«Ուկնդիր ձևավորելու խնդիր ունենք». «ԱՐԱՐ» երգչախումբը նշում է հիմնադրման տասնամյակը. «Փաստ»
ՄՇԱԿՈՒՅԹ![«Ուկնդիր ձևավորելու խնդիր ունենք». «ԱՐԱՐ» երգչախումբը նշում է հիմնադրման տասնամյակը. «Փաստ»](/timthumb.php?src=disc/10-01-22/db81a1445c71bdc11bf3d6e53fa9bdf6.jpg&w=780)
«Փաստ» օրաթերթը գրում է
Առաջիկա համարներում «Փաստը» կանդրադառնա Հայաստանում գործող երգչախմբերին: Մեր այս շարքն սկսել ենք «ԱՐԱՐ» երգչախմբի հիմնադիր-ղեկավար, դիրիժոր Գոռ Մելքումյանի հետ զրույցով: Երգչախումբը ստեղծվել է 2012 թ.-ին Երևանում:
«Երգչախմբի ստեղծման պատմությունը կապվում է իմ երաժշտական գործունեության հետ: Մանկուց զբաղվել եմ երաժշտությամբ, նվագել եմ ժողովրդական գործիքներ և մի օր եկա այն հանգրվանին, որտեղ երաժշտական որևէ գործիք այլևս բավարար չէր իմ աշխարհայացքը, երաժշտական փիլիսոփայությունը ներկայացնելու համար: Այդ տարիներին սիրահարվեցի երգչախմբային արվեստին: Սովորում էինք Մանկավարժական համալսարանում, պարբերաբար ներկայանում էինք համերգներով: Սերը, մղումը երգչախմբային արվեստի նկատմամբ ստիպեցին, որ դուդուկով երգչախմբի հետ ստեղծագործություն կատարեմ: Դա էլ հիմք դարձավ, որ երգչախումբ ստեղծենք՝ կազմված Մանկավարժականի ուսանողներից: Այստեղից սկսվեց երգչախմբի պատմությունը»,-«Փաստի» հետ զրույցում ասում է Մելքումյանը:
Անվանման մասին: «Իմ կենսագրության մի հատվածի «ճամփորդությունը» բերեց այս արարմանը, որովհետև երգչախումբն արարվեց: Այժմ փորձեր ենք կատարում Հայաստանի տարբեր մարզերում և Երևանում նոր երգչախմբեր ստեղծելու համար, դրա կարիքը մեծ է, բայց միևնույն ժամանակ բավականին բարդ է, և եթե դրան չի խառնվում արարչագործական մի մասնիկ, գործը գլուխ չի գալիս»,-նշում է մեր զրուցակիցը:
Երգչախմբի ստեղծման մեկնարկին դրանում ընդգրկված էին թե՛ աղջիկներ, թե՛ տղաներ: «Բայց ժամանակի ընթացքում տղաները դուրս եկան, քանի որ Հայաստանում երգող տղաների մեծ պակաս կա: Այնպես չէ, որ աղջիկները շատ են, բայց տղաներն ավելի քիչ են: Երբեմն տարբեր նախագծերի ընթացքում հրավիրում ենք տղաների, հանդես գալիս երկսեռ կազմով: Բայց ներկայումս մեր երգչախմբում աղջիկներ են, որոնք կա՛մ արդեն ավարտել են բուհը, կա՛մ էլ սովորում են Կոնսերվատորիայում և Մանկավարժական համալսարանում»,-ընդգծում է երգչախմբի դիրիժորը:
Նշում է՝ երգչախմբի երգացանկի մասին խոսելը փիլիսոփայական աշխատության պես ծանր բան է: «Միլիոնավոր ստեղծագործություններից ընտրել և երգել մեկ ստեղծագործություն բավականին ծանր գործ է: Մեկ առիթով ասել եմ, որ կգա ժամանակ, երբ երգչախմբի կամ էլ ստեղծագործողի համար ստեղծագործություն ընտրելը կդառնա առանձին մասնագետի աշխատանք, այսինքն՝ կլինեն մարդիկ, որոնք արտիստի համար ստեղծագործություն կընտրեն: Բարդ է ստեղծագործությունների ընտրման գործընթացը, երգում ենք հոգևոր, դասական բարձրարժեք ստեղծագործություններ: Գնում ենք այն ճանապարհով, երբ մեր երգչախմբին կճանաչեն իր ձեռագրից, չէ որ այն ստեղծագործություններն ու մեկնաբանումները, որ կատարում ենք, մեր ուրույն ձեռագիրն է»,-հավելում է մեր զրուցակիցը:
Երգչախումբն առաջնորդվում է «Վեհ Պարզություն» գաղափարով: «Սա կապվում է երգչախմբի փիլիսոփայության հետ: Երկու կարևոր գաղափար ենք վերցրել: Մեկը երաժշտական ստեղծագործության վեհությունն է, սա իրենից ենթադրում է, որ այն չպետք է ժամանցային լինի, պետք է լինի աստվածային, խորունկ, բայց մյուս կողմից պարզությունն է: Մեր օրերում այն բավականին քիչ է պատահում, շփոթում են հասարակի հետ, ինչն այդպես չէ: Փորձում ենք պարզ լինել, ավելորդ ճոռոմաբանությունների մեջ չմտնելով՝ ներկայացնել հոգևոր լիցք ունեցող ստեղծագործությունները: Այս երկուսը մեկ տեղում համադրելը բավականին բարդ է»,-նշում է դիրիժորը:
Երգչախումբը մասնակցում է նաև մրցույթների, չնայած Մելքումյանն ասում է, որ միշտ դեմ է եղել արվեստի մեջ մրցակցությանը:
«Ամեն դեպքում կարևորում եմ ամբողջ աշխարհում տեղի ունեցող մրցույթները, քանի որ դա այն պրոֆեսիոնալ հարթակն է, որոնց ներկայանալով՝ կարող ենք հավուր պատշաճի խոսել մեր արժեքների մասին: Մեր երգչախումբը մասնակցում է միջազգային մրցույթների, արդեն իսկ հեղինակավոր մրցույթում արժանացել ենք պատվավոր մրցանակի, այս պահին մասնակցում ենք մեկ այլ մրցույթի, մոտ օրերս կիմանանք արդյունքները: Ընտրում ենք լավագույնները, հուսով ենք, որ կգա ժամանակ, երբ այլևս մրցույթների մասնակցելու կարիք չենք ունենա, երգչախումբն այնքան ճանաչելի կլինի, որ պարզապես կներկայանա համերգներով»,-ասում է Մելքումյանը:
Իսկ սա նշանակում է, որ պետք է մեծացնել երգչախմբային արվեստի հանդեպ հետաքրքրությունը: «Երգչախմբային արվեստով բոլորը չեն կարող զբաղվել: Մի կողմից այն կարող է դիտվել որպես մասսայական արվեստ, բայց իմ խորին համոզմամբ երգչախումբը շատ քչերի գործն է՝ որպես կատարողներ: Կցանկանայի, որ մեր հասարակության մեջ ունենայինք ստվար զանգված, որը կսիրեր երգչախմբային արվեստը: Ուկնդիր ձևավորելու ամենաբարդ խնդիրն ունենք:
Բարեբախտաբար, Հայաստանում կան շատերը, ովքեր մտահոգ են այս հարցով, իրականացնում ենք գործունեություն, որի արդյունքում մանկական երգչախմբեր կստեղծվեն, մանուկները կերգեն երգչախմբերում: Ուկնդիր պետք է ձևավորել դեռևս դպրոցական տարիներից: Կարևորում եմ նաև հետևյալը. և՛ ազգը, և՛ պետությունն ունեն կարևոր սիմվոլներ, որոնցով պայմանավորված է իրենց գոյությունը, քաղաքականությունը: Այս դեպքում հիմնն է և կրոնը: Երկուսն էլ առնչվում են երգչախմբային արվեստին: Կան պետություններ, որտեղ բոլորը գիտեն իրենց հիմնը և կարող են ցանկացած պահի ու տեղում, որպես երգչախումբ, կատարել այն: Եվ նույնը՝ կան պետություններ, որտեղ մարդը եկեղեցի մտնելով կարող է վերցնել նոտաները և պատարագի ժամանակ երգել եկեղեցական ստեղծագործություններ: Ցավոք, մեզ մոտ այս երկուսն այն մակարդակի վրա չեն, որ մեր նման մշակութային ազգին պատիվ կբերեին: Երգչախմբի կարևորությունը, որպես հասարակական երևույթ, այս երկու հարցում շատ եմ կարևորում»,-հավելում է մեր զրուցակիցը:
