Փորձել են բերման ենթարկել ՀԺ-ի լրագրողին, բայց ճանապարհի կես... ՀԱՍԱՐԱԿՈՒԹՅՈՒՆ
Նիկոյանը նոր մեքենա է գնել՝ «LEXUS GX 460» մակնիշի ՀԱՍԱՐԱԿՈՒԹՅՈՒՆ
Հակոբյանը խնդիր չունի՝ տարեկան 200 միլիոնի եկամուտ ունի ՀԱՍԱՐԱԿՈՒԹՅՈՒՆ
10 հազար դոլար՝ Ալիկ Սարգսյանին ՀԱՍԱՐԱԿՈՒԹՅՈՒՆ
Մուշեղ Սաղաթելյան. «Եթե դու ցանկանում ես քո հակառակորդին հաղ... ՔԱՂԱՔԱԿԱՆ
Երևան, 20.Ապրիլ,
00
:
00
:
00
Փոխարժեք
478.65
$
560.79
Գումար, հարսնացուի զգեստ, ծրագրավորման դասընթաց. ինչ են խոստանում ոստիկաններին ժողովրդի կողմն անցնելու համար Ամո Շարոյան. «Մեր ապագան մշուշոտ չի» Ուսանողությանը կառավարելի դարձնելու ծրագիրը ձախողվում է. ուսխորհուրդներն ու բումերանգի էֆեկտը Փորձել են բերման ենթարկել ՀԺ-ի լրագրողին, բայց ճանապարհի կեսից փոշմանել են Արամ Ա կաթողիկոսը Մայր Աթոռում է. նա կհանդիպի ՀՀ նախագահի և վարչապետի հետ Նիկոյանը նոր մեքենա է գնել՝ «LEXUS GX 460» մակնիշի Հակոբյանը խնդիր չունի՝ տարեկան 200 միլիոնի եկամուտ ունի Ազատ Արշակյան. «Կազմակերպիչները սպիտակներով են խաղում, իսկ իշխանությունը պատասխանողն է» 10 հազար դոլար՝ Ալիկ Սարգսյանին Մուշեղ Սաղաթելյան. «Եթե դու ցանկանում ես քո հակառակորդին հաղթել, պետք է ոչ թե ուժ կիրառես, այլ բարություն անես» Արսինե Խանջյանը Գերմանիայից ուղերձ է հղել ցուցարարներին Գյումրիում ապօրինաբար պահվող արջի քոթոթը տեղափոխվել է կենդանաբանական այգի Երևանում էին արցախցի պատանի երաժիշտները ՄԻԵԴ ուղարկված դիմումների հերթական տեղատարափն է լինելու «Պետք է ներողություն խնդրենք, որ այս ժառանգությունն ենք թողել երիտասարդներին». Անահիտ Բախշյան Քաղաքապետ Տարոն Մարգարյանը հանդիպել է ՀՀ-ում դիվանագիտական առաքելությունն ավարտող ՌԴ արտակարգ և լիազոր դեսպանի հետ Կարապետ Ռուբինյանը` ոստիկանության սադրանքների և Նիկոլ Փաշինյանի քայլերի մասին Ստրասբուրգում տեղի է ունեցել Եվրանեսթ խորհրդարանական վեհաժողովի բյուրոյի նիստը Հանրահավաք. օր 7-րդ Յուրաքանչյուր հինգշաբթի մայրաքաղաքի վարչական շրջաններում կազմակերպվում են բնակիչների ընդունելություններ

Լևոն Շիրինյան. «Ժողովուրդը միայն հուսալքված չէ, ժողովուրդը վստահություն չունի»

Ապրիլի 17–ին հաշված օրեր են մնացել: Այդ օրը խորհրդարանը վարչապետ կընտրի: Ապրիլի 9–ին կավարտվի Սերժ Սարգսյանի պաշտոնավարման ժամկետը: Այդ օրը, երբ նորընտիր նախագահ Արմեն Սարգսյանը կստանձնի լիազորությունները, հրաժարական կտա նաև կառավարությունը՝ վարչապետի գլխավորությամբ:

Վարչապետի պաշտոնի շուրջ մինչ այս առկա կանխատեսումների, հավանականությունների շղթան ապրիլի 17–ին ընդառաջ ևս իր հանգուցալուծմանն է մոտենում: Զուգահեռ, սակայն, ստեղծվել են նախաձեռնություններ, որոնք պայքարում են Սերժ Սարգսյանի վարչապետության դեմ:

