Երևան, 21.Նոյեմբեր.2026,
00
:
00
ՀՐԱՏԱՊ

«Որպես դերասանուհի հանդես գալու առաջին փորձս դուր չի եկել ո՛չ ինձ, ո՛չ ընկերներիս ու ծնողներիս». Մերի Մակարյան

ԼԱՅՖ

Դերասանուհի, հաղորդավարուհի Մերի Մակարյանի հետ զրուցեցինք նրա մասնագիտական կրթության, ներկայիս գործունեության և առաջիկա ծրագրերի մասին.

-Մերի, վերջին շրջանում ավելի շատ հանդես եք գալիս որպես հաղորդավարուհի, քան որպես դերասանուհի: Հետաքրքիր է` լավառաջարկնե՞ր չկան ֆիլմում նկարահանվելու, թե՞ այս պահին Ձեզ համար ավելի նախընտրելի է պարզապես հանդես գալ հենց որպես հաղորդավարուհի:

-Նախ՝ և՛ համաձայն եմ Ձեր ասածի հետ, և՛ ոչ, քանի որ ես հիմա խաղում եմ «Առաջնորդներ» հեռուստասերիալում, որը հեռարձակվում էր ԱՄՆ-ում, այժմ` նաև Հայաստանում: Միևնույն ժամանակ ես մասնակցում եմ 20 մասից բաղկացած նոր հեռուստասերիալում, որը շուտով կլինի «Արմենիա» հեռուստաընկերության եթերում: Այնպես որ, փորձում եմ համատեղել երկու մասնագիտություններն էլ:

-Բայց որքանով տեղյակ եմ, Դուք մասնագիտությամբ ո՛չ դերասանուհի եք և ո՛չ էլ հաղորդավարուհի:

-Այո, ճիշտ եք, ես մասնագիտությամբ, եթե կարելի է այդպես ասել, վոկալիստ եմ: Ավարտել եմ Ռոմանոս Մելիքյանի անվան երաժշտական ուսումնարանի վոկալ բաժինը, այնուհետև ավարտել եմ ԵՊՀ բանասիրական ֆակուլտետը, որը ոչ մի կապ չուներ նախորդի հետ: Այսինքն` ունեմ մշակված ձայն, որը հետո ավելի մշակեցի  հաղորդավարուհու գործի համար՝ արդեն իսկ աշխատելով:

-Այդ դեպքում ինչպե՞ս է ստացվել, որ հենց Ձեր մասնագիտությամբ չեք առաջ շարժվել և ընտրել եք բոլորովի այլ երկու մասնագիտություններ:

-Շատ պատահական է ստացվել՝ չնայած ես գիտեի, որ հենց այդպես էլ լինելու է, որովհետև ես իմ մեջ զգում էի մեծ սերն ու ցանկությունը դեպի այս ամենը: Ես իմ երկու մասնագիտություններն էլ օգտագործում եմ, որովհետև վոկալ կրթություն ստանալը, ձայնը ճիշտ տեղ հասցնելն արդեն լավ է հաղորդավարուհու համար, իսկ բանասիրական կրթության շնորհիվ ավելի գրագետ ես լինում, է՛լ ավելի ինֆորմացված, ու եթե պետք է լինում ինչ-որ մեջբերում անել գրական ստեղծագործություններից կամ պարզապես գիտելիքները ցույց տալ այդ բնագավառում, ապա համապատասխան կրթությունը միանշանակ օգնության է հասնում: Ես այն համոզմանն եմ, որ գրագետ դառնում են մինչև 10-րդ դասարան, իսկ դրանից հետո ստանում են կոնկրետ մասնագիտություն: Ամեն դեպքում ես գիտեմ դերասանների, ովքեր կիրթ չեն ու նույնիսկ չեն կարողանում տեքստից իրենց դերերը կարդալ:

-Հետաքրքիր է, երբևէ առիթ եղե՞լ է որպես երգչուհի հանդես գալու:

-Այո, առիթ եղել է, և այն ինձ ընձեռել է մասնավորապես «JOSE» ակումբը, որտեղ ես աշխատում եմ արդեն 4-5 տարի: Այն դարձել է ինձ համար շատ հարազատ մի վայր, մենք նույնիսկ հումորով ասում ենք, որ այստեղ ավելի շատ ենք լինում, քան սեփական տանը ու իրար հետ ավելի շատ ենք շփվում, քան սեփական տան անդամների հետ: Ինչպես արդեն նշեցի, ես այնտեղ նաև երգում եմ: Սկզբում մի քանի փորձ եղավ երգելու, և քանի որ երգերս մարդկանց դուր եկան, նրանք սկսեցին նաև պատվիրել: Այդպես, պատվերների դեպքում ես երբեմն-երբեմն երգում եմ ու չնայած ունեմ ընդամենը մի քանի երգ, այնուամենայնիվ չեմ դժգոհում:

-Կարո՞ղ ենք ասել, որ «JOSE»-ում որպես հաղորդավարուհի հանդես գալն ավելի շատ լիցքաթափվելու, երեկոն ավելի հանգիստ միջավայրում անցկացնելու միջոց է Ձեզ համար, քան որպես աշխատանք:

-Այո, ես այն որպես աշխատանք չեմ դիտարկում՝ չնայած լինում են շատ հոգնած օրեր: Գեղեցիկ է այդպես խոսել մի վայրի մասին, որն իրենից ներկայացնում է մի փոքր ընտանիք: Իհարկե, լինում են մարդիկ, որ գնում են, գալիս են, բայց ես այդ կարգավիճակում չեմ, ես հիմնական աշխատում եմ այնտեղ՝ որպես հաղորդավարուհի: Ես շատ եմ սիրում իմ աշխատանքը, ինձ շատ է դուր գալիս ինտերակտիվ շփումը մեր ժողովրդի, մեր հանդիսատեսի հետ, ովքեր գալիս են մեզ մոտ՝ թե՛ մեզ տեսնելու, թե՛ լավ երաժշտություն լսելու, թե՛ պարելու, ուրախանալու, թե՛ նշելու իրենց ծննդյան տարեդարձը կամ այլ առիթները: Մենք մեզ լավ ենք զգում «JOSE»-ում:

-Մերի, դժվար չէ՞ համատեղել միմյանցից այդքան տարբեր աշխատանքներ:

-Թեև դրանք իսկապես տարբեր են, բայց ամեն դեպքում դրանք բոլորն էլ մի թելով կապված են իրար՝ հանրության հետ շփվելու և բեմից հանդես գալու իմաստով: Իհարկե, շատ դժվար է, գրաֆիկը շատ ծանրաբեռնված է, բայց «JOSE»-ը հիմնական է այդ առումով: Իմ բոլոր գործերն օրվա վերջում ավարտվում են այնտեղ, և ես կասեմ, որ շատ դրական լիցքեր եմ ստանում նաև մեր հանդիսատեսից. ես սիրում եմ լսել ծափահարություններ, գովեստի խոսքեր, երբ հանդիպում ենք նաև դրսում, նկարվում և այլն: Այստեղ ես ձեռք եմ բերում մեծ փորձ, որը ես հետագայում կարող եմ օգտագործել ավելի մեծ առիթներ վարելու համար: Ես արդեն զույգով վարելու խնդիր չունեմ, քանի որ ես ու իմ գործընկերը՝ Սամվել Գրիգորյանը, միմյանց կես բառից հասկանում ենք: Եվ աշխատանքն է՛լ ավելի հաճելի է դառնում «JOSE»-ում, որն առանձնանում է իր տեխնիկական առավելություններով: Ես կարող եմ ասել, որ այն  Երևան քաղաքի միակ ակումներից է, եթե ոչ միակը, որն ունի բեմ, հնչյունային ու լուսային նման հրաշալի էֆեկտներ:

-Երևի կհամաձայնեք, որ այսօր հաղորդավարի գործով ավելի շատ զբաղվում են համապատսխան մասնագիտական որակավորում չունեցող մարդիկ, թեև շատերի մոտ ավելի լավ է ստացվում, քան եթե որոշ լրագրողներ այդ նույնն անեին: Օրինակ՝ Դուք դրան ինչպե՞ս եք վերաբերվում:

-Գիտեք, ես կարծում եմ, որ ամեն մարդ պիտի ստանա կրթություն, եթե որոշել է զբաղվել տվյալ մասնագիտությամբ: Օրինակ՝ վերջերս առիթ եղավ ներկա գտնվելու քասթինգ-ստուդիաներից մեկում, որտեղ հաղորդավար դառնալու համար ուսանողները սովորում էին 5-6 առարկա: Ես այդ ամենը չեմ սովորել, բայց ինձ մոտ դա ստացվում է, քանի որ ես շատ շուտ եմ ընդօրինակում, սովորում, ըմբռնում: Օրինակ՝ հնարավոր է, որ Ձեզանից հիմա ինչ-որ բան արդեն սովորել եմ որպես լրագրողուհի: Ինձ համար կարևոր է, որ մարդ կարողանա ճիշտ ժամանակին կողմնորոշվել, հայտնվել ճիշտ տեղում, ունենա փորձ և մասնագիտական հոտառություն: Այդ ամենը, հավատացեք, մասնագիտական կրթությունից կարևոր է ու առավել:

-Որպես դերասանուհի հանդես գալու առաջին փորձն ինչպե՞ս է եղել:

-Շատ դժվար: Ինձ, համենայն դեպս, դուր չի եկել, ծնողներիս ու ընկերներիս՝ նույնպես, բայց ամեն դեպքում, ինչպես նշեցի, ես շատ շուտ եմ սովորում, ընդօրինակում, և եթե ինձ ասում են՝ այսինչ բանն այսպես արա, ուրեմն հաջորդ կադրում ես հենց այդպես էլ անում եմ, ու այդ կադրը իմ պատճառով չի փչանում: Իսկ առաջին դերս, ինչպես գիտեք, «Դժվար ապրուստ» հեռուստասերիալում Մերիի կերպարն է եղել:

-Իսկ առաջիկայում ի՞նչ նորություն սպասենք Մերի Մակարյանից:

-Հիմա, ինչպես գիտեք, «Մոսկվա» կինոթատրոնում արդեն հեռարձակվում է «Զգուշացեք. կանայք են» գեղարվեստական ֆիլմը, որտեղ լինելն ինձ համար շատ խորթ է, բայց ես կամ այնտեղ: Ինչպես արդեն նշեցի, նոր հեռուստասերիալ կլինի շուտով՝ բաղկացած 20 մասից, որտեղ ես հանդես եմ գալու գլխավոր դերում, ինչպես նաև շարունակվում է «Առաջնորդներ» հեռուստասերիալը, շուտով կսկսվի նաև «Վեցերորդ զգայարան» հեռուստաշոուի 4-րդ եթերաշրջանը: Մի խոսքով` բուռն աշխատանքային շրջան է սպասվում:

Նյութը՝ սկզբնաղբյուր կայքում

Լավրովը խոստացել է պաշտպանել Ուկրաինայի ռուսախոսներին Կոնկրետ քայլերն ու գործողությունները միայն կարող են որևէ բան «ասել». վստահության բացակայությունն ու «հեղափոխության սինդրոմը». «Փաստ»Կկուն կանչե՞ց. որտեղի՞ց են գալիս Փաշինյանի նյարդայնության գրգիռները. «Փաստ»Ուսուցիչների որքա՞ն թափուր հաստիք կա դպրոցներում. «Փաստ»300 հազար դրամ տուգանք՝ 700 միլիոնանոց «ջեքփոթի» դիմաց. ինչպես են համայնքային բյուջեները վերածվել ընտանեկան բիզնեսի. «Փաստ»Քաղաքական խոհանոցի «ֆիրմային» ուտեստը. «Եթե պարտվեմ, կհեռանամ». «Փաստ»Ռուբիոն անհրաժեշտ է համարել ՌԴ-ի, Չինաստանի և ԱՄՆ առաջնորդների պարբերական խորհրդակցություններըԱռաջին կուրսեցիների ուսման վարձը կփոխհատուցվի 100%-ով, ուսանողները կստանան նաև կեցության աջակցություն․ նոր նախագիծԵրկուշաբթի լույս չի լինելու․ հասցեներՄխիթարյա՞ն, թե՞ Սուչիչ. Կիվուն ընտրության առաջ է Ատալանտայի հետ խաղից առաջՀզոր փոթորիկը գրեթե ամբողջությամբ ավերել է Բրազիլիայի Տուպանսիրետան քաղաքըԱդրբեջանցիները փորձում են յուրացնել նաև Սպենդիարյանի «Ալմաստ» օպերանՏեղումները կլինեն ինտենսիվ․ ի՞նչ եղանակ սպասել նոյեմբերի 21-ից 25-ինԵրբ ամբողջ Հայաստանը մի թիմ էր․ Նիկիտա Սիմոնյանն ու «Արարատ-73»-ըԳազից մինչև գույքահարկ. սահմանամերձ բնակիչների արտոնությունները կերկարաձգվենՏափերականի դպրոցի առաջին դասարանի ուսուցչուհին սկոտչով փակել է աշակերտների բերաններըՀայաստանի 3 ծանրորդ կմասնակցի օլիմպիական վարկանիշային մրցաշարինԱրցախցիները կարո՞ղ են ընտրել՝ անձնագրում նշվի Հայաստան, թե՞ Ադրբեջան Մի՛ սրտնեղեք «կիսատ» բառից, ձեր ամեն ինչն է կիսատ՝ խոստացված սահմանազատումը, խոստացված խաղաղությունը, հիմա էլ ուզում եք կիսատ դարձնել մեր Սահմանադրությունը. Մարիաննա ՂահրամանյանՎարդենյաց լեռնանցքում անձրև է տեղում․ հանրապետության բոլոր ավտոճանապարհները բաց ենՄայր Աթոռում տեղի ունեցավ շքանշանների հանձնման արարողությունԼեհաստանի իշխանությունները հայտնել են երկրի տարածքում ռուսական 2 հրթիռի և մեկ ԱԹՍ-ի ընկնելու մասինՍուտ N3․ ԵՊՀ ռեկտորի հաջորդ մանիպուլյացիան. Մենուա Սողոմոնյան«Առանց իր առաջարկի էլ իրեն կհեռացնենք» Կարապետյանի արձագանքը Փաշինյանի առաջարկինԱՄՆ-ն և Իսրայելը կարող են նոր հարձակում իրականացնել Իրանի վրաՎանաձորում բեռնատարը 15-ից ավելի մեքենաներ է ջարդել, վիրավորներից 2-ն անչափահաս ենՀՊԼ․ «Արարատ-Արմենիա»-ն հաղթել է «Վան»-ին Այն մասին, թե ով է Հայաստանում փորձում շարունակ ահաբեկել մեր ժողովրդին, և ինչու է դա մինչև հիմա մասամբ ստացվել․ ՉալաբյանՕդի ջերմաստիճանը նոյեմբերի 20-21-ի ցերեկային ժամերին աստիճանաբար կբարձրանա 3-5 աստիճանով, 22-ին նույնքան կնվազի Բառախաղի մի՛ դիմեք, ես խոսել եմ ԶՈւ-երում ոչ մարտական պայմաններում մահացության դեպքերից` ներկայացնելով պաշտոն, աղբյուր, դատախազությանը հղում արված տվյալներ. Մարիաննա ՂահրամանյանԻ գիտություն ՀԷՑ ՓԲ ընկերության կառավարչի աթոռը զավթած սուբյեկտիԱյսքան պատերազմներ բերած քաղաքական ուժը չի կարող խոսել խաղաղությունից․ տեսանյութՌուսական հրթիռներ են ընկել Լեհաստանի տարածքում․ կործանիչները բարձրացվել են օդ «Նոր Յալթա՞», թե՞ քաղաքական շոու. ի՞նչ է գրում համաշխարհային մամուլը Թրամփ–Սի–Պուտին պատմական հանդիպման մասինՌուսական գազի գնորդները կբախվեն առավելագույն գնաճի հետԱրման Աբովյանը հանդիպել է Շտեֆան Կոտրեի հետ. հանդիպման առանցքային թեման Գագիկ Ծառուկյանի ապօրինի կալանավորումն էր Ավանդական ծիրանից մինչև արքայանարինջ և էկզոտիկ լայմ․ տեսանյութ Ucom-ը և Իմփաքթ Հաբ Երևանն ամփոփել են կանաչ ձեռներեցության ծրագրի երրորդ փուլը Հայաստանում առանց դատավճռի կալանավորների թիվն աննախադեպ և անթույլատրելի բարձր է. Ավետիք ՉալաբյանՀարգում ենք Բաքվի և Երևանի ուղիղ երկխոսություն վարելը. կարգավորման ներկայիս փուլը մեկնարկել է հենց ռուսական կողմի նախաձեռնությամբ. Զախարովա Ողբերգական պայթյուն Թբիլիսիում․ Հայաստանը ցավակցություն է հայտնել Վրաստանին ՌԴ-ի հետ սահմանն ամբողջությամբ կփակվի․ հայտնի է այդ երկրի որոշման պատճառը Ռոմանոս Պետրոսյանի հետ բանավեճին պետք է Դավիթ Ղազինյանը մասնակցի․ «Ուժեղ Հայաստան»-ի խոսնակ Հայաստանում ճանապարհային վթարների հետ կապված նոր փոփոխություններ են նախատեսվում Պուտինը պшտերազմ է մղում ամբողջ Եվրոպայի դեմ. Մերց Ի՞նչ է սպասվում ռուբլու փոխարժեքին 2027 թվականին«Պալաչի» եղբայրը՝ ազատազրկված թմրամիջոցների իրացման գործով Ինչ եղանակ սպասել դեկտեմբերին․ ձմեռը կսկսվի՞ խիստ ցրտերովԱնկախության հռչակագիրը մեր ժողովրդի ծննդականն է. դրանից հրաժարվելն անթույլատրելի է. Արմեն ՄանվելյանՍոֆթԿոնստրակտն ու Հայաստանի ֆրանսիական համալսարանը նոր հուշագիր են ստորագրել