«ԱՐԱՐ»-ը պետական հովանավորություն չունի: «Ցանկացած լուրջ նախագծի մասնակցելուց կամ կյանքի կոչելուց առաջ պետք է հասկանանք՝ որքանո՞վ ենք ֆինանսապես պատրաստ: Ունենք կարևոր նախագծեր, որոնց իրագործման համար ունենք պետության աջակցության կարիքը: Չէի ցանկանա միևնույն ժամանակ ողջ բեռը դնել պետության վրա, բայց ընդգծեմ մեկ հանգամանք: Պետական տարբեր համույթներ կան, որոնք ստեղծվել են տարիներ առաջ և այժմ էլ ավանդույթի ուժով գործում են, ասենք, որպես պետական երգչախմբեր կամ համույթներ: Կցանկանայի՝ մեր պետությունն այնքան կամք ունենար, որ եթե, օրինակ՝ մշակութային կամ որևէ այլ կառույց սկսում է չհամապատասխանել որակական նոր չափանիշներին կամ առաջանում են նոր կոլեկտիվներ, որոնք պայքարի մեջ են մտնում ու հաջողում, ուշադրություն դարձներ դրանց:
Որևէ համույթ չի կարող հավերժ ինքն իրեն սպասարկելով, ֆինանսավորելով գործունեություն ծավալել, հատկապես երգչախմբերը: Խնդիր է այն, որ մեր պետության ներսում չունենք երգչախմբային համապատասխան համերգասրահ, աշխատում ենք խորհրդային տարիներին ստեղծված համերգասրահներում կամ այնպիսիններում, որոնք երգչախմբերի համերգային պահանջներին չեն համապատասխանում: Կցանկանայի, որ երգչախմբերը շատ մասնակցեն միջազգային նախագծերի: Դեռ Կոմիտասից սկսած՝ ունենք երգչախմբային լավ ավանդույթներ, որոնք պետք է բարձր նիշի վրա պահենք»,-եզրափակում է Գոռ Մելքումյանը:
Մանրամասները՝ «Փաստ» օրաթերթի այսօրվա համարում
![](/timthumb.php?src=disc/19-06-24/e0266999ef58a8c21aff9caea6c4a426.jpg&w=60&h=60)
![](/timthumb.php?src=disc/19-06-24/9cd502878065d0d3c87dfce3256729de.jpg&w=60&h=60)
![](/timthumb.php?src=disc/19-06-24/41d372d4607449af80338d6745fe7a09.jpg&w=60&h=60)
![](/timthumb.php?src=disc/18-06-24/b0535827c464f28b6699d90d9708834c.jpg&w=60&h=60)
![](/timthumb.php?src=disc/18-06-24/8c22516015d73333ca2798bb808d6eb9.jpg&w=60&h=60)
![](/timthumb.php?src=disc/18-06-24/d0c4191edfe7b2a21aa8e219af8cd0d8.jpg&w=60&h=60)
![](/timthumb.php?src=disc/18-06-24/15d344902d1d4c77a1ba9ada5d98e78b.jpg&w=60&h=60)
![](/timthumb.php?src=disc/18-06-24/c5a71c29fa3ea4e419a8ca6342d3a29f.jpg&w=60&h=60)
![](/timthumb.php?src=disc/18-06-24/03850cded7b76a7ce52b1624b2f35c72.jpg&w=60&h=60)
![](/timthumb.php?src=disc/18-06-24/efd079cb6694c9b2673cb48698bbe387.jpg&w=60&h=60)
![](/timthumb.php?src=disc/18-06-24/3f1beed90bb34669d503cfad1ec9d1c8.jpg&w=60&h=60)
![](/timthumb.php?src=disc/18-06-24/2c6c4a1db59f7480dd551bd6b8238d1d.jpg&w=60&h=60)
![](/timthumb.php?src=disc/18-06-24/4fc946efa62a32ba199b62a18233a1f6.jpg&w=60&h=60)
![](/timthumb.php?src=disc/18-06-24/d83275f59983c1e691aa3610f0e61ae2.jpg&w=60&h=60)
![](/timthumb.php?src=disc/18-06-24/323242c52f26d37b3279b5b1280dbd0d.jpg&w=60&h=60)
![](/timthumb.php?src=disc/18-06-24/c8337a0aaad02ed911ff33086ff94cf4.jpg&w=60&h=60)
![](/timthumb.php?src=disc/18-06-24/dd376ace58fc477ef12b90acbbee4249.jpg&w=60&h=60)
![](/timthumb.php?src=disc/18-06-24/e88d35308f35a6f0674e522b913a64cb.jpg&w=60&h=60)
![](/timthumb.php?src=disc/18-06-24/dfa33e44786f4c999e1cb75ad0f15987.jpg&w=60&h=60)
![](/timthumb.php?src=disc/18-06-24/68db66b1d5f5ef1b39a3c53459299815.jpg&w=60&h=60)
![](/timthumb.php?src=disc/18-06-24/696b610a5a6268554effb852f1b7f778.jpg&w=60&h=60)
![](/timthumb.php?src=disc/18-06-24/482e8e1a078cb8851bcf648dcb589497.jpg&w=60&h=60)
![](/timthumb.php?src=disc/18-06-24/23513153db94c82c4bef263f68884705.jpg&w=60&h=60)
![](/timthumb.php?src=disc/18-06-24/dc4b0de9dc09321d4f595caf5302356c.jpg&w=60&h=60)
![](/timthumb.php?src=disc/18-06-24/f657d841308d338aa4eb159074ebc847.jpg&w=60&h=60)
![](/timthumb.php?src=disc/18-06-24/1f40302a79819bf493b352bd8defe276.jpg&w=60&h=60)
![](/timthumb.php?src=disc/18-06-24/1665c6e49912fcf998da180d0305fbcf.jpg&w=60&h=60)
![](/timthumb.php?src=disc/18-06-24/73b58046233965436d9923eb3b4781d2.jpg&w=60&h=60)
![](/timthumb.php?src=disc/18-06-24/cd4df4a38c162a38b23e1cf0efa9acf8.jpg&w=60&h=60)
![](/timthumb.php?src=disc/18-06-24/ae9510d6153bd9424bd28ad549c1ce5b.jpg&w=60&h=60)
![](/timthumb.php?src=disc/18-06-24/8daab9d949db811fe93ebc2fc910268e.jpg&w=60&h=60)
![](/timthumb.php?src=disc/18-06-24/022d9b623d51a25b955d9a748acfddca.jpg&w=60&h=60)
![](/timthumb.php?src=disc/18-06-24/d4dd261640d8d8c1be94ad8a4bc0a590.jpg&w=60&h=60)
![](/timthumb.php?src=disc/18-06-24/4d0ce7ba8e05fb71643c3ad87c4a59f1.jpg&w=60&h=60)
![](/timthumb.php?src=disc/18-06-24/e518cbb4917c916b76c9aacee09a292c.jpg&w=60&h=60)
![](/timthumb.php?src=disc/18-06-24/dbfbb75b83a399ce254416848f04bfe2.jpg&w=60&h=60)
![](/timthumb.php?src=disc/18-06-24/88cb1c3788d6c5dbdd1b3486732487dc.jpg&w=60&h=60)
![](/timthumb.php?src=disc/18-06-24/24e8148ad0c4597afc960bb6ad6fd1ea.jpg&w=60&h=60)
![](/timthumb.php?src=disc/18-06-24/7df02c90ede78aaeae0fbea4ce39e7e7.jpg&w=60&h=60)
![](/timthumb.php?src=disc/18-06-24/a955beb8de758bc386222ad9e072af11.jpg&w=60&h=60)
![](/timthumb.php?src=disc/18-06-24/10a928e40b17206381e8bf29660a21db.jpg&w=60&h=60)
![](/timthumb.php?src=disc/18-06-24/ebf4f1e365cabe197d957d6a8562194c.jpg&w=60&h=60)
![](/timthumb.php?src=disc/18-06-24/a740acb53f64549c2aaf05a762fb7214.jpg&w=60&h=60)
![](/timthumb.php?src=disc/18-06-24/facde4b982c10a7a0a77ebaadeca5965.jpg&w=60&h=60)
![](/timthumb.php?src=disc/18-06-24/e354dc4bd2d2d6f2db9717470cc9d11f.jpg&w=60&h=60)
![](/timthumb.php?src=disc/18-06-24/e5bcc346fdd0c6c004fad4ec641e6771.jpg&w=60&h=60)
![](/timthumb.php?src=disc/18-06-24/3d0a80a6a3c6e756c7e2668a3f068d9f.jpg&w=60&h=60)
![](/timthumb.php?src=disc/18-06-24/3eea905c99c2fccdb55184fb66eebdf4.jpg&w=60&h=60)
![](/timthumb.php?src=disc/18-06-24/92b3253aa535db1dfa1084147743b45b.jpg&w=60&h=60)
![](/timthumb.php?src=disc/18-06-24/80e94885c82413cbbf98fb14323b31aa.jpg&w=60&h=60)
![](banners/acba.gif)
![](banners/venus.jpg?v3sd2s)