Քաղաքագետ Լևոն Շիրինյանը, գնահատելով քաղաքական իրավիճակը, կարծում է, որ գործընթացները հանգիստ հունով կընթանան: «Դժվարանում եմ ասել, թե հետագան ինչպիսին կլինի, բայց, հաշվի առնելով ներկայիս իրավիճակը, արտառոց ոչինչ չկա: Իշխող կոալիցիան իր պնդումներն է առաջ տանում, ընդդիմադիրներն էլ՝ իրենցը»:
Ինչ վերաբերում է նախաձեռնություններին, ընդդիմության միասնականության խնդրին, քաղաքագետը նախ նկատում է. «Հայաստանում առհասարակ դիսկուրս է սկսվում՝ «ընդդիմությունը միացած չէ, միացած է»: Ընդդիմություն ասվածն այս պարագայում սխալ տերմին է: Ամեն մեկն իր ճանապարհով է գնում: Յուրաքանչյուրը հայտարարում է, որ այն, ինչ լինելու է, լինելու է Սահմանադրության շրջանակներում: Սա, իհարկե, նորմալ է, բայց ես անձամբ մեծ տեղաշարժեր չեմ տեսնում: Իր ուզածով հարց լուծելու համար անգամ ընդդիմության արմատական թևին ժողովրդի կրիտիկական զանգվածն է պետք:
Միտինգները հիմա այդ քանակն ունե՞ն: Հավանաբար՝ չունեն, թեև ժամանակ կա՝ կարող է ձնագնդի էֆեկտ ստանալ»,– «Փաստ»–ի հետ զրույցում ասաց քաղաքագետը:

Իսկ թե ինչ է պետք ժողովրդին փողոց դուրս բերելու համար, Լևոն Շիրինյանը նշում է. «Նախ՝ ժողովրդի տրամադրվածություն՝ փոփոխության հանդեպ: Երկրորդ հանգամանքը կախված է ընդդիմության լիդերների գործունեության հետ: Այսինքն՝ նրանց նկատմամբ վստահություն, նրանց կողմից համապատասխան մարտավարություն և այլն: Բայց առաջիկայի հարց է՝ միգուցե մտքներին ինչ–որ բան կա և չեն հայտարարում, թեև ես առայժմ ոչինչ չեմ տեսնում: Իսկ ժողովուրդը միայն հուսալքված չէ, ժողովուրդը վստահություն չունի: ժողովուրդն իշխանությունից օտարված է, իսկ ընդդիմության նկատմամբ էլ վստահություն չունի: Կա նաև ահռելի հուսալքություն, ինչն ամենավատ բանն է: Այդ հանգամանքը թուլացնում է ինչպես իշխանության, այնպես էլ ընդդիմության լեգիտիմությունը: Ժողովրդի նման տրամադրվածությունը տասնյակ տարիների կուտակման հետևանք է. եթե գիտակցության փոփոխություն չլինի, այս վիճակը չի հաղթահարվելու: Ժողովուրդը պետք է հենց ինքն իրենով զբաղվի և փորձի իրեն առողջացնել: Նա պետք է նորից մտածի, որ իր համար կարևորը լավ պետականություն ստեղծելն է, բայց այդ առումով առայժմ նշաններ չկան: Միգուցե կա այդ տրամադրվածությունը, ուղղակի չի դրսևորվում»:

Նշենք, որ «Քաղաքացիական պայմանագիր» կուսակցությունը որոշեց առանձին գործել: Նախաձեռնեց «Իմ քայլը» արշավը՝ ընդդեմ Սերժ Սարգսյանի իշխանավարման 3–րդ ժամկետի: «Ելք»–ը հանրային պայքարի ծրագրի շուրջ համաձայնության չեկավ և խմբակցության պատգամավոր, «Լուսավոր Հայաստան» կուսակցության նախագահ Էդմոն Մարուքյանը հայտարարեց, որ Ս. Սարգսյանին մարտահրավեր կարող են նետել խորհրդարանում:

Լևոն Շիրինյանը շեշտեց՝ Ս. Սարգսյանին խորհրդարանում մարտահրավեր չեն կարող ներկայացնել. «Խորհրդարանում հարցերը քվեարկությամբ են լուծում: Նրանք այնքան մեծ թիվ ունեն, որ մնացածները ոչ մի հարց չեն կարող լուծել: Ի՞նչ մարտահրավերի մասին է խոսքը: Նրանք մարտահրավեր չեն կարող ներկայացնել, չեն ներկայացնի, բայց կխոսեն այդ մասին: Ինչ ասես՝ ժողովրդին խոստանում էին, ասում էին՝ ելք կա, բայց հիմա ուրիշ երգ են երգում: Եթե այդ լոզունգներով էին առաջ շարժվում, հիմա պարտավոր էին փողոց դուրս գալ և ժողովրդին գլխավորել, թե՞ «տեղավորվեցին»՝ վերջացավ: Դրա համար ես այդ կուսակցությանը ո՛չ ընդդիմություն և ո՛չ էլ ուժ եմ համարում: Հարյուր հոգով որպես կուսակցություն են գրանցվում, հետո էլ ասում, թե այս մի բանը չենք անում: Բայց չէ որ ժողովրդին այլ կերպ էին ներկայացել: Նիկոլ Փաշինյանից հետո «Հանրապետություն» կուսակցության նախագահ Արամ Սարգսյանն էր ամենաբարձրը գոռում, որ ելք կա: Նիկոլ Փաշինյանը հիմա փողոցում է, փորձում է ինչ–որ բան անել, իսկ իրենք ասում են, որ այդ ճանապարհն իրենցը չէ, բայց չէ որ ժողովրդից քվե են ստացել: Դրա համար պետք է հստակեցնել՝ որն է ուժը, որը ուժ չէ: Ո՞վ է իրենց թիկունքում, ժողովո՞ւրդը կա՝ դժվարանում եմ ասել»:

 

Աննա Բադալյան

website by Sargssyan