ՊԱՏՄՈՒԹՅԱՆ ԱՅՍ ՕՐԸ (26 ՓԵՏՐՎԱՐԻ). Ռադարի առաջին փորձարկումը, ազնվական տիտղոսների վերացումը. «Փաստ»

«Փաստ» օրաթերթը գրում է.

ՀԱՅ-ՀԱՅԱՍՏԱՆ

1727 – Դավիթ Բեկը և իր զորքը ամրացել են Հալիձորի բերդում և սկսել հերոսական դիմադրություն ցույց տալ այն պաշարած թուրքական բանակին։

1802 – ծնվել է բանաստեղծ, արձակագիր, պատմաբան, մանկավարժ, գրական-հասարակական գործիչ Գաբրիել Պատկանյանը։

1877 – ծնվել է արձակագիր Միքայել Մանվելյանը։

1921 – Մոսկվաում տեղի է ունեցել ռուս-թուրքական խորհրդաժողով, կնքված պայմանագրով ՀԽՍՀ–Թուրքիա սահմանը որոշվել է Ախուրյան և Արաքս գետերով։

1959 – վախճանվել է աշուղագետ Վերդին։

1992 – Խոջալուի գրավումը տեղի է ունեցել Արցախյան ազատամարտի ժամանակ։

1992 – Հայաստանը դիվանագիտական հարաբերություններ է հաստատել Հունգարիայի և Լեհաստանի հետ։

2007 – Հայաստանի Հանրապետության Ազգային ժողովը երկրորդ ընթերցմամբ և ամբողջությամբ ընդունել է երկքաղաքացիություն սահմանող օրինագծերի փաթեթը։

2013 – վախճանվել է պատմաբան, պատմաաշխարհագրագետ, պատմական գիտությունների դոկտոր, պրոֆեսոր Բաբկեն Հարությունյանը։

 ԱՇԽԱՐՀ

1513 – երկրաշարժն ավերել է Լիսաբոնը։

1564 – ծնվել է անգլիացի բանաստեղծ, դրամատուրգ Քրիստոֆեր Մարլոն։

1712 – Ռուսաստանում ցար Պետրոս Iի հրամանով հիմնադրվել է Տուլայի զինագործարանը։

1770 – վախճանվել է իտալացի ջութակահար և կոմպոզիտոր Ջուզեպպե Տարտինին։

1794 – Ֆրանսիայում Ազգային կոնվենտը հեղափոխության թշնամիների սեփականությունը բռնագրավելու հրաման է արձակել։

1802 – ծնվել է ֆրանսիացի գրող, բանաստեղծ, դրամատուրգ Վիկտոր Հյուգոն։

1808 – ծնվել է ֆրանսիացի գրաֆիկ և գեղանկարիչ Օնորե Դոմիեն։

1815 – Նապոլեոն Բոնապարտը փախել է Էլբա կղզու աքսորից։

1821 – վախճանվել է ֆրանսիացի փիլիսոփա Ժոզեֆ դը Մեստրը։

1848 – Ֆրանսիայում վերացվել են ազնվական տիտղոսները։

1852 – բրիտանական «HMS Birkenhead» ֆրեգատը խորտակվել է Բարեհուսո հրվանդանի շրջանում։

1878 – ֆրանսիացի բանասեր Էմիլ Լիտտրեն ստեղծել է «միկրոբ» տերմինը։

1893 – ծնվել է անգլիացի գրականագետ Այվոր Արմսթրոնգ Ռիչարդսը։

1896 – Անտուան Անրի Բեքերելը հայտնաբերել է ռադիոակտիվության երևույթը։

1917 – Սանկտ Պետերբուրգում սկսվել են հեղափոխական անկարգություններ։

1917 – Նյու Յորքի «Victor Talking Machine Company» ընկերությունում ձայնագրվել է առաջին ջազային սկավառակը։

1919 – ԱՄՆ-ի Արիզոնա նահանգում ստեղծվել է Գրանդ Կանյոն ազգային այգին։

1924 – Ադոլֆ Հիտլերը դատապարտվել է հինգ տարվա ազատազրկման։

1930 – Նյու Յորքում սպանվել է ամերիկյան մաֆիայի պարագլուխ Թոմ Ռեյնին։

1932 – ծնվել է ամերիկացի երգիչ Ջոնի Քեշը։

1935 – Ռոբերտ Ուոթսոն-Ուոթն իրականացրել է ռադարի առաջին փորձարկումը։

1955 – «North American Aviation» ընկերության փորձարկող-օդաչու Ջորջ Սմիթը կատարել է գերձայնային կատապուլտացիա։

1986 – Միխայիլ Գորբաչովը հայտարարել է «Արագացման» գործընթացի սկիզբը ԽՍՀՄ-ում։

2005 – վախճանվել է «Macintosh» համակարգչի ստեղծող Ջեֆ Ռասկինը։

2008 – «Lost: Via Domus» խաղը թողարկվել է «Կորուսյալները» հեռուստասերիալի հիման վրա։

Մանրամասները՝ «Փաստ» օրաթերթի այսօրվա համարում