Աշխարհի ամենաարտասովոր առևտրի կենտրոնները

Բնակիչների մեծ մասի պատկերացմամբ` առևտրի կենտրոնը մի վայր է, ուր գնում են շաբաթը մեկ անգամ և գնումներ են կատարում`խուսափելով մարդկանց ամբոխից և շտապում են վերադառնալ տուն: Սակայն առևտրի կենտրոնների որոշ սեփականատերեր այդպիսի պատկերացումների հետ համաձայն չեն և իրենց սումերմարկետները դարձնում են զվարճանքի մեծ կենտրոններ, որտեղ առևտրին հատկացված է մի փոքր, սակայն կարևոր մաս:

Որպեսզի մարդկանց հարմարավետ լինի գնումներ կատարել, նրանց շրջապատում են ջրային ուղիներ, թատերական ներկայացումներ, տարբեր շոուներ: «Лента.ру»-ն պատմում է աշխարհի ամենաարտասովոր առևտրի կենտրոնների մասին, որտեղ մարդիկ գալիս են ոչ միայն գնումներ կատարելու համար:

Dubai Mall-ն աշխարհի ամենամեծ առևտրի կենտրոնն է: Նրա տարածքը գերազանցում է 1,2 միլիոն քառակուսի մետրը: Այնտեղ կարելի է գնալ երկհարկանի ճանապարհով: Այնտեղ կա սահադաշտ, լեռնադահուկային հարթակներ, ինչպես նաև 22 էկրաններից բաղկացած կինոթատրոն:

Dubai Mall-ում գտնվում է աշխարհի ամենամեծ փակ ակվարիումը, որտեղ ապրում է ավելի քան 33 հազար ձուկ, այդ թվում և շնաձկներ և կատվաձկներ: Այնտեղ գտվնում է նաև ‹‹Բացահայտումների կենտրոնը››, որտեղ այցելուներին պատմում են ծովերի և օվկիանոսների մասին:

Dubai Mall-ում գտնվող ջրվեժ`լողորդների քանդակներով:

Առևտրի կենտրոնի գնումներից հոգնած այցելուները կարող են զբոսնել ուղտի վրա նստած:

Դուբայում տեղակայված Իբն Բատտուտա Մոլը, որն անվանել են հայտնի արաբ ճանապարհորդի պատվին, հեռվից ավելի շատ նմանվում է հեքիաթային աշխարհի: Առևտրի կենտրոնի դահլիճները վերակենդանացնում են միջնադարյան քաղաքների և երկրների ինտերիերը: Գնումներ կատարելով կարելի է անցնել Իբն Բատտուտի ճանաարհը Թունիսից մինչև Իսրայել և Չինաստանից մինչև Մալի:

Ալբերտայում գտնվող West Edmonton Mall-ն իր մեծությամբ համարվում է հինգերորդն աշխարհում: Այստեղ կարելի է օգտվել զվարճահարմարանքներից, ժամանակ անցկացնել կազինոյում կամ գնալ մատուռ: Առևտրի կենտրոնի դահլիճում տեղադրված է Քրիստափոր Կոլումբուսի նավը, որով ծովագնացն անցել է Ատլանտյան օվկիանոսը 1492 թվականին:

Այդ նույն West Edmonton Mall-ում կարելի է հայտնվել նաև սուզանավի երեք մանրօրինակներից մեկի մեջ:

Մինեսոտայում տեղակայված Mall of America-ում կա հսկայական կարուսելներով զվարճանքների այգի:

2009 թվականին բացված զվարճանքների այգին զբաղեցնում է մոտավորապես 28 հազար քառակուսի մետր տարածք:

Զվարճահարմարանքներից կարելի է օգտվել նաև Կուալա-Լումպուրում գտնվող երկնաքերում տեղակայված Berjaya Times Square-ում:

Նոր Տարվան ընդառաջ Berjaya Times Square-ը զարդարում են ավանդական մալազիական ոճով:

Լաս Վեգասում գտնվող Venetian առևտրազվարճանքների կենտրոնն ունի իր հյուրանոցը և կազինոն, իսկ այցելուները կարող են տեղաշարժվել մակույկներով: