Փորձել են բերման ենթարկել ՀԺ-ի լրագրողին, բայց ճանապարհի կես... ՀԱՍԱՐԱԿՈՒԹՅՈՒՆ
Նիկոյանը նոր մեքենա է գնել՝ «LEXUS GX 460» մակնիշի ՀԱՍԱՐԱԿՈՒԹՅՈՒՆ
Հակոբյանը խնդիր չունի՝ տարեկան 200 միլիոնի եկամուտ ունի ՀԱՍԱՐԱԿՈՒԹՅՈՒՆ
10 հազար դոլար՝ Ալիկ Սարգսյանին ՀԱՍԱՐԱԿՈՒԹՅՈՒՆ
Մուշեղ Սաղաթելյան. «Եթե դու ցանկանում ես քո հակառակորդին հաղ... ՔԱՂԱՔԱԿԱՆ
Երևան, 20.Ապրիլ,
00
:
00
:
00
Փոխարժեք
478.65
$
560.79
Գումար, հարսնացուի զգեստ, ծրագրավորման դասընթաց. ինչ են խոստանում ոստիկաններին ժողովրդի կողմն անցնելու համար Ամո Շարոյան. «Մեր ապագան մշուշոտ չի» Ուսանողությանը կառավարելի դարձնելու ծրագիրը ձախողվում է. ուսխորհուրդներն ու բումերանգի էֆեկտը Փորձել են բերման ենթարկել ՀԺ-ի լրագրողին, բայց ճանապարհի կեսից փոշմանել են Արամ Ա կաթողիկոսը Մայր Աթոռում է. նա կհանդիպի ՀՀ նախագահի և վարչապետի հետ Նիկոյանը նոր մեքենա է գնել՝ «LEXUS GX 460» մակնիշի Հակոբյանը խնդիր չունի՝ տարեկան 200 միլիոնի եկամուտ ունի Ազատ Արշակյան. «Կազմակերպիչները սպիտակներով են խաղում, իսկ իշխանությունը պատասխանողն է» 10 հազար դոլար՝ Ալիկ Սարգսյանին Մուշեղ Սաղաթելյան. «Եթե դու ցանկանում ես քո հակառակորդին հաղթել, պետք է ոչ թե ուժ կիրառես, այլ բարություն անես» Արսինե Խանջյանը Գերմանիայից ուղերձ է հղել ցուցարարներին Գյումրիում ապօրինաբար պահվող արջի քոթոթը տեղափոխվել է կենդանաբանական այգի Երևանում էին արցախցի պատանի երաժիշտները ՄԻԵԴ ուղարկված դիմումների հերթական տեղատարափն է լինելու «Պետք է ներողություն խնդրենք, որ այս ժառանգությունն ենք թողել երիտասարդներին». Անահիտ Բախշյան Քաղաքապետ Տարոն Մարգարյանը հանդիպել է ՀՀ-ում դիվանագիտական առաքելությունն ավարտող ՌԴ արտակարգ և լիազոր դեսպանի հետ Կարապետ Ռուբինյանը` ոստիկանության սադրանքների և Նիկոլ Փաշինյանի քայլերի մասին Ստրասբուրգում տեղի է ունեցել Եվրանեսթ խորհրդարանական վեհաժողովի բյուրոյի նիստը Հանրահավաք. օր 7-րդ Յուրաքանչյուր հինգշաբթի մայրաքաղաքի վարչական շրջաններում կազմակերպվում են բնակիչների ընդունելություններ

Կարեն Սիրունյան. «Թուրքիայում հայկական կողմը պետք է զերծ մնա հրապարակում հայտնվելու վտանգից»

Թուրքագետ Կարեն Սիրունյանը ստամբուլահայ համայնքի կողմից Պոլսո Հայոց պատրիարքական փոխանորդի պաշտոնից չհեռացած Արամ արքեպիսկոպոս Աթեշյանի դեմ հայկական եկեղեցիներում իրականացվող բողոքի դրսևորումները փողոց տեղափոխելը անցանկալի է համարում, քանի որ իրականում Թուրքիան կանգնած է հերթական ռազմական հեղաշրջման ճանապարհին:

