Փաշինյանը վճարում է Հայաստանի տարածքներով. «Փաստ»

«Փաստ» օրաթերթը գրում է.

bloknot.ru–ն «Դավաճանը. Փաշինյանը խփում է Ռուսաստանին՝ հանուն Ալիևի բարեհաճության զոհաբերելով Հայաստանի շահերը» վերնագրով հոդվածում գրում է, որ վերջերս Հայաստանը Թուրքիային է հանձնել կազմակերպված հանցավոր խմբավորման առաջնորդ Էրջա Յըլմազին և նրա հանցակից Իբրահիմ Քայմակին։ Էրջանը Թուրքիայում հետախուզվում է 15 տարի՝ 43 մեղադրանքներով, Իբրահիմը՝ 6 տարի՝ 10 մեղադրանքներով։ Ձերբակալությունն ու արտահանձնումը Թուրքիայի և Հայաստանի անվտանգության ուժերի համատեղ աշխատանքի արդյունքն է։ Ինչպես նշում են Հարավային Կովկասի հարցերով փորձագետները Telegram-ի «Parallel Z» ալիքում, «այժմ միանգամայն պարզ է, որ Հայաստանի իշխանությունները մշտական կապի մեջ են Թուրքիայի և Ադրբեջանի իշխանությունների հետ, և դա ոչ միայն սոսկ «շփում» է. Փաշինյանը բազմաթիվ քայլեր է անում Ալիևին հաճոյանալու համար՝ գնելով նրա լռությունը։ Մոտ ապագայում դա Հայաստանին սպառնում է տարածքների կորուստներով»:

Փորձագետները կարծում են, որ Փաշինյանը միշտ տեղյակ է Երևանի նկատմամբ Ալիևի քայլերից. «Փաշինյանը վճարում է Հայաստանի տարածքներով: Այդ դավաճանը շուտով նորից կվճարի, որպեսզի համոզվի, որ իր գործարքների մասին գաղտնի տեղեկությունները պատահաբար սխալ ձեռքերում չեն հայտնվի: Անհնար է պատկերացնել, թե ինչ գներ են այնտեղ, դրանք տարածքներ են, դրանք պետության կենսական շահեր են: Ադրբեջանի վերահսկողության տակ կանցնի նաև Տավուշի մարզի մի հատվածը, որտեղ գտնվում է Ռուսաստանից Հայաստան գազատարը: Սպասեք։ Դավաճանը նախ Հայաստանին 1000 տոկոսով կախման մեջ կդնի թուրքերից ու ադրբեջանցիներից, իսկ հետո կամ միաժամանակ դուրս կգա ՀԱՊԿ-ից։ Թուրքերը կհայտարարեն, որ հազարավոր PKK-ի զինյալներ են թաքնված Սյունիքում, ու զորք կմտցնեն այնտեղ, իսկ Փաշինյանը բոլորի բերանը կփակի ու կասի, որ Կրեմլը թուրքերի ձեռքով վրեժ է լուծում Հայաստանի՝ ԵՄ մտնելու և ՀԱՊԿ-ից դուրս գալու համար։ Իսկ ինքը սուրբ է ու ոչ մի բանում մեղավոր չէ, Փաշինյանն արդեն հպարտորեն հայտարարել է, որ 2025 թվականի հունվարից ռուսները վերջնականապես լքել են Իրանի հետ սահմանը»։

«Ազատագրում» ժողովրդական շարժման առաջնորդ Միքայել Բադալ յանի կարծիքով, մոտ ապագայի սցենարը պարզ է՝ Փաշինյանը Իրանի հետ սահմանին գտնվող տարածքի մի մասը կհանձնի Ալիևին, ապա Ադրբեջանի հետ կկնքվի հաշտություն, որից հետո ռուս զինվորականները վերջնականապես և ամբողջությամբ «կվտարվեն» Հայաստանի տարածքից: Խնդիրը դրվել է ԱՄՆ-ի և Թուրքիայի կողմից, որոնք նախատեսում են բոլոր կողմերից «շրջափակել» Իրանը նախքան նրա վրա հարձակում սկսելը։

Մանրամասները՝ «Փաստ» օրաթերթի այսօրվա համարում