5 մոտիվացիոն ֆիլմ,որոնք արժե դիտել հանգստյան օրերին (լուսանկարներ)
ԼԱՅՖWnews.am-ը գրում է.
Ինչպես յուրքանչյուր շաբաթ, այս անգամ էլ Wnews.am-ն առանձնացրել է ֆիլմերի հնգյակ՝ հանգստյան օրերին դիտելու համար: Մոտիվացնող, կյանքի հանդեպ անսահման սիրո ու հաղթանակի հասնելու մեծ ցանկության մասին ֆիլմերն իրենց կենսասիրությամբ կվարակեն բոլորին:
Գատտակա. Gattaca
Մենք՝ Wnews.am-ում ֆանտաստիկ ֆիլմերի սիրահար չենք, բայց Գատտակա ֆիլմը բացառություն է: Չափազանց գեղեցիկ ֆիլմ՝ Ումմա Թուրմանի, Ջուդ Լոուի և Էթան Հոուկի մասնակցությամբ: Գլխավոր հերոսն իր երազանքին հասնելու համար պետք է փոխի սեփական գենետիկան՝ դառնալով իդեալական մարդ՝ իդեալական առողջությամբ : Դա անհնար է , եթե դու սովորական մարդ ես, մարդկային վախերով ու կրքերով: Բայց, եթե երազանք ունես, անհնար ոչինչ չկա:
Պոլլիաննա. Pollyanna
Չափազանց բարի, մի քիչ հեքիաթային ֆիլմ 11-ամյա Պոլլիաննայի մասին,ով անընդհատ խաղ է խաղում: Խաղի պայմանը յուրաքանչյուր իրավիճակում լավ բան տեսնելն է, անգամ՝ անելանելի իրավիճակներում: Պարտվում է նա, ով չի կարողանում լավ բան գտնել: Պոլլինան իր խաղով վարակում է բոլորին՝ ստիպելով ուրախանալ ու սիրել կյանքի յուրաքանչյուր պահը:
ԵՐՋԱՆԿՈՒԹՅԱՆ ՀԵՏԵՒԻՑ. THE PURSUIT OF HAPPYNES
Թերևս լավագույն մոտիվացնող ֆիլմերից մեկը: Եթե դեռ չեք դիտել, ապա պարտադիր արեք դա: Եթե ունես երազանք, գնա դրա ետևից ու վերջ: Թույլ մի տուր որևէ մեկին հակառակում համոզել քեզ:
Իսկ հոգում ես պարում եմ .Inside of me I’m dancing
Այս ֆիլմի հերոսները մարդիկ են, ովքեր տեղաշարժվում են անվասայլակներում, բայց նրանք ավելի լավատես են, քան շատ առողջ մարդիկ։ Նրանք փորձում են կյանքը լիարժեք ապրել. ուրախանալ, խենթություններ անել, պարել։
«Կյանքը հրաշալի է» La vita è bella
Զարմանալի է, սակայն պատերազմի սարսափների մասին ֆիլմ կարող է դառնալ ամենաբարի ֆիլմերից մեկը։ Սա սիրող հոր հիասքանչ պատմություն է, ով կարողանում է որդուն երկրորդ կյանք պարգեւել անգամ համակենտրոնացման ճամբարի պայմաններում։ Անկախ քեզնից սկսում ես հավատալ, որ կյանքը երբեմն անարդար է, տանջող, ողբերգական, սակայն՝ անսահման գեղեցիկ։