Թուրքական պատվիրակությունն Իրաքից ձեռնունայն է վերադարձել

Թուրքիայի և Իրաքի միջև լարված հարաբերությունները մեղմացնելու նպատակով Անկարայից Բաղդադ մեկնած թուրքական պատվիրակությունը չի կարողացել հասնել ցանկալի արդյունքի: Ինչպես հաղորդում է «Արմենպրես»-ը` վկայակոչելով թուրքական «Հուրիեթ» պարերականը, այս մասին հայտարարել է Իրաքի արտգործնախարարության խոսնակ Ահմեթ Ջեմալը:

«Թուրքական պատվիրակության կողմից առաջ քաշված մտքերը չհամապատասխանեցին Իրաքի կառավարության պահանջներին ու ակնկալիքներին: Թուրքիայի Հանրապետությունը պետք է հարգանք ցուցաբերի Իրաքի ինքնիշխանության նկատմամբ և Բաշիքայի ճամբարից դուրս բերի զինվորներին»,- ասել է Ջեմալը: Նա հայտարարել է, որ Մոսուլի ազատագրման գործողությունների շրջանակում իրենք վստահում են իրաքյան զինված ուժերին և որևէ այլ, օտար միավորների օգնության կարիքը չունեն:

Թուրքիայից մեկնած պատվիրակությունը գլխավորում էր փոխարտգործնախարար Ահմեթ Յըլդըզը: Պատվիրակությանկազմում  էին անդամներ զինված ուժերի գլխավոր շտաբից և ազգային հետախուզական ծառայությունից: ՆրանքԲաղդադում պետք է հանդիպումներ ունենային արտաքին գործերի նախարարությունում և կառավարությունում:Օրակարգային հարցերից կարևորագույնը լինելու էր Մոսուլի ռազմական գործողությունները: Մասնավորապես, Թուրքիանառաջարկ էր ներկայացնելու մասնակցել այդ գործողություններին: Քննարկվելիք մյուս կարևոր հարցը պետք է լիներԲաշիքայում թուրքական զորամիավորումների առկայությունը և դրա հետևանքով լարված թուրք- իրաքյանհարաբերությունները: