Փորձել են բերման ենթարկել ՀԺ-ի լրագրողին, բայց ճանապարհի կես... ՀԱՍԱՐԱԿՈՒԹՅՈՒՆ
Նիկոյանը նոր մեքենա է գնել՝ «LEXUS GX 460» մակնիշի ՀԱՍԱՐԱԿՈՒԹՅՈՒՆ
Հակոբյանը խնդիր չունի՝ տարեկան 200 միլիոնի եկամուտ ունի ՀԱՍԱՐԱԿՈՒԹՅՈՒՆ
10 հազար դոլար՝ Ալիկ Սարգսյանին ՀԱՍԱՐԱԿՈՒԹՅՈՒՆ
Մուշեղ Սաղաթելյան. «Եթե դու ցանկանում ես քո հակառակորդին հաղ... ՔԱՂԱՔԱԿԱՆ
Երևան, 21.Ապրիլ,
00
:
00
:
00
Փոխարժեք
478.65
$
560.79
Երկու Արամ Մանուկյան՝ Նալբանդյան փողոցում Անհրաժեշտ քաղաքական բանաձևերն ու այլ իրականության մեջ գտնվող իշխանությունը Արամ Սարգսյան. «1996 թվականից իշխանությունները միշտ էլ սադրանքի են դիմում և հաջողության հասնում» Ամենացածրը կրթության և գիտության ոլորտի աշխատակիցների աշխատավարձերն են Գումար, հարսնացուի զգեստ, ծրագրավորման դասընթաց. ինչ են խոստանում ոստիկաններին ժողովրդի կողմն անցնելու համար Ամո Շարոյան. «Մեր ապագան մշուշոտ չի» Ուսանողությանը կառավարելի դարձնելու ծրագիրը ձախողվում է. ուսխորհուրդներն ու բումերանգի էֆեկտը Փորձել են բերման ենթարկել ՀԺ-ի լրագրողին, բայց ճանապարհի կեսից փոշմանել են Արամ Ա կաթողիկոսը Մայր Աթոռում է. նա կհանդիպի ՀՀ նախագահի և վարչապետի հետ Նիկոյանը նոր մեքենա է գնել՝ «LEXUS GX 460» մակնիշի Հակոբյանը խնդիր չունի՝ տարեկան 200 միլիոնի եկամուտ ունի Ազատ Արշակյան. «Կազմակերպիչները սպիտակներով են խաղում, իսկ իշխանությունը պատասխանողն է» 10 հազար դոլար՝ Ալիկ Սարգսյանին Մուշեղ Սաղաթելյան. «Եթե դու ցանկանում ես քո հակառակորդին հաղթել, պետք է ոչ թե ուժ կիրառես, այլ բարություն անես» Արսինե Խանջյանը Գերմանիայից ուղերձ է հղել ցուցարարներին Գյումրիում ապօրինաբար պահվող արջի քոթոթը տեղափոխվել է կենդանաբանական այգի Երևանում էին արցախցի պատանի երաժիշտները ՄԻԵԴ ուղարկված դիմումների հերթական տեղատարափն է լինելու «Պետք է ներողություն խնդրենք, որ այս ժառանգությունն ենք թողել երիտասարդներին». Անահիտ Բախշյան Քաղաքապետ Տարոն Մարգարյանը հանդիպել է ՀՀ-ում դիվանագիտական առաքելությունն ավարտող ՌԴ արտակարգ և լիազոր դեսպանի հետ

Վիգեն Հակոբյան. «Եթե ինչ-որ մեկը շատ կտրուկ և իմիջային մեծ կորուստ է ունեցել, նախևառաջ՝ ՀՀԿ-ն է»

Վարչապետի պաշտոնակատար Կարեն Կարապետյանը, անդրադառնալով Սերժ Սարգսյանի հետ ապրիլի 7-ին ունեցած հանդիպմանը, հայտարարեց, որ որոշել են որպես առաջին դեմք, վարչապետի պաշտոնում կուսակցական գործընկերներին ներկայացնել Սերժ Սարգսյանի թեկնածությունը: Այն, որ, ըստ էության, արդեն հայտնի իրողությունը հայտարարվեց Կարեն Կարապետյանի կողմից, մի շարք վերլուծությունների առիթ դարձավ:

Քաղտեխնոլոգ Վիգեն Հակոբյանի խոսքով՝ մինչ այս վերլուծական և փորձագիտական շրջանակներում նման հնարավորությունը չէր բացառվում:

«Սա այն տարբերակներից մեկն էր, թե Սերժ Սարգսյանն ինչպես պետք է հիմնավորի իր վարչապետության անհրաժեշտությունը: Բայց այդ քննարկումների ժամանակ վերլուծվում էր մի տարբերակ, ըստ որի, եթե Կ. Կարապետյանը հայտարարի, որ ճիշտը Սերժ Սարգսյանի թեկնածությունն է, դա կարող է իմիջային և քաղաքական որոշակի ռիսկեր պարունակել Կ. Կարապետյանի ապագա հավակնությունների առումով: Որովհետև, ամեն դեպքում, բոլորս հասկանում ենք, որ Ս. Սարգսյանը լինի, թե չլինի վարչապետ, այնուամենայնիվ, անմիջականորեն ժառանգորդի մրցավազք է սկսվում: Այսինքն՝ հենց այս պահից սկսված, երբ արդեն վերջնականապես հայտնի է Ս. Սարգսյանի վարչապետության փաստը, կարող ենք ենք ֆիքսել, որ ժառանգորդների մրցավազքը սկսվել է: Իսկ «ստարտը» Ս. Սարգսյանն է տվել, երբ իր հարցազրույցում հիմնավորում էր, թե ինչու պետք է դառնա վարչապետ ու բացատրում նրանով, որ ուզում է ավելի շատ զբաղվել երիտասարդների հետ և նախապատրաստել երիտասարդներին: Այդ հարցազրույցից հետո լուրջ վերլուծական և փորձագիտական շրջանակներում հասկացան, որ խոսքն ավելի շուտ ինչ-որ անցումային շրջանի մասին է, որի ընթացքում Սերժ Սարգսյանը շարունակելու է երկրի ղեկավար մնալ»,-Past.am-ի հետ զրույցում ասաց Վ. Հակոբյանը:

Նրա խոսքով՝ այնուամենայնիվ թե՛ Ս. Սարգսյանը, և թե՛ Կ. Կարապետյանը դեմքերը պահպանելու խնդիր ունեին:

«Ս.Սարգսյանին պետք էր դեմքը պահպանել, որովհետև քիչ թե շատ ընկալելի բացատրություն պետք է լիներ, թե ինչու նա հրաժարվեց իր՝ 2014 թ. հայտնի հայտարարությունից (հայտարարել էր, որ չի հավակնում վարչապետի պաշտոնին խմբ.): Իսկ Կ. Կարապետյանի դեպքում էլ կար հարցադրում. նա համարվում էր և հավակնում իշխանության ապագա ժառանգորդը լինելուն, բայց ինչո՞ւ ինքը չէ: Նշված երկու հանգամանքներով էլ պետք էր դեմքը պահպանել: Կարծում եմ՝ գտնվել է մի տարբերակ, որի դեպքում այս կամ այն չափով դեմքը պահպանելու հնարավորություն է լինում: Քաղաքական ամենակարևոր որոշումը, թե ով է լինելու երկրի ղեկավարը, երկու մարդ է որոշել՝ Ս. Սարգսյանը և Կ. Կարապետյանը: Իսկ հայտարարությունն անկասկած Ս. Սարգսյանի և Կ. Կարապետյանի միջև փոխհամաձայնեցված է եղել: Յուրաքանչյուր խոսքը կշռադատված էր ու մտածված: Եվ, ըստ էության, հայտարավեց, որ այդ երկու անձիք են որոշում, այլ ոչ թե ՀՀԿ-ն կամ իշխանական այլ կլանները: Կարծում եմ՝ այդպես փորձ է արվել երկուսի դեմքն էլ պահպանել»,-ասաց նա՝ հավելելով, որ միանգամից մի քանի մեսիջ եղավ:

«Առաջին մեսիջն այն էր, թե իրականում իշխանության ներսում ովքեր են որոշում ընդունում, և դա անկախ նրանից, թե ՀՀԿ-ի կարկառուններն ինչպես են պատկերացնում այդ որոշումների ընդունումը: Նրանք մի քանի ժամ առաջ հայտարարում էին, որ ոչինչ որոշված չէ ու հայտարարում նաև, որ իրենք են որոշում կայացնողը: Բայց հանկարծ պարզվում է, որ այդ ամենի շուրջ երկու հոգի է որոշում կայացրել: Երկրոդը՝ Կ. Կարապետյանի հիմնավորումներում չկար անփոխարինելիության մասին և որևէ դրույթ: Չկար նաև Ս. Սարգսյանի՝ անվտանգության և պաշտպանության հարցերում ականավոր դերակատարման և անփոխարինելի լինելու որևէ հայտարարություն: Ընդհակառակը՝ քանի որ կառավարությունը, նախկին կոնֆիգուրացիան՝ արդյունավետ է աշխատել, որոշվել է անցումային շրջանի համար պահպանել այն»,-ընդգծեց քաղտեխնոլոգը:

Ըստ սոցհարցումների՝ Կ. Կարապետյանը գոնե խորհրդարանական ընտրություններից առաջ շարունակում էր պահպանել իր դրական վարկանիշը որպես քաղաքական գործիչ: Ըստ էության, ՀՀԿ-ն նաև նրա դեմքով ներկայացավ խորհրդարանական ընտրություններին:

Դիտարկմանն ու հարցին, թե, այնուամենայնիվ, Կ. Կարապետյանի համար ռիսկային չէ՞ր վերոնշյալ քայլը, մեր զրուցակիցը պատասխանեց. «Քաղաքական ու իմջիային ռիսկերը, ինչի մասին ես նշեցի, շարունակում են պահպանվել: Անշուշտ որոշակի կորուստներ կարող են լինել, բայց կարծում եմ, որ գտնվել է մի տարբերակ, որը հնարավորինս նվազեցնում է ռիսկերը: Թեպետ դժվար է ասել, թե այն, ինչ ասվել է, որքանո՞վ է համապատասխանում որոշումներ ընդունելու իրական իրավիճակին, բայց փորձ է արվել նվազեցնել կամ չեզոքացնել հնարավոր ռիսկերը: Եթե ինչ-որ մեկը շատ կտրուկ և իմիջային մեծ կորուստ է ունեցել, նախևառաջ՝ ՀՀԿ-ն է, որը և՛ քաղաքական, և՛ իմիջային առումով կորուստ ունեցավ: Ըստ էության բացահայտվեց, որ ՀՀԿ-ն թե՛ տվյալ, թե՛ շատ այլ դեպքերում որոշումների մասին լավագույն դեպքում մեզնից ու ձեզնից կես ժամ առաջ է իմանում: Դա էլ, իհարկե, մեծ վերապահումով եմ ասում»:

Աննա Բադալյան

website by Sargssyan