Փորձել են բերման ենթարկել ՀԺ-ի լրագրողին, բայց ճանապարհի կես... ՀԱՍԱՐԱԿՈՒԹՅՈՒՆ
Նիկոյանը նոր մեքենա է գնել՝ «LEXUS GX 460» մակնիշի ՀԱՍԱՐԱԿՈՒԹՅՈՒՆ
Հակոբյանը խնդիր չունի՝ տարեկան 200 միլիոնի եկամուտ ունի ՀԱՍԱՐԱԿՈՒԹՅՈՒՆ
10 հազար դոլար՝ Ալիկ Սարգսյանին ՀԱՍԱՐԱԿՈՒԹՅՈՒՆ
Մուշեղ Սաղաթելյան. «Եթե դու ցանկանում ես քո հակառակորդին հաղ... ՔԱՂԱՔԱԿԱՆ
Երևան, 21.Ապրիլ,
00
:
00
:
00
Փոխարժեք
478.65
$
560.79
Երկու Արամ Մանուկյան՝ Նալբանդյան փողոցում Անհրաժեշտ քաղաքական բանաձևերն ու այլ իրականության մեջ գտնվող իշխանությունը Արամ Սարգսյան. «1996 թվականից իշխանությունները միշտ էլ սադրանքի են դիմում և հաջողության հասնում» Ամենացածրը կրթության և գիտության ոլորտի աշխատակիցների աշխատավարձերն են Գումար, հարսնացուի զգեստ, ծրագրավորման դասընթաց. ինչ են խոստանում ոստիկաններին ժողովրդի կողմն անցնելու համար Ամո Շարոյան. «Մեր ապագան մշուշոտ չի» Ուսանողությանը կառավարելի դարձնելու ծրագիրը ձախողվում է. ուսխորհուրդներն ու բումերանգի էֆեկտը Փորձել են բերման ենթարկել ՀԺ-ի լրագրողին, բայց ճանապարհի կեսից փոշմանել են Արամ Ա կաթողիկոսը Մայր Աթոռում է. նա կհանդիպի ՀՀ նախագահի և վարչապետի հետ Նիկոյանը նոր մեքենա է գնել՝ «LEXUS GX 460» մակնիշի Հակոբյանը խնդիր չունի՝ տարեկան 200 միլիոնի եկամուտ ունի Ազատ Արշակյան. «Կազմակերպիչները սպիտակներով են խաղում, իսկ իշխանությունը պատասխանողն է» 10 հազար դոլար՝ Ալիկ Սարգսյանին Մուշեղ Սաղաթելյան. «Եթե դու ցանկանում ես քո հակառակորդին հաղթել, պետք է ոչ թե ուժ կիրառես, այլ բարություն անես» Արսինե Խանջյանը Գերմանիայից ուղերձ է հղել ցուցարարներին Գյումրիում ապօրինաբար պահվող արջի քոթոթը տեղափոխվել է կենդանաբանական այգի Երևանում էին արցախցի պատանի երաժիշտները ՄԻԵԴ ուղարկված դիմումների հերթական տեղատարափն է լինելու «Պետք է ներողություն խնդրենք, որ այս ժառանգությունն ենք թողել երիտասարդներին». Անահիտ Բախշյան Քաղաքապետ Տարոն Մարգարյանը հանդիպել է ՀՀ-ում դիվանագիտական առաքելությունն ավարտող ՌԴ արտակարգ և լիազոր դեսպանի հետ

«Ես հեղափոխական եմ 1988 թվականից, ինձ համար սա ուրախալի է». Գուսան Հայկազուն

Այսօր, այս օրերին ցուցարարների շարքում են նաև մի շարք մտավորականներ, որոնց թվում է երգահան Գուսան Հայկազունը:

-Պարոն Հայկազուն, Դուք ինչո՞ւ եք միացել այս շարժմանը:

-Ես չեմ կարող չլինել այնտեղ, որտեղ իմ ժողովուրդն է:

-Կարծում եք ցուցարարների թիվը բավարա՞ր է դրված նպատակին հասնելու համար:

-Եթե մեծ աղմուկ լինի, շատ ժողովուրդ լինի, անպայման կհասնեն նպատակին: Հիմա ես Բաղրամյան պողոտայի վրա եմ, այն փակված է, այստեղ է երիտասարդությունը: Շատ ուրախալի է, որ ուսանողները, երիտասարդներն են գործընթաց կազմակերպում: Դե մենք մեծացել ենք, շատ ակտիվ չենք կարող լինել, բայց այնուամենայնիվ շատ հաճելի է:

-Երիտասարդներ շատ կան, բայց Ձեզ հասակակից մարդիկ նույնպե՞ս շատ են:

-Շրջապատում ամեն տարիքի մարդկանց էլ տեսնում եմ:Ես հեղափոխական եմ 1988 թ., ինձ համար ուրախալի է սա: Վերջապես մարդիկ ինչ-որ քմահաճություն չեն անում, մեր երկրի ապագայի համար են անում, մեր երկրի ապագան են ուզում կերտել, անօրինականությունների դեմ պայքարել, հիմա ո՞վ դժգոհ չէ: Ընտանիքս ապրում է իմ 40 հազար դրամ թոշակով: Միթե՞ այդպես կարելի է ապրել, բոլորն էլ ուզում են լավ ապրել, մեր ազգը արժանի է լավ ապրելու:

-Ի՞նչ կասեք նրանց, ովքեր երթևեկության կաթվածահար վիճակից են դժգոհում:

-1988 թ., երբ սկսվեց Արցախյան շարժումը, ընդհանրապես մեքենա չկար, ամեն օր Արտաշատից Երևան ոտքով 30 կմ էինք կտրում, միտինգի գալիս ու հետ գնում: Նեղություն է, 2-3 օր, բայց, ոչինչ: Ժողովուրդ ենք, պիտի ցույց տանք, որ ազգ ենք:

-Ոստիկանների հետ բախումներից չե՞ք անհանգստանում:

-Կարծում եմ, որ չի լինի, որովհետև ոստիկաններին հրաման տվող է պետք: Իսկ այսօր այդ հրաման տվողը չկա, նախագահը չկա, ոչ ոք էլ ինքնագլուխ չի կարող նման հրաման տալ: 2008 թ. մարտի 1-ի դեպքերը մինչև հիմա չեն մարսել, ո՞նց կարան տենց բան անեն: Այդ կողմից, կարծում եմ, այդքան վտանգ չի սպառնում:

Ես ռադիոյով լսել եմ, որ այսօրվա ու վաղվա ԱԺ նիստերը ցանկանում են այլ՝ ապահով վայրում անել, թաքուն: Այսինքն՝ ոստիկանության վրա հույս չեն դնում: Կարող է մի պահ գա՝ ոստիկանությունն էլ շուռ գա ժողովրդի կողմը, վերջապես նույն ժողովուրդն է, ի՞նչ տարբերություն:

Ինձ համար կարևոր չէ, թե ով է իշխանության ղեկավարը: Երկիրը սարքեն, դա է ինձ համար կարևոր: Ոչ ոք իմ հորեղբոր տղան չէ, եղբայրը չէ: Կարևորը՝ երկիրը երկիր դառնա, այս վտանագավոր վիճակից դուրս գան, հակառակ դեպքում՝ ես ունեմ հինգ զավակ, որից մեկն արդեն 20 տարի է արտասահմանում է, մյուսներն էլ կգնան, որպեսզի կարողանան ապրել: Ես իմ երեխեքի, իմ 1 տարի 7 ամսական երեխայի համար եմ անհանգստանում, վաղը որտեղ ու ոնց է մեծանալու:

-Համոզվա՞ծ եք, որ հենց միայն Սերժ Սարգսյանի՝ դաշտից հեռացման դեպքում ամեն ինչ կփոխվի ու հունի մեջ կընկնի:

-Սերժ Սարգսյան ասելով՝ ամբողջ համակարգը նկատի ունենք: Սերժ Սարգսյանը մեկ մարդ է ընդամենը: Կարծում եմ, որ իրեն այդքան հաճելի չէ այս վիճակը, բայց միայն ինքը չէ, իր շրջապատն է, 40-50 մարդիկ են՝ պատգամավորներ, օլիգարխներ, մենակ Սերժ Սարգսյանով չի կարգավորվի: Պարզապես սա գործընթաց է: Եթե այս մեկն իրականացվեց, ամենամեծ բանն է, դրանից հետո կսկվեն մյուսները: Տա Աստված, որ ամեն ինչ լավ լինի, որ ժողովուրդը չխաբվի:

 

ՔՐԻՍՏԻՆԱ ՏԵՐ-ՄԱԹԵՎՈՍՅԱՆ
Past.am

 

 

website by Sargssyan