Փորձել են բերման ենթարկել ՀԺ-ի լրագրողին, բայց ճանապարհի կես... ՀԱՍԱՐԱԿՈՒԹՅՈՒՆ
Նիկոյանը նոր մեքենա է գնել՝ «LEXUS GX 460» մակնիշի ՀԱՍԱՐԱԿՈՒԹՅՈՒՆ
Հակոբյանը խնդիր չունի՝ տարեկան 200 միլիոնի եկամուտ ունի ՀԱՍԱՐԱԿՈՒԹՅՈՒՆ
10 հազար դոլար՝ Ալիկ Սարգսյանին ՀԱՍԱՐԱԿՈՒԹՅՈՒՆ
Մուշեղ Սաղաթելյան. «Եթե դու ցանկանում ես քո հակառակորդին հաղ... ՔԱՂԱՔԱԿԱՆ
Երևան, 21.Ապրիլ,
00
:
00
:
00
Փոխարժեք
478.65
$
560.79
Երկու Արամ Մանուկյան՝ Նալբանդյան փողոցում Անհրաժեշտ քաղաքական բանաձևերն ու այլ իրականության մեջ գտնվող իշխանությունը Արամ Սարգսյան. «1996 թվականից իշխանությունները միշտ էլ սադրանքի են դիմում և հաջողության հասնում» Ամենացածրը կրթության և գիտության ոլորտի աշխատակիցների աշխատավարձերն են Գումար, հարսնացուի զգեստ, ծրագրավորման դասընթաց. ինչ են խոստանում ոստիկաններին ժողովրդի կողմն անցնելու համար Ամո Շարոյան. «Մեր ապագան մշուշոտ չի» Ուսանողությանը կառավարելի դարձնելու ծրագիրը ձախողվում է. ուսխորհուրդներն ու բումերանգի էֆեկտը Փորձել են բերման ենթարկել ՀԺ-ի լրագրողին, բայց ճանապարհի կեսից փոշմանել են Արամ Ա կաթողիկոսը Մայր Աթոռում է. նա կհանդիպի ՀՀ նախագահի և վարչապետի հետ Նիկոյանը նոր մեքենա է գնել՝ «LEXUS GX 460» մակնիշի Հակոբյանը խնդիր չունի՝ տարեկան 200 միլիոնի եկամուտ ունի Ազատ Արշակյան. «Կազմակերպիչները սպիտակներով են խաղում, իսկ իշխանությունը պատասխանողն է» 10 հազար դոլար՝ Ալիկ Սարգսյանին Մուշեղ Սաղաթելյան. «Եթե դու ցանկանում ես քո հակառակորդին հաղթել, պետք է ոչ թե ուժ կիրառես, այլ բարություն անես» Արսինե Խանջյանը Գերմանիայից ուղերձ է հղել ցուցարարներին Գյումրիում ապօրինաբար պահվող արջի քոթոթը տեղափոխվել է կենդանաբանական այգի Երևանում էին արցախցի պատանի երաժիշտները ՄԻԵԴ ուղարկված դիմումների հերթական տեղատարափն է լինելու «Պետք է ներողություն խնդրենք, որ այս ժառանգությունն ենք թողել երիտասարդներին». Անահիտ Բախշյան Քաղաքապետ Տարոն Մարգարյանը հանդիպել է ՀՀ-ում դիվանագիտական առաքելությունն ավարտող ՌԴ արտակարգ և լիազոր դեսպանի հետ

«Անհատ ձեռներեցների թիվն ավելացել է, ավտոմեքենաների գինը՝ նվազել». ինչի՞ մասին են վկայում ՊԵԿ տվյալները

Կառավարությանն առընթեր պետեկամուտների կոմիտեի տվյալներով՝ 2018 թվականի առաջին եռամսյակում երրորդ երկրներից ավտոմեքենաների ներկրումը Հայաստան 168,1 %-ով ավելացել է: Մասնավորապես՝ հՀՀՀկյկյՀիիւիւունվար-մարտ ամիսներին ներմուծվել է 13 հազար 768 մեքենա և մաքսային ձևակերպումների արդյունքում պետական բյուջե 8 միլիարդ 859 միլիոն դրամի մուտքեր է ապահովվել: Նշված ցուցանիշը 8633-ով գերազանցել է 2017 թվականի նույն ժամանակահատվածի արդյունքը: Նախորդ տարի հունվար-մարտ ամիսներին ներկրվել է 5135 մեքենա և 3 միլիարդ 180 միլիոնի դրամի դիմաց պետբյուջեի մուտքերի 278,6 % աճ է ՝ ապահովվել:

Փոխադրողների միության նախագահ Հրանտ Եղիազարյանի կարծիքով նշված տվյալները բարեկեցության բարձրացման ցուցանիշ են:

«Ընդհանրապես մեր հանրապետությունում ավտոմեքենան դեռ շքեղության և ճոխության առարկա է համարվում: Եթե ճոխություն համարվող իր է ձեռք բերվում, այն էլ մեծ քանակի, ինչը գերազանցում է նաև նախորդ տարվա ցուցանիշները, ուրեմն՝ ժողովրդի բարեկեցությունը բարձրացել է: Մարդիկ կուտակել են գումարներն ու 2017 թվականի համեմատ 2018 թվականին ավելի շատ շարժակազմ են ձեռք բերել»,-Past.am-ի հետ զրույցում ասաց Հ. Եղիազարյանը:

Հետաքրքրվեցինք՝ ոլորտում անհատ ձեռներեցների գործունեության առումով ի՞նչ ցուցանիշ կա:

«Այդ ոլորտում գործունեություն ծավալող անհատ ձեռներեցների թիվն ավելացել է: Իմ անձնական համոզմամբ, առհասարակ որտեղ մրցակցություն կա, կա նաև գների զսպում: Իսկ այնտեղ, որտեղ կա մոնոպոլ համակարգ, ինչ գին ուզում՝ դնում են: Ավտոմեքենաների առք ու վաճառքի ոլորտը բաց է և մենաշնորհ չկա: Իհարկե, կան խոշոր ներկրողներ, բայց անհատ ձեռներեցներ ևս կան»,-ընդգծեց Փոխադրողների միության նախագահը:

Նրա խոսքով՝ վերջին մեկ տարվա կտրվածքով ավտոմեքենաները Հայաստան են ներկրվում կրկին ամենաշատը Վրաստանից. «Գների վերաբերյալ հնարավոր փոփոխություններին հստակ չեմ տիրապետում, բայց որքանով ինձ հայտնի է, ավտոմեքենաներն այնտեղ անհամեմատ շատ մատչելի են, քան, օրինակ՝ Հայաստանում»:

Հարցին, թե ավտոմեքենաների ներմուծման առումով Վրաստանին այլընտրանք ունենալու հնարավորությունն այս պահին կա՞, Հրանտ Եղիազարյանը պատասխանեց. «Մենք այդ այլընտրանքը գրեթե չունենք: Թուրքիան փակ տարածք է մեզ համար, Ադրբեջանը նույնպես: Պարսկաստանն էլ թեև բաց է, բայց այնտեղից մեքենա ներկրելու ավանդույթ չկա մեզ մոտ»:

Իսկ հարցին, թե Հայաստանում ավտոմեքենաների գների առումով գնային ինչպիսի՞ տատանումներ կան, մեր զրուցակիցը պատասխանեց. «Որքանով տիրապետում եմ գներին, կարող եմ ասել, որ կա գների իջեցում: Այդ տենդենցը կա հատկապես ներկրվող օգտագործված մեքենաների պարագայում»:

Նշենք, որ ապրիլի 10-ից արդեն գործարկվել է ավտոմեքենաների մաքսային արժեքի ավտոմատ հաշվիչը, որը հասանելի է petekamutner.am կայքի գլխավոր էջում: Կայքի այցելուին անհրաժեշտ է միայն մուտքագրել ավտոմեքենայի մակնիշը, տարեթիվը, շարժիչի հզորությունը և պահանջվող մյուս տվյալները. ավտոմատ համակարգը կհաշվարկի ամբողջական գումարը՝ ցույց տալով, թե ինչքան են կազմում տվյալ մեքենայի մաքսատուրքը, բնապահպանական վճարը և ԱԱՀ-ն:

Հրանտ Եղիազարյանն, անդրադառնալով փոփոխությանը, ընդգծեց. «Եթե մարդկային գործոնը վերանում է, ապա այդ փաստը միշտ որպես դրական փոփոխություն պետք է համարել»:

Աննա Բադալյան
Past.am

website by Sargssyan