դեմ՝ Լեռնային Ղարաբաղի տարածքում և հարակից շրջաններում գտնվող ոսկու և մի շարք այլ թանկարժեք մետաղներ պարունակող հանքերը անօրինականորեն շահագործելու մեղադրանքով: «Թուրան» գործակալության տեղեկություններով՝ թիրախում են հայտնվել Vallex Group, Base Metal, ACP և այլ ընկերություններ, ինչպես նաև մի շարք ֆիզիկական անձինք: Քրգործը հարուցվել է երկու հոդվածներով՝ անօրինական ձեռնարկատիրական գործունեության ծավալում և Ադրբեջանի սահմանի անօրինական հատում:

«Ադրբեջանի նպատակը տնտեսության ոլորտում ահաբեկչական քաղաքականություն վարելն է Արցախի նկատմամբ: Իհարկե, Ադրբեջանը կարող է հազար հայց ներկայացնել, բայց դա մեզ որևէ ձևով չի անհանգստացնում: Մենք այդ հայցերից ոչ վախենում ենք, ոչ էլ մեզ վրա ազդեցություն է թողնում: Ադրբեջանի էությունը սա է: «Ոչինչ», որ ամբողջ Բաքուն հայերն են կառուցել, Մանթաշովը, Մայիլովը և այլ խոշոր գործարարներ ու բարերարներ, իսկ իրենք այդ ամենին ապօրինի են տիրացել: «Ոչինչ», որ կառուցելուց հետո նույն Սումգաիթում և մնացած բոլոր քաղաքաներում հայերն են ցեղասպանություն տեսել»,-անդրադառնալով վերոնշյալին, Past.am-ի հետ զրույցում ասաց Արցախի նախագահի խոսնակ Դավիթ Բաբայանը:

Ադրբեջանագետ Տաթև Հայրապետյանի խոսքով էլ՝ այս քայլը իրականում Ադրբեջանի վարած «սևցուցակային» քաղաքականության շարունակությունն է:

 

«Եթե մինչ այս սև ցուցակներում մարդիկ էին գրավում, այժմ Ադրբեջանը փորձում է ավելի հեռուն գնալ՝ ներգրավելով նաև ընկերություններին: Մասնավորապես՝ թիրախավորել է հանքարդյունաբերական ընկերություններին և իր քարոզչամեքենայի շրջանակներում փորձում է օգտագործել նաև էկոլոգիական խնդիրների հանգամանքը: Բայց այստեղ գլխավոր խնդիրը Ղարաբաղը հնարավորինս իզոլացնելն է թե՛ մարդկանց, թե՛ տարբեր ընկերությունների, և թե՛ հնարավոր ներդումների առումով: Ալիևը մշտապես հայտարարում է այդ քաղաքականության՝ Հայաստանի և Ղարաբաղի հնարավոր մեկուսացման մասին: Այն, որ Ադրբեջանը հանդգնում է Ինտերպոլով գործ հարուցել Եվրոպական խորհրդարանի պատգամավորների դեմ, արդեն ցույց է տալիս, թե Ադրբեջանը որքան հեռու կարող է գնալ իր մեկուսացման քաղաքականությամբ: Վերոնշյալը այս քաղաքականության շարունակությունն է՝ թիրախավորել է ոչ միայն ընկերություններին, այլև այդ ընկերություններում ներգրավված օտարերկրյա քաղաքացիներին»,-ասում է ադրբեջանագետը:

 

Դավիթ Բաբայանն էլ նկատեց՝ այսպիսի քաղաքակաքանությամբ ցույց են տալիս իրենց իրական դեմքը. «Թեպետ մենք վաղուց գիտենք Ադրբեջանի իրական դեմքը, բայց սա Ադրբեջանի կողմից նաև վհատության մի ձև է: Ադրբեջանի իշխանություններին, սակայն, պետք է ասենք, որ մենք շարունակելու ենք մեր տնտեսության զարգացումը՝ անկախ իրենց նման աննորմալ քայլերից»:

 

Խոսնակի դիտարկմամբ, բնական է, որ Ադրբեջանը փորձում է քաղաքականացնել Արցախի սուվերենության հարցը. «Բայց եթե փորձում է քաղաքականացնել սուվերենության հարցը, այդ դեպքում թող Բաքվից չվերթներ չիրականցնի թուրքական Կիպրոս: Այսինքն՝ սրանք կրկնակի չափանիշներն են, ավելի շուտ՝ խտրականության ու ֆաշիզմի դրսևորում է: Ավելի լավ է առերեսվեն իրականության հետ ու պարզապես նման հիվանդագին մոտեցում չցուցաբերեն, սկսեն նորմալ հարևանություն անել, ինչն իրենց համար էլ է լավ»:

 

Ինչ վերաբերում է հայկական կողմի անելիքներին, Տաթև Հայրապետյանը նշեց, որ որոշակի անելիքներ, ամեն դեպքում, կան:

 

«Միգուցե արդեն աշխատանքներ են տարվում, դեռ հայտարարությունը նոր է, տեղյակ չեմ, բայց հնարավորության դաշտ կա աշխատելու: Այսինքն՝ իրավական մեխանիզմների ուսումնասիրությամբ հասկանալ, թե որքանո՞վ է Ադրբեջանն իրավասու նման պահանջներ առաջ քաշել, ի՞նչ շրջանակներում են դրանք իրագործվում: Շատ հաճախ մենք որպես զավեշտ ենք ընդունում Ադրբեջանի քայլերը և հումորով վերաբերվում, օրինակ՝ նույն «սև ցուցակների» պարագայում: Բայց համապատասխան մարմիններում պետք է շատ ավելի խիստ ու կոշտ քայլեր լինեն, որովհետև Ադրբեջանն, ամեն դեպքում, ինչ-ինչ մեխանիզմներ է փորձում: Ասել, որ նրանք ընդհանրապես չեն աշխատում, փոքր ինչ միամտություն կլինի, որովհետև ինչ-ինչ հարթակներում Ադրբեջանի այդ «սև ցուցակները» գործում են: Եվ հատկապես՝ դիվանագիտական կորպուսներում»,-ասաց նա՝ հավելելով, որ շատերը մտավախություն են ունենում Արցախ այցելելու պարագայում:

 

«Բայց նույն ԵԱՀԿ Մինսկի խմբի ներկայացուցիչներն այցելում են, իրենց հայտարարություններում էլ Ստեփանակերտը չի նշվում որպես Ադրբեջանի մաս: Այսինքն՝ պետք է ցույց տալ Ադրբեջանի վարած քաղաքականության անհեթեթությունը»,-եզրափակեց Տաթև Հայրապետյանը:

 

Աննա Բադալյան

 

website by Sargssyan