«Թուրքիայում ապստամբություններ իրականացնելը սովորական երևույթ է: Ամեն օր Թուրքիայում նոր պայթյուն է տեղի ունենում, ինչը Աֆրինի դեպքերի պատասխանն է: Եվ չի բացառվում, որ թուրքական իշխանությունները հայերի, քրդերի և այլ հարցերի շուրջ փորձի ներքին խժդժություններ առաջացնել, հասարակության ուշադրությունը ներքին խնդիրներից շեղելու նպատակով: Ամեն դեպքում հայերը պետք է չեզոքություն պահպանեն, առանց ներքին հարցերի վերաբերյալ վերաբերմունք դրսևորելու»,- ասաց Կ. Սիրունյանը:

Թուրքագետի կարծիքով Հայոց պատրիարքական փոխանորդի պաշտոնում պետք է այնպիսի թեկնածու ընտրվի, որը կընդունվի թե՛ հայոց, թե՛ միջազգային հանրության կողմից: Դա ձեռնտու  կլինի նաև թուրքական իշխանություններին, քանի որ հայկական համայնքի ներքին կոնֆլիկտներից սկսած մինչև քրդական և այլ գործոններ կարող են գերտերությունների կողմից օգտագործվել թուրքական կառավարությունը տապալելու համար:
«Միջազգային ճնշման տակ կարող է ցանկացած կայծ օգտագործվել Թուրքիայի ներսում հրդեհ բռնկելու համար, որը թուրքական ներկա իշխանություններին ձեռնտու չէ: Դժվար է հասկանալ, թե Էրդողանն ինչ է մտածում, բայց չի բացառվում նաև, որ թուրքական իշխանությունները հայկական խնդիրն օգտագործելով, կամ ինչպես ժողովուրդն է ասում՝ «բզբզալով», փորձում է հիմք ստեղծել, որպեսզի վաղը-մյուս օրը օգտվի առիթից և հարձակվի հայաբնակ Կամիշլիի վրա»,- ասաց Կ. Սիրունյանը:
Ըստ թուրքագետի, Աթեշյանի հանդեպ անհանդուրժողական վերաբերմունքի դրսևորումներին Հայաստանի նախագահի, կամ Կաթողիկոսի ցանկացած միջամտություն կամ հայտարարություն կարող է թուրքական իշխանությունների կողմից դիտվել որպես միջամտություն երկրի ներքին խնդիրներին, ուստի լավ կլինի, որ երրորդ երկրների միջոցով իրականացվի նման քայլերը և այս հարցում բավականին զգուշավորություն դրսևորվի:
«Պետք է հայկական պետական և կրոնական իշխանությունները հայ համայնքին փորձեն զերծ պահեն այս ամենից, որպեսզի ներքին հարցերը որպես «խայծ» հնարավոր չլինի օգտագործել մեր իսկ դեմ, և պետք է ոչ թե հանդես գան անմիջական հայտարարությունների ձևով, այլ վարեն՝ «կուժ քեզ եմ ասում, կուլա դու հասկացի» քաղաքականություն: Մեր ներքին խնդիրը փողոց հանելը ձեռնտու չէ մեր տեսանկյունից, քանի որ ցանկացած մանր հարցից մեծ հարցեր կարող են ծագել և եթե ոչ այսօր, ապա վաղը այդ երկրում հեղափոխություն է լինելու: Եվ այս ֆոնին հայերը պետք է վարեն այնպիսի քաղաքականություն, որպեսզի չհայտնվեն հրապարակում»,- ասաց Կ. Սիրունյանը:
Հիշեցնենք, որ այս օրերին Ստամբուլի հայաշատ Քուրթուլուշ և Ֆերիքյոյ թաղամասերի բանուկ փողոցներում փակցվել են Աթեշյանի նկարով թռուցիկներ, որոնց վրա նա պատկերված է սև փակված աչքերով: Հայտնի է դարձել նաև, որ ոստիկանությունն արդեն ուսումնասիրություն է սկսել՝ պարզելու թռուցիկները փակցնողների ինքնությունը:
Նշենք նաև, որ Ստամբուլի նահանգապետարանը փետրվարի 5-ին, Պոլսո Հայոց պատրիարքի ընտրության վերաբերյալ հայկական կողմի ուղարկած դիմումին ի պատասխան, բավականին ուշացումով հայտնել էր, որ չի ճանաչում Գարեգին արքեպիսկոպոս Բեքչյանի թեկնածությունը, որպես պատրիարքական տեղապահ: Նամակում նշված է եղել, որ Պոլսո Հայոց պատրիարք Մեսրոպ Մութաֆյանը դեռևս ողջ է և հետևաբար չկան անհրաժեշտ նախապայմաններ պատրիարքի ընտրության համար:  

Արմինե Գրիգորյան

website by Sargssyan