Արեւմուտքը Սիրիայում քաղաքական լուսանցք է մղում «Ջեբհաթ ան Նուսրային»
ՄԻՋԱԶԳԱՅԻՆԱրեւմուտքը կոչ է անում սիրական հակամարտության բոլոր կողմերին դադարեցնել համագործակցությունը «Ջեբհաթ ան Նուսրա» ահաբեկչական խմբավորման հետ: Այն համարվում է Սիրայում «Ալ Քաիդայի» մասնաճյուղը: Նման հայտարարությամբ հանդես են եկել ԵՄ երկրների արտգործնախարարները, ԵՄ դիվանագիտության ղեկավար Ֆեդերիկա Մոգերինին ու ԱՄՆ պետքարտուղար Ջոն Քերրին ՄԱԿ-ի Գլխավոր ասամբելայի շրջանակներում:
Ինչպես հայտնում է «РИА Новости» գործակալությունը, Ֆեդերիկա Մոգերինին, Մեծ Բրիտանիայի, Ֆրանսիայի, Գերմանիայի ու Իտալիայի արտգործնախարարները եւ Տվյալ ԱՄՆ պետքարտուղար Ջոն Քերրին հայտարարել են, որ «Ջեբհաթ ան Նուսրան» «Ալ Կաիդայի» թեւն է Սիրիայում եւ այն ահաբեկչական կազմակերպություն է: «Ուստի ամբողջ համաշխարհային համայնքի թշնամին», - ասված է հայտարարության մեջ: Դիվանագետները նաեւ հավելում են, որ այդ ահաբեկչական կառույցը մերժում է սիրական հակամարտության լուծման քաղաքական եղանակները: «Մենք կոչ են անում Սիրիայում գործող բոլոր զինված խմբավորումներին դադարեցնել համագործակցությունը «Ջեբհաթ ան Նուսրա» ահաբեկչական խմբավորման հետ», - նշվում է հայտարարության մեջ:
Հայտարարության մեջ անդրադարձ կա Ռուսաստանին ու սիրականա կառավարությանը: Արեւմտյան երկրների դիվանագետները պնդում են, որ Մոսկվան պետք է ազդի Դամասկոսի վրա, որպեսզի հնարավոր լինի ապահովել հումանիտար օգնության հասանելիությունը դրա կարիքն ունեցող շրջաններում: «Սա խաղաղ բանակցություններին վերադառնալու պարտադիր պայման է», - նշում են նրան՝ միեւնույն ժամանակ կոչ անելով ՄԱԿ-ի Անվտանգության խորհրդին անհապաղ քայլեր ձեռնարկել Սիրիայում հակամարտության կարգավորման ուղղությամբ: