Իրաքի վարչապետը եւ Իրաքյան Քրդստանի ղեկավարը համաձայնեցրել են Մոսուլի գործողությունն սկսելու ժամանակը

Իրաքի զինված ուժերի գլխավոր հրամանատարի, երկրի վարչապետ Հեյդար ալ Աբադիի եւ Իրաքյան Քրդստանի ղեկավար Մասուդ Բարզանիի միջեւ համաձայնեցվել Է «Իսլամական պետություն» ահաբեկչական խմբավորման զինյալներից իրաքյան Մոսուլի ազատագրման ցամաքային գործողությունն սկսելու ժամանակը: Այդ մասին ասված Է հայտարարության մեջ, որը հոկտեմբերի 17-ին զետեղվել Է ինքնավար տարածաշրջանի ղեկավարի դիվանատան պաշտոնական Էջում:

«Անցած գիշեր ժամը 00:00-ին հեռախոսազրույց Է տեղի Է ունեցել քրդական տարածաշրջանի ղեկավարի եւ Իրաքի վարչապետի միջեւ,-նշվում Է հաղորդագրության մեջ:-Կողմերը քննարկել են Մոսուլի ազատագրման գործողությունը եւ սահմանել ճակատամարտն սկսելու ժամը»: Դրանում նաեւ նշվում Է, որ ալ Աբադին եւ Բարզանին պայմանավորվել են «փեշմերգայի» (քրդական զինված կազմավորումներ) եւ իրաքյան բանակի գործողությունների «լիակատար կոորդինացման եւ համագործակցության» շուրջ:

Մոսուլը 2014 թվականից մնում Է ԻՊ-ի գլխավոր հենարանը: Իրաքի զինվորականները եւ նրանց դաշնակիցները, այդ թվում՝ ժողովրդական աշխարհազորը, վերջին ժամանակներս նախապատրաստվում Էին վճռական հարձակման: Հոկտեմբերի լույս 17-ի գիշերը Իրաքի վարչապետ Հայդեր ալ Աբադին հայտարարել Է ԻՊ-ից իրաքյան Մոսուլի ազատագրման ռազմական գործողությունն սկսելու մասին:

Sky News Arabia հեռուստաալիքի տվյալներով՝ գործողությանը մասնակցող ցամաքային ստորաբաժանումների անձնակազմի թվաքանակը գերազանցում Է 60 հազարը: Նրանց աջակցություն Է ցուցաբերում ԱՄՆ-ի գլխավորած միջազգային հակաահաբեկչական կոալիցիան, կառավարական օդուժը, ինչպես նաեւ հրետանին:

Կառավարական ուժերի կազմում են Իրաքի բանակի զինծառայողները, հակաահաեկչական ստորաբաժանումները, համերկրային եւ տեղական ոստիկանության աշխատակիցները, քրդական «փեշմերգա» ռազմականացված կազմավորումները, շիաների «Ալ Խաշդ աշ Շաաբի» աշխարհազորը, տեղի սուննի ցեղերի աշխարահազորը:

2014 թվականի հունիսին գրեթե առանց դիմադրության ծայրահեղականներին հանձնված Մոսուլում ներկայում գտնվում Է շուրջ 1,3 մլն մարդ: Նրանց պատանդի վիճակում են պահում ԻՊ-ի 6 հազարից ավելի զինյալներ: Արմատական իսլամիստներն այդ բնակավայրը համարում են իրենց մայրաքաղաքն Իրաքում, հաղորդել Է ՏԱՍՍ-ը: