Աղջիկների 7 թերություն, որ վանում է տղաներին

ԼԱՅՖ 22 Հոկտեմբեր, 2016 18:32

Blognews.am-ը գրում է.

1. Աղջիկների մեծամասնությունը պարապուրդի է մատնված

Խոսքը ոչ թե անգործության կամ ալարկոտության մասին է: Ո՛չ: Ավելին ասեմ՝ աղջիկները աննկարագրելի ակտիվ ու ջանասեր են, երբ խոսքը գնում է ինչ-որ մի հարուստ տղայի կպցնելու մասին: Այ այստեղ նրանք իսկապես անխնա աշխատասեր են: Խոսքը նրա մասին է, որ աղջիկները չեն սիրում կարել, ասեղնագործել, նկարել, կարդալ հետաքրքիր գրքեր, սպորտով զբաղվել, հետաքրքիր բացիկներ հավաքել, հոբբի ունենալ, հասարակական գործունեությամբ զբաղվել, այսինքն՝ բացի սեփական դիմահարդարումից, հեռախոսից ու զգեստապահարանից՝ էլի ինչ-որ մի բանի վրա ուշադրություն դարձնել: Չէ՞ որ սեփական սիրելի «ես»-ից բացի՝ աշխարհում էլի գեղեցիկ ու զարմանալի բաներ կան: Ցավոք, շատ աղջիկներ միայն այն ժամանակ են ձևացնում, թե իբր հետաքրքրասեր են, գլուխ են հանում ֆուտբոլից, բոքսից, գրքերից, արվեստից և այլն, երբ կոնկրետ տղամարդ գրավելու նպատակ են ունենում: Իսկ երբ նպատակն իրագործված է, բոլոր այս կեղծ հետաքրքրությունները հօդս են ցնդում:

2. Աղջիկներին չի հերիքում թեթևությունը

Տղամարդիկ շփումների մեջ թեթև են: Նրանք կարող են վիճել, բարկանալ, բարձր տոնով խոսել, իսկ մեկ ժամ հետո մոռանալ այդ մասին ու շարունակել անկաշկանդ շփումն առանց հիշաչարության: Աղջիկները, սակայն, այս հարցում անտանելի են իրենց պահում: Նրանք կարող են նեղացած մնալ ամիսներ շարունակ, շփումների մեջ անընդհատ հիշեցնել վիրավորված լինելու մասին, նեղացած երեխայի նման պահել իրենց ու անընդհատ մտածել կատարվածի շուրջ: Իհարկե, բոլոր աղջիկները չեն այսպիսին, նրանց մեջ էլ կան շփման մեջ թեթև, անկաշկանդ մարդիկ, սակայն այդ ամենը տևում է մինչև առաջին ժամադրությունը: Դրանից հետո բոլորը նույնն են դառնում: Չնայած հուսահատվել պետք չէ, բացառություններ էլ են լինում:

3. Հարաբերությունների մեջ գտնվող աղջիկները սիրում են իրենց «հավատարիմ շնիկի» կարգավիճակում պահել

Խոսքը բնավ կարևոր հարցերի շուրջ խորհրդակցելու, տեղեկացնելու մասին չէ: Ես խոսում եմ այն աղջիկների մասին, ովքեր սիրելիին հաճոյանալու համար ամեն քայլից առաջ կարող են զանգել ու իբր թե «տեղյակ պահել» նրան՝ այսպիսով ապացուցելով իրենց նվիրված ու հավատարիմ լինելը: Օրինակ՝ որքան տհաճ է տղամարդու համար, երբ 10 րոպեն մեկ ընկերուհին զանգում է նրան ու հայտնում՝ ես լոգանք ընդունեցի, ես իջնում եմ հաց առնելու, ես որոշել եմ մազերս ներկել, ես բարձրանում եմ մի հարկ վերևի հարևանի տուն և այլն…

4. Աղջիկները սիրում են մի բան անել, իսկ հետո կատարվածի մեջ տղաներին մեղադրել

Այսպիսով նրանք իրենց վրայից հանում են սեփական արարքների համար պատասխանատվությունը՝ իբրև թե վստահելով սիրելիին: Խոսքը երկու իրար սիրող մարդկանց միջև մտերմության մասին է: Հավատացեք՝ քիչ են աղջիկները, որոնք սիրելի տղայի հետ մտերմություն ունենալուց հետո կասեն՝ «ես ուզում էի դա, դու էլ էիր ուզում, դրա համար էլ տեղի ունեցավ այն, ինչ եղավ»: Սովորաբար նրանք խոսքները մեկ են անում՝ «դու ուզում էիր, ես էլ ուղղակի վստահեցի քեզ, իսկ հիմա արի ամուսնանանք»:

5. Աղջիկների մեջ կան այնպիսիք, ովքեր զուրկ են ներաշխարհի խորությունից

Նայում ես տեսքին, խելամիտ մարդու տպավորություն է թողնում, մտքեր է արտահայտում, փորձում ես խորանալ թեմայի մեջ ու հասկանում ես, որ մակերեսային պատկերացում ունի այն ամենի մասին, ինչից մեկ րոպե առաջ քաջատեղյակի դեմքով խոսում էր: Ամենօրյա նույնատիպ դատարկ խոսակցություններ, հետաքրքրությունների շրջանակ, որը սահմանափակվում է կոսմետիկայի, հագուստի ու համացանցային և սերիալային թեմաներով… Տղաներն այս խոսակցություններից շատ շուտ են ձանձրանում:

6. Հումորի զգացումից զուրկ աղջիկներն անտանելի են

Նրանց մեծամասնությունը զուրկ է սեփական սխալների վրա ծիծաղելու ունակությունից: Իրենց մտացածին պատվանդանի վրա են դրել, ու սեփական սխալներն ընդունելն իսկական պարտություն է: Իսկ տղամարդու համար անտանելի բարդ է նման կնոջ կողքին մնալը, անգամ եթե զգացմունքներ կան: Սեփական սխալն ընդունող և դրա վրա ծիծաղելը միայն քառապատկում է կնոջ գրավչությունն ու կանացիությունը տղամարդու աչքերում:

7. Անմիջականություն. ահա թե ինչ է պետք աղջիկներին

Աղջիկներին միշտ թվում է, թե նրանք մշտապես ինչ-որ մեկի դիտակետում են, ու որպեսզի անթերի տպավորություն թողնեն, նրանք ամենուր իրենց պահում են՝ սրբի կամ արքայադստեր անտեսանելի պսակը գլխներին: Իսկ սա միայն վանում է տղաներին: Հիշե՛ք, աղջիկնե՛ր. իրեն շինծու ու ձևական մեթոդներով անհասանելի պահող աղջիկը ոչ թե հիացնում, այլ հիասթափեցնում է տղաներին: